اي عضو تستانس لا شفتة متواجد معاك بنفس المنتدى عند الرقم5 (اخر مشاركة : نتوفه - عددالردود : 885 - عددالزوار : 1731 )           »          سَجلْ حّضوركـ بَ ـآـآسم ولد !!! . . (اخر مشاركة : نتوفه - عددالردود : 782 - عددالزوار : 24572 )           »          من هو دلوع/ـة المنتدى...!!؟؟؟؟؟ (اخر مشاركة : نتوفه - عددالردود : 2013 - عددالزوار : 3490 )           »          ليه يادنيا (اخر مشاركة : نتوفه - عددالردود : 3 - عددالزوار : 7 )           »          مِـوِ كُلِـ حٍيٌـ بّـدّاٌخًلِـهٌ اٌحٍسُاٌسُ حٍيٌـ (اخر مشاركة : صادق الاحساس - عددالردود : 2 - عددالزوار : 4 )           »          **$$ لو خيروك تتعشى مع احد الاعضاء مين راح تعزمه $$** (اخر مشاركة : * Maha * - عددالردود : 765 - عددالزوار : 1512 )           »          دفترتسجيل الحضوروالغياب!! (اخر مشاركة : صادق الاحساس - عددالردود : 2318 - عددالزوار : 6319 )           »          خربش على وجه اي عضو...عندالرقم4 (اخر مشاركة : * Maha * - عددالردود : 18 - عددالزوار : 31 )           »          الزبير بن العوام رضي الله عنه (اخر مشاركة : صادق الاحساس - عددالردود : 1 - عددالزوار : 13 )           »          سجل دخولكـ ببيت من الـشـعــر (اخر مشاركة : عاشقة الامل - عددالردود : 3012 - عددالزوار : 113700 )           »         

العودة   منتدى منتديات خجل > - - --^[ ( المــنــتــديـات الأدبــيـــه ) ]^-- - - > الروايات الطويله

الروايات الطويله الروايات الكامله لجميع كتاب الانترنت .. روايات كامله تدخلنا في خيال خصب وعالم واسع


رواية أما غرام يشرح الصدر طاريه وإلا صدود وعمرنا ماعشقنا , للكاتبه / صدود

الروايات الكامله لجميع كتاب الانترنت .. روايات كامله تدخلنا في خيال خصب وعالم واسع


رد
 
أدوات الموضوع طرق مشاهدة الموضوع
قديم 05-09-2012, 01:28 AM   المشاركة رقم: 21
المعلومات
الكاتب:
MAY
اللقب:
آلمشرفـہ آلعآمـہ
الصورة الرمزية
 
الصورة الرمزية MAY

البيانات
التسجيل: Jul 2009
العضوية: 8426
الدولة: ҜṧĄ
المشاركات: 19,667
بمعدل : 10.79 يوميا
معدل التقييم: 116
نقاط التقييم: 42658
MAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond repute

اوسمتي


المزاج
ط


التوقيت

الإتصالات
الحالة:
MAY غير متواجد حالياً
وسائل الإتصال:

كاتب الموضوع : MAY المنتدى : الروايات الطويله
افتراضي رد: رواية أما غرام يشرح الصدر طاريه وإلا صدود وعمرنا ماعشقنا , للكاتبه / صدود







-




البارت الحادي والعشرون :



كنت بريئا


فجَّ الإحساس


لا أبصر فرقا بين الناس


الكل سواء


الكل لآدم من حواء


ووقفت على هذا الميناء


فرأيت صغيرا وكبيرا


ورأيت حقيرا وخطيرا


هذا يجلس والناس وقوف


هذا يمشي فتسير صفوف


هذا يستقبله الحجاب


هذا يترك خلف الأبواب


وأصبت هناك بحمى المجد.


المرحوم غازي القصيبي ,,,







لاحظ سكونها الغريب..وعيونها الزايغة..
ولمعة الدمعة المحبوسة..
ماكس\ما الأمر؟؟
صوفي\لقد ضربها..هناك علامة كبيرة على جبينها..
سيقتلها ذاك الهمجي الحقير..
ماكس\لن يقوم بايذائها فهو يهتم لأمرها..
صوفي بقهر\تباً له ولاهتمامه..كم أكرهه..
ماكس\أوتعلمين صوفي انه لايهتم مثقال ذرة برأيك به..
صوفي\لن أسمح له با الاستمرار في سجنها..
ماكس\ماذا تعنين؟؟
صوفي\سوف أخرجها من ذاك المكان..
ماكس\تباً صوفي ألن تكفي عن حشر أنفك فيما لايعنيك؟؟
صوفي\لا لن أكف عن ذلك..وسوف أنقذها من ذاك المتنمر..
ماكس\ارحلي صوفي ولاتعودي الى هنا أبداً..
صوفي\حسناً أيها السيد لن أنفذ هذا الامر فهنا كانت نشئتي وساعود دوماً..
وان كنت لاتريدني في حياتك سأنسحب منها..ولكن تذكر بأني لم أكن انا السبب
في دمار حياتنا فلقد كان لك النصيب الأكبر من اللوم..
كنت مريضاً لم أكن أعلم ذلك..ولكن هذا لن يكون عذراً لخيانتك لي..

ماكس وقف السيارة نزل ونزلها معه بقوة..
دخلها البيت وجلسها على الكنبة بقوة..
ماكس\واثقة جداً من خيانتي اليس كذلك؟؟
صوفي توقف\اياك أن تعاملني بهذا الاسلوب الهمجي..
لاتشبه ذاك الحقير..وأنا لست تلك الصغيرة السجينة..
ماكس\ربما أنا أرى بأن معاملته ليست منصفة لصغيرتي ولكنها منصفة معك صوفي..
صوفي\أيها الحقير لن أسمح لك بضربي..سأقتلك..
ماكس\لم أنتي واثقة من خيانتي لك؟؟
صوفي\لأني رأيتك بعيني أيها الخائن ..
ماكس بصدمة\رأيتني؟؟
صوفي تضربه على صدره وتبعده عنها..
صوفي\أجل أيها الحقير رأيتك مع كييف وأنت تحتضنها وتقبلها..
ماكس\لاتكذبي صوفي..
صوفي\لست أنا الكاذبة..هل تذكر ليلة عيد زواجنا..
ذهبت للبحث عنك وأراك تحتضن تلك التافهة وتقبلها..
ماكس كتف صوفي وجلسها بس صوفي تضاربت معه وحاولت تبعده عنها..
سدحها ع الكنبة وثبتها بقوة..
صوفي\اتركني ايها الكريه الخائن..
ماكس بحدة\سأضربك ان لم تخرسي فوراً..
صوفي\حقير جبان أكرهك أيها الخائن ..
ماكس حط يده على فم صوفي يمنعها من الكلام..
ماكس\استمعي الي أيتها المتوهمة..بتلك الليلة أتت كييف الي وهي تعلم بمرضي..
لم أكن أريد ان تعلم هي او غيرها..ولكن طبيبتي كانت صديقتها وأخبرتها..
كنت اعلم بانها معجبة بي ولكني لم أكن أرى الا امراءة واحدة فقط..
لم اهتم لأمرها قط..وهي من قبلتني ولكني ابعدتها عني..

صوفي بعدت يده وحاولت تبعده عنها بس ماقدرت..صرخت فيه بس ما تركها..
صوفي\لن أصدقك عذبتني كثيراً..
ماكس\كنت أعلم بما تظنين ولم أشا مواجهتك..
صوفي\كنت تعلم باني سوف أهجرك..
ماكس\ظننتك سترحلين بنفس الليلة..ولكنك لم تفعلي..
صوفي\لم أفعل لأني كنت غبية..
ماكس يبتسم\بل لأنك لم تقدري على الرحيل وتركي..لأنك لم تصدقي مارأيتي..
صوفي\تبدو سعيداً بما أنجزته..
ماكس\أحببتك بتلك الليلة كما لم أفعل في حياتي..
صوفي\وكرهتني بعد أن هجرتك..؟؟
ماكس\هل لك أن تكفي عن النطق بلساني..؟؟
صوفي\كرهتني؟؟
ماكس\كرهت نفسي..فما كان لي أن أجرحك بذاك الشكل..
صوفي بعدته عنها وجلست وهي تقاوم دموعها..
ماكس\لاتحزني صوفي..يمكنك الرحيل وأنا سأكلم المحامي..
ليبداء بمعاملات الطلاق..
صوفي\............
ماكس\أعذريني على تصرفي القاسي معك..ولكن كان يجب أن تعرفي الحقيقة..
لم أخنك قط..
صوفي مسحت دمعتها\أكرهك..
ماكس\ههههههههههههههههه أعلم ذلك..
انفجرت في بكاء حاد..أنصدم ماكس من ردت فعلها..
حاول يتكلم بس مايدري وش يقول..
طوقها بيدينه وحضنها..
ماكس\لم كل هذا البكاء؟؟
صوفي\أشعر بحزن كبير..لا أريد الطلاق ماكسي لا أريد..
مللت من المكابرة والكذب..كرهتك عندما رايتك بأحضان كييف..
ولكني كرهت نفسي أكثر لأني لم أكرهك كما يجب..كنت أعلم بأني أحبك..
وعندما هاجمتني الصحافة وخسرت عرضي الأخير..لم أفكر الا بك فقط..
وأتيت الى هنا لأني أريد أن أكون بالقرب منك..أردت أن أشعر بوجودك قربي..
ماكس بهمس\لاتريدين الطلاق؟؟
صوفي تمسح دموعها وتبعد عنه وتناظر بعيونه..
صوفي\لا أريده..ثلاث سنوات لم أكن أشعر بها..
مرت علي كالجحيم..عدت الى هنا وأنا أرجو العودة اليك..
ولكن تلك الريفية الصغيرة كانت تسبب لي الحيرة دوماً..
وأنت كنت تساعدها..وبذلك غيرت رأيي وقررت الطلاق..
ماكس يبتسم\اذن لازلتي تحبينني؟؟
صوفي قبلته على شفايفه وهمست\أحبك رغم كرهي لك..
ماكس حضنها بقوووة\هههههههههههههههههههههه حسناً يجب أن اعترف لك..
بأني ماكنت لأسمح لك بالرحيل..
صوفي\لقد هددتني القزمة ان لا أهجرك ثانيتاً..
ماكس يقبل صوفي\هل تعلمين بأني أحبها كثيراً؟؟
صوفي\سأشتاق لها كثيراً..
ماكس\لاتستحق مني الرحيل دون وداع..سأعود لتوديعها..
صوفي\سأعود معك..
ماكس\لا لن تفعلي بعد تهديداتك بتهريبها..
لن أسمح لك بالعودة اليها..
صوفي\سأفعل ذلك ماكسي..وعدتها بالعودة..
ماكس يقربها منه\عودي متى تريدين..فلديها من يحرسها ويمنعها عن الرحيل..
وأنتي لديك أنا..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛


قفت بك الدنيا ولا أدري على وين
وفيني بعد ماغبت الايام بارت

كلن توسع خاطره دمعة العين
وانا دموعي داخل العين حارت

لا عتني الفرقا على بعد غالين
ياشينها الايام لاقفت وجارت ..


آآآآه يا هديل كل يوم أنتظر منك اتصال ولا رسالة..
وش الدنيا معك يا الغالية..والله الندم ذابحني ليتني ماطاوعتك..
ليتني فقدت الكبير والصغير ولا فقدتك..
قلتي بأطمنك علي وباهرب منه..تسع شهور يا الغالية ماوصلني منك خبر..

أبوراكان\ياحسين؟؟وش فيك ياأخوي ماترد علي؟؟
أبوعلي\هاه هلا ما أنتبهت عليك أعذرني..
أبوراكان يجلس جنب أخوه\عسى ماشر ياأبوعلي؟؟
أبوعلي\مابه الا ماأنت خابر..
أبوراكان\وش سويت يوم رحت جده؟؟
أبوعلي\ماله أثر باع بيته ومزرعته ولا أحد يعرف مكانه..
ابوراكان\وبيته اللي هنا باعه..
أبوعلي\ماهو في الديرة..وبنتي معه..
راكان\منهو اللي بنتك معه؟؟
أبوراكان و أبوعلي وقفوا بصدمة من دخول راكان عليهم وسوئاله لهم..
أبوعلي\راكان؟؟
راكان بعصبية\منهو اللي بنتك معه ياعمي..؟؟
أبوراكان\قصر حسك ياولد..
راكان\من عطيت البنت علمني..؟؟
أبوعلي جلس بهدوء ونزل راسه\البنت راحت والعوض على الله..
راكان بصراخ\لا ماتروح وأنا حي..ماتروح..
أبوراكان\الميت مايرجع يا أبوك..
راكان بجزع\بسم الله عليها من الموت..
ياعم بنتك نبض في قلبي..وتاج على رأسي..
ما أبيها ومتمسك فيها الا من غلاها..ولو تدللت وتغلت مالها الا أنا..
هي بنت عمي وأنا أولى فيها من اللي تبي تعطيها له..
أبوعلي مصدوم\أنت عن من تحكي؟؟
راكان\غادة..أبيها أميرة لي ولبيتي..
لاتشرف غيري بنصيبي تكفى..

أبوعلي مارد خذاه التفكير ومقارنة الحال..
ياعزة الله كيف فرق السماء عن الأرض بين الأختين..
راكان كيف يطلب غادة أميرة..
وغازي طلب هديل جارية..
عطى بنته يوم أنطلبت جارية..
كيف مايعطي الثانية وهي أنطلبت أميرة..

أبوعلي\راكان ياولدي والله منى عيني ماياخذها غيرك..
ولا أبدي غيرك وأخليك..وغادة لها الراي وهي اللي تقرر..
حلفت ياولدي ماأجبرها ولا أضيمها..
راكان\وأنا ما أرضى بضيمها..ولا أرضى بصدها..
هي لي ياعمي من الحين لين أموت مالها غيري..
أبوراكان\بعون الله انها لك..
أبوعلي يبتسم\أبشر بالخير ياراكان..
راكان يقبل كتف عمه\الله يبشرك بالجنة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛


مر يومين وهي ماطلعت من الملحق مقفلة عليها من بعد سفر صوفي..
مستغربة ليش الى ألحين ماكسر الباب وكسر ضلوعها..
معقولة رضى بالحال وعرف اني ماراح أخدم أهله..
لا والله ماهو بهو اللي يرضى بغير رأيه..
لمست جبينها..خف الورم بس مازال الألم موجود..
واللون لازال واضح بشكل بشع..
ناظرت حواليها بأسف..
فضى الملحق من صوفي وبلاويها..
الحمارة أخذت الثوب اللي عجبني..
الله يكتب لي ألقاها مرة ثانية وأكفخها..

لفت حجابها عليها وطقت لثمتها وطلعت من الملحق..
فكرت تمر على ماريا من الباب الخلفي بس تراجعت..
لأنها ماتبي تقابل أحد من أهل القصر..
توجهت للأسطبلات ودخلت الحضيرة..

قبلت الفرس والمهرة وضمتهم بشوووق..
هديل\كيفك عسولة؟؟كيفك أم عسولتي؟؟
أعذروني على الغيبة اجازة تمردية ..
غمزت للفرس وكأنها تفهم عليها..
بدت في ترتيب الحضيرة وتوزيع القش..
حست بوجود أحد يراقبها رفعت عيونها وشافت ماكس واقف عند باب الحضيرة ويبتسم لها..
ماكس\مرحباً..
هديل بفرح\أهلاً بك..كيف حالك؟؟
ماكس\أنا بخير..وأنتي؟؟
هديل\الحمدلله..
ماكس\كيف حال مهرتك الصغيرة؟؟
هديل\تبدو بخير..والان أخبرني كيف حال صوفي؟؟
ماكس\حسناً أنتي تعلمين تلك المتكبرة..لاتستطيع تركي أبداً
هديل\ههههههههه اذن هل أثبت برائتك لها أيها الخائن؟؟
ماكس\ههههههههههه أجل أثبت برائتي وعفت عني..
هديل\اياك أن تفرط بها مرة أخرى..
ماكس\هههههههههههه انتي لاتكفين أبداً عن التهديد لي أو لها..
هديل\بلاكم مضيعين الدين لازم أوجهكم ل الطريق السليم..>>بالعربي
ماكس\>>كلام غير مفهوم
هديل\لم أفهم ماتقووول..
ماكس\وأنا لم أفهم ماتقولي..
هديل بقهر\اذهب الى عملك أيها المهمل..
ماكس\هههههههههههههههه يجب أن أخبرك أمراً..
هديل\ماذا؟؟
وقبل لا يتكلم ماكس وصل صوته القاسي يقطع عليهم الكلام..
غازي\أعتقد بأني طلبت منك الرحيل من أملاكي..
ماكس يناظر غازي\سأفعل ذلك أردت توديع صديقتي..
غازي\لم أسمح لك بذلك والآن غادر فوراً..
هديل بصدمة\ما الأمر؟؟
غازي\السيد ماكس تم طرده من مزرعتي..
هديل بجزع\ليييش؟؟
غازي\ماعاد ينفعني..
هديل\لا لا مايروح كيف يروح..مالك حق تطرده مالك حق..
غازي\من يمنعني؟؟
هديل\هو ماسوى شيء ليش تطرده ليش..؟؟
غازي\أنتي السبب..
هديل\ليش تطرده..؟
غازي\ما ابيه في أملاكي وهذا يكفي..
هديل شهقت\بس هو ...هو
سكتت لما شافت ماكس يتكلم مع غازي بلغة ثانية..
لماشافته طلع من الاسطبلات..
خرجت من الحضيرة وركضت ورى ماكس..
هديل\ماكس لاترحل أرجوك..
ماكس بابتسامة\يافتاة لاتقلقي علي سأكون بخير..
هديل بدموع\لاترحل..
ماكس\لدي أعمالي الخاصة..يجب أن أذهب لادارتها..
هديل\لا لا لن ترحل..أرجوك ماكس لاتتركني أرجوك..
ماكس\كنت سأرحل دون وداعك..
ولكنك تستحقين ان احترمك واعود لأجل وداعك..
هديل تبكي\لايحق لك الرحيل وتركي وحيدة هنا..
لا أشعر با الأمان الا بوجودك..
ماكس\استمعي الي ان حاول أحد العمال ايذائك فلا تتواني عن اخبار السيد..
هديل\وان أذاني السيد..؟
ماكس\لايسعني عمل شيء لذلك..ولكني اثق بانه لن يفعل..
هديل\لن اسمح لك بالذهاب..
ماكس\تذكري بأني أحبك..
هديل بألم\لاتتركني..ليس الآن ..
ماكس\يوسفني عدم قدرتي على اكمال تعليمك ركوب الخيل..
هديل\هل حقاً أنت راحل من هنا؟؟
ماكس\نعم..
هديل\فلتصلي لأجلي ماكس..
صلي أن يهبني ربي القوة وارحل من هنا..
ماكس\سأفعل..احذري من فكتور..
هديل\ليتك لاترحل ..
ماكس\صوفي تبلغك التحية..
هديل ماردت عليه..قفا عنها وتوجه لسيارته..
لوح بيده لها وقال الكلمة الأخيرة
ماكس\الوداع صغيرتي..

خبت وجها بين يديها وبكت بقهر..جلست على الأرض..
على ركبها..حست فيه لما قرب منها..
غازي\كيف راح تحسين بالأمان في غياب ماكس..؟؟
هديل وقفت مسحت دموعها وقفت عنه متوجهة للملحق..
غازي وقف قدامها\وين؟؟
هديل\جهنم..
غازي يمسك يدها ويسحبها وراه..
غازي\جهنم في القصر مو من هنا..
هديل سحبت يدها منه وهي ترجف\ماراح أخدم في القصر..
غازي\متناااقضة جداً مو انتي طلبتي العمل في القصر ورفضتي العمل في المزرعة..
هديل\والحين غيرت رأيي..وأبي اشتغل في المزرعة..
غازي مسك يدها مرة ثانية\مافيه مشكلة في القصر وفي المزرعة..
هديل\لا القصر ما ابي ادخله..
غازي\وأعتقد اني قلت لك ارادتك مالها أي أهمية..
هديل\اتركني..
غازي\مو فاضي أنا لمراقبة الخدم..قومي بعملك..
هديل رفعت راسها له\لا..
غازي عقد حواجبه ومد يده على وجها..انتفضت بخوف وغطت وجها بيدها..
لحظاااات مرت ماصار شيء نزلت يدها وناظرت فيه..
مسك يدها وأسرها مع يدها الثانية في يده الشمال..
لمس جبينها بهدوء..بس هي غمضت عيونها من الألم..
وبعدت راسها عن ملمس يده..
هديل\ايه أدري انك قوي مايحتاج تثبت هالشيء..
غازي\توجعك؟؟
هديل بسخرية\لا..
حط اصبعه على الكدمة وضغط بقوة\وألحين؟؟
هديل صرخت من الألم\آآآآه
غازي بسخرية\حسبتها ماتوجعك..
هديل رفعت يدينها اللي بيده وحطتها على جبينها تحاول تخفف الألم..
غازي\تبين مسكن؟؟
هديل تبكي\اتركني..
فك يدينها وظل واقف قرييييب منها..وهي كانت حاطة يدينها على راسها..
مد يدينه وحطها على يدينها وضغط عليهم..
هديل\لاتلمسني ابعد عني ابعد..
غازي\هشششش بيعورك أكثر اذا تكلمتي..

بعدت نفسها عنه وقفت راجعة للملحق..
صداااع قوي هاجمها وهي مع الحركة يزيد عليها..
دخلت غرفتها وحطت راسها على المخدة..
ماهدء الألم وهذا خلاها تزيد في البكاء أكثر..
بكت بصوت مخنوق وهي دافنة وجها ..

حاولت توقف من البكاء بس كل ماتذكرت رحيل ماكس..
وأهل غازي ..والالم اللي تحس فيه..
ماتقدر تهداء..
بعد مروور ساعة تمكن منها النوم وغفت ...

ولاكانت تدري بوجوده معها بنفس الغرفة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛

قفلت الجوال بعد ماوصت محمد على وسائل هي محتاجتها..
والجدة جالسة عندها وتناظرها بحدة..
الجدة\غادة..
غادة\لبيه..
الجدة\وش تبين من محمد؟؟
غادة\طلبت منه يجيب اغراض للمدرسة..
الجدة\اااه أجل كلميه وقوليله مايحتاج يجيب شيء..
غادة\واشلون مايحتاج..أنا محتاجتها..
الجدة\لا ما انتي في حاجتها..لانك ماانتي مداومة بعد اليوم..
غادة\نعم..
الجدة\نعامة ترافسك..مثل ماسمعتي ماعاد فيه دوام..
غادة\وليش مافيه دوام..؟؟
الجدة\وراك عرس وبيت لازم تديرينه خلي المدرسة للفاضي.
غادة تماشيها\ولايهمك متى ما اعرست تركت المدرسة لا تحاتين..
الجدة\عرسك بعد الفطر..
غادة\يومه عسى ربي يخليك ويحفظك اتركي عنك موضوع زواجي..
تراني ما اابي اعرس ولا اطلع من بيت أبوي..
الجدة\وراكان يبي يعرس ولا عندك مانع..؟؟
غادة\الا ألف مبروووك وعسى ربي يبني بيته..
الجدة\يعني موافقة يالغبراء؟؟
غادة\أكيد موافقة يومه ..
الجدة تهلل وجها\الحمدلله كنت أدري ما انتي برادتني..
غادة\افا عليك وكيف اردك يالغالية..
بس يومه منهي بنته اللي بياخذها راكان؟؟
الجدة عقدت حواجبها\وش منهي بنته؟؟
غادة\يعني منهي عليه من العرب..نعرفها تصير لنا ؟؟
الجدة\أمك ياحسين البنت تبي تجلطني..
غادة\هههههههههههههههههه فديتك يومه وليش اجلطك..؟؟
الجدة\رويكن يبيك زوجة له..وزواجكم بعد الفطر سمعتي ولا انطقي..
غادة\ماله عندنا نصيب الله يحفظه..
الجدة\اقربي مني انتي بس اقربي..
غادة\لا والله ما اقرب تبين تمصعين رقبتي..
تمت الجدة تتحلف وتتوعد في غادة وان مالها الا راكان..
بس غادة كانت مريحة بالها بعد ماوعدها ابوها مايجبرها على شيء..
انتبهت على مجلس الحريم ينفتح ويطلع ابوها منه..
وانصدمت لما شافت سارة بنت عمها خارجة ورى أبوها..
وقفت ببطء ونظراتها عليهم..
شافت أبوها يبتسم لها وهو اللي صارله زماااان ماشفت بسمته ,,
قرب منها وباسها على جبينها\ألف مبروك يا ابوووي عسى بيتك عامر..
انخطف اللون من وجها وركزت عيونها على سارة اللي كانت تبتسم مبسوطة..
الجدة\وش تبارك لها عليه؟؟
ابوعلي\ابارك لها براكان يومه..
الجدة\بالمبارك يا ولدي با المبارك..
غادة بهمس\يوبه...
ابوعلي\سارة فهمتني سبب رفضك..بس مايحقلك يابنتي..
تحرمي نفسك من السعادة علشان أحد..
والله ما اتمناك الا لراكان..ولو تدرين كيف فرحتي اليوم
من زمان يا ابوووك مافرحت من زمان..الله يتمم لكم على خير..

خرج أبوها من الصالة وسارة أستئذنت منهم بان زوجها عند الباب..
بس غادة كانت في عالم ال لاوعي..
رافضة وغير مدركة للي يصير حواليها..
علي دخل وحضنها بقوووة وبارك لها..اعتذر منها على صراخه عليها..
وطمنها ان راكان مابيضيمها..
أمها خفت الدموع من عيونها وسمحت لشفايفها تبتسم وتبارك..
حنان وولدها عبدالله..
وحتى محمد لما دخل عليهم صار ينشد للعرسان واهلها يضحكون..
انسحبت من بينهم بهدو وطلعت تايهة توجهت لغرفة هديل..
انسدحت على سريرها وانتحبت بصوت مخنوووق وهي تشم ريحة أختها المرحومة..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛

كانت في المطبخ تساعد ماريا لما سمعت صوت قريب منهم يكلم طفل..
شوق\فديت غازي وقلبه..فديت غازي وأمه..فديت غازي وخاله..
فديت غازي وربعه..الدبدووب الحبوووب..
دخلت شوق وهي تلاعب غازي الصغير وتضحكه..
لما رفعت عيونها وشافت هديل كشرت ونفخت بقهر..
شوق\تشوف غزوي الحثالة هنا..
طنشتها هديل وخرجت من المطبخ متوجهة للمكتب..بعد ماوصلتها أوامر غازي بتنظيفه..
سكرت الباب وبدت بشغلها..فتحت الطاقات ونفضت الغبار..
طلعت على السلم الخاص بالمكتب..رتبت الكتب بس بشوية لعانة..
سحبت كتاب من تحت كانت دائما تشوفه على المكتب ورفعت فووق باعلى رف..
غيرت أماكن الكتب وهي تبتسم بنذالة..

وفي لحظة تحرك السلم بقوة وزلت أرجولها وطاحت وهي تصرخ بصوت عاااالي..
بس قبل لا توصل الأرض حست بيدين تلمها بقوة وتمنعها من الوصول للأرض..
فتحت عيونها برعب..وفي لحظات ماقدرت تشوف شيء غير الظلام..
بس أول مابانت لها الروياء..
أكتشفت انها بين يدينه وقريبة منه مرررررررررررررة....
وجها لاصق برقبته ويدينها حوالينه..

هديل برجفة\نزلني..
غازي مال بجسمه ونزلها على الأرض..
هديل\السلم كان ثابت أول مرة يتحرك..
غازي\يمكن بفعل فاعل..
لحظة وفهمت قصده يعني هو اللي حرك السلم وطيحها..
هديل ضربته على صدره بقوة\انت تبي تذبحني يامجرم..؟؟
غازي\ما أقوى ..
هديل\لاتقرب مني مرة ثانية فاهم..
غازي يناظر بالكتب\الحين تطلعين على السلم وترجعين كل كتاب لمكانه..
هديل\ماراح اطلع عليه مرة ثانية..ما اضمنك ..
غازي\رجعي كل كتاب بمكانه..
هديل\مكتبتك انت رتبها انا ما اعرف..
غازي\تطلعي او اطلعك غصب..
بعدت عنه بسرعة بس هو مسكها وقربها من السلم كان راح يرفعها عليه لما سمع ..
شوق\غازي الخدم اذا مانفذوا الأوامر ينضربون..
فكت يدينه من حواليها وبعدت عنه..
غازي\تعتقدي كذا ياشوق؟؟
شوق\ايه..
غازي\لا فيه ناس مانرضى عليهم..
هديل لمت الأغراض وتوجهت لباب المكتب تبي تطلع ..
بس شوق مدت أرجولها وكانت هديل راح تطيح على وجها بس تماسكت ..
شوق\سوري ماقصدت..
ووقفت بثبات ناظرت في شوق بتحدي وفكت علبة المنظفات وطاحت على أرجول شوق.
هديل\مو سوري لأني قصدت..
كملت طريقها وجت بتطلع من المكتب بس التفتت على صوت..
شافت غازي ماسك شوق ويسحب كتاب من يدها كانت ناوية ترمي هديل فيه..
شوق\هذي يبيلها تكسير رأس..اتركني غازي..
هديل\تمنيتك سويتيها..عاد أنا عندي دروس فن التشويه..
كنت راح أشوهك مزبوووط..
شوق\ياحثالة يا حقيرة اللي مثلك مايرفع راسه ولا يتكلم..
هديل\ألفاظك سوقية..احترمي أخوك
شوق بقهر\والله لا أطلع كل هذا من عيونك..
هديل مشت ولاردت عليها..بس كانت حاسة في غازي لما مشى وراها..
دخلت المطبخ رمت الاغراض وكانت راح تهرب لغرفة ماريا بس غازي مسكها..
غازي\ماني مجبور على طولة لسانك..ولا حركاتك..
هديل بتحدي\ماني مجبورة على لسان اختك ولا حركاتها..
غازي\واختي مالها ذنب في حالتك..
هديل بغصة\وانا لي كل الذنب في حالتكم؟؟
غازي\
ما هوب لا ذنبك ولا ذنب الأقدار
النار ما تختار حزمة حطبها..
























عرض البوم صور MAY   رد مع اقتباس
قديم 05-09-2012, 01:34 AM   المشاركة رقم: 22
المعلومات
الكاتب:
MAY
اللقب:
آلمشرفـہ آلعآمـہ
الصورة الرمزية
 
الصورة الرمزية MAY

البيانات
التسجيل: Jul 2009
العضوية: 8426
الدولة: ҜṧĄ
المشاركات: 19,667
بمعدل : 10.79 يوميا
معدل التقييم: 116
نقاط التقييم: 42658
MAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond repute

اوسمتي


المزاج
ط


التوقيت

الإتصالات
الحالة:
MAY غير متواجد حالياً
وسائل الإتصال:

كاتب الموضوع : MAY المنتدى : الروايات الطويله
افتراضي رد: رواية أما غرام يشرح الصدر طاريه وإلا صدود وعمرنا ماعشقنا , للكاتبه / صدود







-





البارت الثاني والعشرون :






و أعجب كيف أخوض الجموع

بدونك

و أرقص فوق الحراب

بدونك

المرحوم غازي القصيبي ,,


وهذه أبيات تمثل هديل برأي الغالية رسووو..



قِفـوا ...

لن تَبلُغوا مِنّي وُقُوفَ النّدِّ للِندِّ ِ.

مَتى كُنتمْ مَعي.. حتَى

أُضارَ بِوَحشةِ البُعْـدِ ؟


قِفـوا ضِـدّي .

أنا حُـرُّ .. ولا أرجو بَراءةَ ذِمَّةٍ

مِن ذِمّـةِ العَبْدِ .

خُـذوا أوراق إثباتي .

خُذوا خِزْيَ انصهاري في ذَواتٍ

أَخجَلتْ ذاتي .

سَفَحتُ العُمْـرَ

أُوقـِظُ نائِمَ الإنسان في دَمِها

وَحينَ تَحرَّكَتْ أطرافُ نائِمِها

مَشَتْ فَوقي .. تُجدِّدُ بَيعةَ القـردِ !

خُـذوا آبارَكُمْ عَنّي .

خُـذوا النّار الّتي مُتُّمْ بِها

مِن شِدَّةِ البَـرْد

خُـذوا أنهارَكُمْ عَنّي

خُـذوا الدَّمْعَ الذّي يَجري

كسكّينٍ على خَـدّي .

خُذوا الأضواءَ والضّوضاءَ

عَن عَيني وَعَن أُذُني ..

أَنَا ابنُ الغَيمِ

لي مِن دُونِكُمْ بَرقي وَلي رَعْدي .

قِفـُوا ضِـدّي ..

كَفاني أنّني لم أنتزِعْ مِن قَبلِكُمْ جِلدي .

وأنّي لم أَبعْني، مِثلَكُمْ ، في ساعةِ الجِدِّ .

كَفاني بَعدَكمْ أنّي

بَقيتَُ ، كما أنا ، عِنْـدي .

فَماذا عِندَكُمْ بَعْـدي ؟!

<<مطر <<







كانت جالسة بغرفة أهلها مع امها ويتناقشون في موضوع الزواج..
وأمها ملاحظة صدها عن الموضوع وعدم أهتمامها فيه..
دق جوالها للمرة الخامسة قفلته لما شافت المتصلة سارة..

أم علي\غادة من يتصل عليك؟؟
غادة من دون اهتمام\سارة..
أم علي\ليش ماتردين عليها؟؟
غادة\مستحية منها يومه..وسارة بتظل تعلق علي وتضحك..
أم علي\الله يسعدك يابنتي ويبني بيتك..
غادة\يومه..
أم علي\لبيه..
غادة\لبيتي في منى ان شاء الله..
يومه ما أبي أتزوج هالسنة..أجلوها ل الصيفية الجاية..
أم علي\وليش ماتبين تتزوجين ها السنة..
قرروا زواجك بعد العيد..بعد زواج سهى..
غادة\يومه تكفين أفهميني..أنا مو مرتاحة الحين..
أم علي بحنية\وش اللي مكدرك يا غادة؟؟
غادة بغصة\بدري علي أفرح يومه..بدري على زواج وحفل ..
توها هديل ماكملت سنة من وفاتها..
أم علي بأنين\آآآآه يا غادة ولو أنتظرنا الزمن كله مارجعت..
هذي الأيام مرت وأنا أنتظرها تطل علي بغرفتي..
تزورني قبل تنام وتسولف عن هادي..
أضمها وأشم ريحته فيها..
غادة\الله يرحمها يومه ويصبرنا..
أم علي تمسح دموعها\لاتأخري زواجك يا غادة..
ولا تظني انك تسيئين لأختك بزواجك بعد وفاتها بشهور...
يومه الحزن يظل با القلب ولو تزوجتي الحين أو بعد سنين ماتغير شيء..
غادة تبكي وتحضن أمها\ما أقدر يومه والله ما أقدر..
ما أريد اخون أختي والله ما أقوى..
أم علي\أختك ماتت وعوضها عند ربي..
وأنتي اتبعي سنة الحياة وكملي طريقك..
غادة\تكفين يومه أجلوا الزواج ل السنة الجاية تكفين..
أم علي تهديها\هدي نفسك أبوك ماهو جابرك على شيء..
وراكان ما بيرفض تأجيل الزواج..
بس أنتي فكري بعقلك..وخلي منك الزعل..
ترى الحزن يذبح يا بنتي..
غادة تقبل يد أمه وتحضنها وظلوا يتكلموا عن هديل وذكرياتهم معها..

غادة تقبلت فكرة الزواج بغير اهتمام أو دون أن تستوعب الموقف..
وكأنها مسيرة مو مخيرة..حاولت تتكلم مع أبوها وتبين له موقفها..
لكن ماقدرت بعد ماشافت فرحته ونظرة عيونه..
فكرت تتكلم مع علي بس كانت تدري وش نهاية نقاشهم..

حاولت قد ماتقدر تمنع نفسها من التفكير..
وتنفي فكرة انها تخون أختها وتأخذ نصيبها..
بس كانت رغماً عنها تنسااااااق بدون احساس ل الشعور بالذنب ..
واحساس الخيانة المُرة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛



كانت جالسة في الصالة الداخلية تنتظر نزول غازي من فوق..
قالت له راح تنتظره برا القصر بس هو خيرها..
غازي\انتظري هنا او تعالي فوق..
عصبت عليه وجلست بالصالة مطنشته..
طلع وهي ظلت تنتظره ومتوترة ماتبي تشوف احد من أهله..

حست بقشعريرة بكل جسمها لما شافت أمه ورشا داخلين الصالة..
وقفت وهي تناظر بأم غازي..اللي كانت مركزة عيونها على هديل..
نزلت عيونها احتراماً لسنها..وخوف من اي مواجهة ممكن تجمعها مع الأم..
أنتبهت عليها تجلس بكنبة بعيدة عنها مرررة..

رشا\نعم وش تسوين جالسة هنا؟؟
هديل جلست\ينعم عليك..أنتظر الملك..
رشا\تقدري تنتظريه برا مو هنا..
هديل\لا ما أقدر..لأني أخاف أظل برا في الليل..
رشا\ليش المجرمين يخافون؟؟
هديل\ايه نخاف ولا محسبتنا ماعندنا مشاعر..
رشا\ماظنتي أمثالك عنده شعور..
هديل\ظنك بمحله..
رشا\المكان اللي نتواجد فيه تطلعي منه..
ولو سمحتي طول ما احنا هنا مانبيك تدخلين..
هديل\ان شاء الله ألف طلب مثل هالطلب..
رشا\لأنه وبصراحة وجودك مكرووهة في البيت..
هديل\صدقيني شعور متبادل..
شوق بعصبية\أنتي وش مجلسك هنا؟؟
هديل بطفش\كملت..
شوق\اطلعي برا ما ابي أشوفك هنا..
هديل بنظرات باردة\طالعة بس محتاجة الأمر أولاً..
شوق\وهذا أنا قلتلك أطلعي..
هديل بسخرية\ومن تكونين عشان تعطين الأمر..
لا ياحلوة مالك كلمة علي..
شوق تقرب منها وهي تصرخ فيها..
شوق بكره\من تفتكري نفسك يا......
رشا شهقت من هووول الكلمة اللي سمعتها ..

هديل وقفت مصدومة من الكلمة اللي قالتها شوق..
لا مو لها الدرجة توصل فيها الدناءة مو لها الدرجة..
هذي ماتعرف ان كل كلمة تقولها تسجل في كتابها عند ربي..
هديل\ولاترموا المحصنات المؤمنات..
شوق باحتقار\قلتيها المحصنات وأنتي مو منهم..
هديل\واثقة بنفسي وكلامك ماراح يهزني..
شوق\واثقة وأنتي جارية عند أخوي..؟؟
هديل\تدرين أمثالك ماينرد عليهم الصوت..
رشا\شوق تعالي هنا..
شوق\قلتي ماينرد علي الصوت يا حثالة..
هديل\ايه يا ولا تدرين بلاش أنزل لمستوى ألفاظك..
شوق مدت يدها وضربت هديل بكف وهي تصرخ عليها..
شوق\حقيرة ولئيمة مجرمة ..
هديل أول ما أستوعبت اللي صار..لفت على جهة شوق ..
بس أنصدمت بالوجه الصارم اللي واقف قدامها وشوق وراه..
هديل بألم\الحشيمة لك..لأنك بمقام الوالدة..
ناظرت في شوق وبوعيد\لك دين في رقبتي وأوعدك أوفي الدين..

رشا\لاتهددي وتنسي من تكونين..
هديل بتحدي\مانسيت من أكون..
أنا بنت الرجال اللي تنومس من حكى فيها..

مشت تبي تطلع من الباب لما سمعت صوت شوق وأجبرها الصوت تلتفت..
شوق بابتسامة\لو كنتي بنت الرجال ماكان تخلى عنك..
هديل\ولو كنتي تحشمين أمك ماتلفظتي بقولك..
بس هذي تربيتك العظيمة..

حست بشخص وراها وكانت تدري من يكون بس ماتراجعت..
ثبتت على موقفها وقالت اللي لازم ينقال..
غازي بحدة\وش صاير هنا؟؟
رشا\ماصار شيء..
غازي\أنا قلت وش صاير هنا؟؟
شوق\اسأل خادمتك..
غازي بعصبية\وبعدين ماراح تردون يعني؟؟
أم غازي\مافيه شيء يستاهل ينقال..
غازي\وأنتي عندك شيء تقولينه؟؟
هديل بهدوء\ممكن أرجع غرفتي؟؟
غازي\موقبل لا أعرف معنى كلامك اللي قلتيه..
هديل\كلامي مفهوم مايبيله شرح..
شوق\صارت تتكلم عن التربية وناسية وش صفتها الحقيرة..
غازي بغضب\شوق اكتمي نفسك..
ولاتقولي شيء أخليك تندمي عليه..
شوق\أنا ماقلت شيء غلط..
أم غازي\شوق ولا كلمة..

بعدت هديل عنه وانسحبت من المكان..
طلعت من القصر بس ماأمداها تبعد لأنه مسكها ولفها عليه بقوووة..
غازي بعصبية\أنا حذرتك أكثر من مرة..لاتقللي من أحترام هلي..
هديل كاتمة نفسها ماتبي تتكلم لأنها راح تقول شيء يخليه يعصب ويضربها..
وفي نفس الوقت كانت تدري لو تكلمت راح تبكي..
غازي\لاتخليني أقسى عليك أكثر..
أحترمي حدودك ولاتكبري في الكلام..
هديل هزت رأسها موافقة على كلامه من دون صوت..
كان يظن انها تهزىء فيه من سكوتها..رفع راسها بقوة وناظر بعيونها..
تغيرت نظرته من لون خدها الأحمر وأثر الأصابع عليه..
ومن لمعة الدموع في عيونها..
حط يده على خدها وأول ماحست بيده غمضت عينها..
ونزلت دمعتها على يد غازي..
حطت يدينها على صدره وبعدته عنها بهدوء..
وأنسحبت من يدينه متوجهة للملحق..

قفلت الباب وأرتكزت عليه وهي تشهق من البكاء..
كم موقف تمر فيه باليوم وتعاني منه..
بس ماتبكي قدامهم..


تعلمت أحبس الدمعة وأدور للبكاء أوقات
وأكون بعيد في حالي تنزل كل دمعاتي
أساطير الوفاء كانت من الماضي وهي حكايات
كبرت وصرت أكذبها ...كثر خير طعناتي


أنا مابي بهدنيا بعد هالمرحلة رغبات
عسي الله بس يكفيني هوى نفسي وغلطاتي

كسرت بداخلي أشياء تعيش الماضي إللي فات
ومريت التعب كله ولاحصلت راحاتي


كنت أحلم ,,ومن حقي مثل غيري ولي غايات
ولكن حالتي تقسي على أبسط خيالاتي

ولو ينكرني العالم شعوري ما عرف حسرات
أنا متعود النكران كثير أنكرت أنا ذاتي


رمت نفسها على فراشها تنتحب بصووت عالي..
كلامهم قاسي قااااسي ..
يجرحووون بضمير..
ينكرووون أصلي وكياني..
أنا ماأستاهل النكران..
أنا ما أستاهل الحرمان..
ماكفاهم اللي فيني يزيدوني بكلامهم..
ماكفاهم قسوته علي وضربي..

ويييينك يوبه وييينك..
ضاقت بي يا أبوعلي والله ضاقت بي..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛



لو قسى هــ العألم أدري بقلبك حنون...
بس لو قسى قلبك وين بهـ العالم اكون ,,

هادي\على البركة يوبه الله يوفق بينهم على خير..
أبوعلي\حددنا زواجهم بعد زواج سهى بنت عمك..
هادي بصدمة\بس يوبه ما كأنك قدمت موعد الزواج..
مابقى وقت على رمضان والعيد..
أبوعلي\لا الموعد طيب..والبنت يمديها تحضر نفسها..
هادي\يعني غادة موافقة على الموعد؟؟
أبوعلي\ماظنتي انها رافضة يا أبوووك..
هادي\الله يوفقهم ان شاء الله..
أبوعلي\وأنت يا أبووك وش مسوي في غربتك؟؟
هادي\الحمدلله يوبه الحال طيب..
صح الغربة شينة بس صوتك يشفي القلب..
أبوعلي\اهتم بدراستك ياولدي واهتم بعمرك..
هادي\ان شاء الله لاتوصي..
أبوعلي\ناقصك شيء محتاج فلووس ؟؟
هادي\لا فديتك ماناقصني الا شوفك..
أبوعلي\الله يردكم بالسلامة..
هادي\الله كريم..سلم على أمي وعسولتي..
أبوعلي\الله يسلمك فمان الله ..
هادي\وداعة الله..

وهذي غادة بتتزوج ياهديل..
وبتستمر الدنيا تدووور والناس يعيشوون..
بس ماراح تصيرين ذكرى..
ولا ماضي..
طلع الصندوق الخشبي وخرج الدفتر منه..
فتح على الصفحة قبل الأخيرة..

هاقد حان وقت الرحيل ..
وبدأت بحزم حقائبي..

فهل ستبكون فراقي..
أم أنـــــــــي لا أعني لكم شيئاً؟؟!

والله أنك كل شيء..
كل شيء يا الغالية..

ليتني أعرف وش اللي كان مضايقك..
ليه كتبتي بكل ذا المرار..
معقولة كنتي حاسة أنك مودعة..
ولا الكوابيس اللي كانت تجيك..
أوهمتك بالموت..

ناظر بالسماء وهمس..
وحشتيني,,,


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛

سارة بترحيب\هلا وغلا فديت الرقم وراعيته..
أفا كل هذا سحى ماتردين..
غادة\قولي له يأجل الزواج أو يلغيه..
قفلت الجوال بوجه سارة ..
مقتنعة با اللي هي تسويه ..
أتصلت سارة عليها أكثر من مرة بس ماردت..
وصلتها رسالة من سارة وصدمتها
[ردي ولا والله أجيكم ألحين وأكلم عمي ويصير شيء مايعجبك]
ردت بعد ثالث رنة..
غادة\نعم..
سارة بارتباك\احم غادة كيفك؟؟
غادة بقهر\ماهو بشغلك..
سارة\طيب هدي شوي وفهميني وش فيك؟؟
غادة\ما أبي أتزوج..
سارة\ليش؟؟
غادة\مايخصك..
سارة\طيب ليش تبين تأجلين الزواج؟؟
غادة بغصة\سارة أتعبتييييني أتعبتيني حرااام عليك والله حرام..
أنا ماسويت لك شيء..ليش سويتي كذا ليييش؟؟
ما أقدر أتزوجه ماأقدر..نسيتي راكان من يكوون..
أنا ما أقدر أنسى والله ما أقدر..
أحس أني أخونها مالي حق أتزوجه مالي حق..
أختي ولا أقدر أنساها وأخوك ولا أقدر أنساه..
خليني بحالي تكفيني فكيني من هالزواج..

....\وراكان من يكون؟؟وليش ماتقدرين تتزوجينه؟؟
والمرحومة وش علاقتها في الموضوع؟؟

غادة شهقت وتجمدت بمكانها من الصوت الجهنمي اللي يكلمها..
توترت خافت حست فيه واقف قدامه..
حست بعصبيته من صوته العالي..
رمت جوالها بعيد عنها وضمت نفسها بقوووة..

راكان\غادة ردي..

ما أحد رد عليه وهذا زاد عصبيته..
ألتفت على سارة وصرخ عليها..
راكان\وش سالفة بنت عمك هذي؟؟
كلامها مبهم ولافهمت منها شيء..تبينا نأجل الزواج عشان هديل..
قلتلك ماعندي مانع بس تأجل لشيء وغير مفهوم..
سارة بخوف\راكان صل على النبي يا أخوي..
أنا أفهمك كل شيء..
راكان\اللهم صلي وسلم على محمد..
أسمعك فهميني بنت عمك وش سالفتها؟؟
سارة\والله مدري كيف أقولك ياراكان..
غادة مو راضية تتزوجك بسببي أنا..
راكان بنظرات نارية\وأنتي وش سويتي لها؟؟
سارة\أأنا ك من زمان قلت لها أنك تحب وحدة..
راكان وقف وصرخ\نعم وش قلتي لها؟؟
وأنتي من وين جايبة كلامك هذا يالهبلاء؟؟
سارة تحاول تهديه\قلت انك تحب وحة وتبي تتزوجها..
راكان\أنتي تبين تجننيني..كيف تقولي عني كذا؟؟
سارة\أنا فهمت غلط..ماكنت أدري انك تحب غادة..
ظنيتك تحب وحدة ثانية والله..
راكان\وان كنت انا احب غادة او غيرها..
بأي حق تتكلمين في هذا الأمر مع احد؟؟
سارة\انا أسفة ياراكان والله ماقصدت اسبب مشاكل..
راكان\وغادة وش دخلها ان كنت احب غيرها..
أنا ماطلبتها الا لأني أبيها..لو ابي وحدة ثانية ماتعنيت لها..
سارة تبلع ريقها\اصل المشكلة هنا..
راكان بضيق\تكلمي قولي كل شيء..
سارة\هي رفضتك بسبب البنت اللي قلت لها انك تحبها..
راكان بسخرية\ايوه ومن تكون هذي المحظوظة بحبي؟؟
ياليت بس تتكرمين علي وتعلميني انا من أحب؟؟
سارة\هـ هديـــــــل..
راكان بهدوء\من؟؟
سارة\قلت لها انك تحب هديل وتبي تتزوجها..

راكان وقف وركز نظره على سارة..
ولو كانت النظرة تذبح كان ذبحتها نظراته..
شال جواله ومفاتيحه وخرج من بيت أخته معصـــــــــــــب..
ركب سيارته وتوجه لبيت عمه أبو علي..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

كانت في الحضيرة جالسة بعد ما نظفتها واكلت الفرس..
مشطت شعر عسولة وهي تسولف معها..
هديل\آآآآآه ياعسولة سني يعورني..
ماقدرت أنام من الألم..حتى ماعندي مسكن يخفف الوجع..
كان موعدي عند الدكتور من شهووور بس ماقدرت اروح..
لأني جيت هنا..تعرفي دكتور أسنان قريب من هنا؟؟
بس ما ابيه بيطري..أبيه دكتور انساني..

حست بأصوات تقترب من الحضيرة..وقفت وتخبت ورى الفرس..
سمعت صوت مألوف لها..صوت مايعرف الا الصراخ والهواش..
شوق\وأخيراً شفتها..ياقلبي ما أجملها..
رشا\ماشاء الله مثل ماوصفتها..
غازي كان شال غازي الصغير بين يدينه..ويسولف معهم عن المهرة..
بس لاهو ولا هم أنتبهوا على الظل المتخبي ورى الفرس الأم..
شوق\غازي وش سميتها؟؟
غازي يبتسم\أعتقد ان اسمها عسولة..
رشا باستنكار\عسولة؟؟ليش اخترت هذا الاسم؟؟
غازي\يمكن لأنه غالي على صاحبي فسماها عسولة..
شوق\وصاحبك هذا وش يحس فيه مع هذا الاسم ماهو حلوو بااايخ مررة..
غازي\المهم أعجبني ويكفي انه من اختيار صاحبـــــــي..
رشا\وصاحبك هذا وش اسمه؟؟
غازي\هادي..
طعنة توسطت بقلبها..
يــــــا الله كيف لذكر الاسم من شفاه غير شفتيها له وقع خاص..
له روووح له وجوووود..له معنى وألف ذكرى..
كتمت أنفاسها تمنع شهقة تطلب فيها الهواء يدخل جسدها وينعش روحها..
كتمت دمعة حائرة تتمنى النزول على ذكر اسم ذاك الغالي الأثير..
قمعت الحنين والشوووق القاسي..
فليس الآن وقت الضعف ولا الظهور بمظهر التائهة..

شوق\غازي مالي دخل أبيها..اشحنها ل السعودية..
رشا\لا توها صغيرة اذا كبرت بعد كم شهر اشحنها..
غازي\بس صاحبي يبيها ومتعلق فيها..
شوق\واذا كان متعلق فيها المفروض يدري انها مو له..
غازي\بس أنا وهبته اياها..
شوق\افا يعني هو أغلى مني؟؟
غازي\ــــــــــــــــ ماهو أغلى منك..
شوق تبوسه على راسه وكتفه مبسوووطة ان المهرة صارت لها..
ورشا تضحك على حماس شووق اللي قررت اول قرار انها تغير اسم المهرة..

جلست على الأرض بانكسار...
وهي تناظر في عسولة الغالية على قلبها موووت..
عسولة يعني جرحٍ جديد..
الى متى بيظل يأخذ مني أحبابي..
يحرمني من كل شيء أتعلق فيه وأريده..
أدري انه يعاقبني وينتقم مني..
بس مدام انه يعذبني لحالي..
وبعيد عن أهلي وأخواني..
فهذا يعزيني ويكفيني..
ابتسمت بألم ومسحت الدمعة الخاينة..
مادمت أتعذب لأغلى البشر فلا بــــــــــــــــــأس,,




آفًا يًاجًرحٌ لاتبكي ترى كل الجروح تطيب
ترى كل البشر يخطون ونتحمل خطاياهم

بكينا واندفن فينا,,حزن اصدق مٍن التكذيب
بٍكٍينًا بٍكٌل مًافٍينًا وفينا والعذر منهم !!!

لقينا ناس فيهم قلب وًنًاسٌ فُنُوًنهًا االتعذيب
وًلكٍنٍ مًانُقُولً :الآهـ ولانتعب مسامعهم

وسافرنا فراق الهم لقينا الهم فينا عيب
وواصلنا مسيرتنا وٍكٍل قُلُوبًناً معهم

نخبي آجًملً اًلآهٌآتً ولانرتب لها ترتيب
وتاخذنا .. سنين العمر ونتحمل خطاياهم

كٍذًاً يًاجٍرٌحً هالدنيا سهولتها من التصعيب
حلاوتها في قساوتها ولكن عيب نعلمهم

تًانبٌنٍا ضٍمًايٍرٌناً ولا نلقى سوى التأنيب..
مصيري او مصير،، الًلٌي بيخطي لو يجاملهم

صحيح قلوبنا تعبت ولكن اجمل التعذيب
عذاب آغًلًى آلٍبشًرٌ لاصرت تتعذب لراحتهم ,,,




















عرض البوم صور MAY   رد مع اقتباس
قديم 05-09-2012, 01:38 AM   المشاركة رقم: 23
المعلومات
الكاتب:
MAY
اللقب:
آلمشرفـہ آلعآمـہ
الصورة الرمزية
 
الصورة الرمزية MAY

البيانات
التسجيل: Jul 2009
العضوية: 8426
الدولة: ҜṧĄ
المشاركات: 19,667
بمعدل : 10.79 يوميا
معدل التقييم: 116
نقاط التقييم: 42658
MAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond repute

اوسمتي


المزاج
ط


التوقيت

الإتصالات
الحالة:
MAY غير متواجد حالياً
وسائل الإتصال:

كاتب الموضوع : MAY المنتدى : الروايات الطويله
افتراضي رد: رواية أما غرام يشرح الصدر طاريه وإلا صدود وعمرنا ماعشقنا , للكاتبه / صدود








-




البارت الثالث والعشرون :



لن أستطيع أن أحل معضلة وجودك..
هذه حقيقية مؤكدة ..
ولن تستطيع أن تحلي معضلة وجودي..
هذه حقيقية مؤكدة ثانية ..
ذلك أن معضلات الوجود تعيش في دهاليز الروح المظلمة التي لا يتسرب إليها ضوء نجم ،
ولا تدنو منها نسمة هواء ..
تصطرع مع الكوابيس ، مع الأشباح ،
مع الأسئلة التي لا تملك جواباً ، مع المجهول الذي يصب في مجهول ..
ونحن نحمل دهاليزنا المظلمة ، نروح ونجيء، نبتسم ابتسامة بلا روح ،
ونضحك ضحكة بلا فرح ، ونتظاهر أن وجودنا خلو المعضلات ..
ولكننا عندما نخلو إلى أنفسنا ندرك أننا نحاول أن نخدع قاضياً لا يخدع..
لا نستطيع أن نحل معضلات وجودنا ..
ولكننا نستطيع أن نقتسم لحظة وردية فاتنة..
في تلك اللحظة نضحك .. وتجيء ضحكاتنا صافية كالخرير..
ونبتسم.. وتجيء ابتسامتنا مشرقة كالشموس..
نلعب على الرمل.. نعدو فنسبق ظلنا ، كما يقول ناجي..
نمتطي أراجيح النجوم.. ننزلق على تلال الخيال..
نزور مقاصير الشعر..نسافر على أشعة القمر..
سنقتسم هذه اللحظة الوردية الفاتنة ..
ومعها قليل من الحب..
ثمة حقيقية مؤكدة ثالثة ..
بقليل من الحب..
نستطيع أن نواصل السير في الرحلة المرعبة ..
بقليل من السعادة..


المرحوم غازي القصيبي,,,










راكان لمادخل بيت عمه قابل علي اللي سلم عليه ودخله المجلس الخارجي..
بعد دقايق دخل أبوعلي سلم على راكان ورحب فيه..
سألوا عن الحال والأحوال..وبعدها بدء راكان في الكلام المهم..
راكان\طلبتك يا عمي..
أبوعلي\عطيتك يا راكان..آآمرني ياولدي..
راكان\مايامر عليك مخلوق..أنت طلبت أأجل الزواج وأنا وافقت..
أبوعلي\ايه وأجلنا الزواج ل الصيف الجاي..
راكان\وأنا غيرت رأيي ألحين والزواج أبيه بعد الفطر وقبل زواج سهى..
أبوعلي\وش اللي غير رأيك وخلاك تستعجل..؟؟
راكان\عندي سفرة مهمة بعد العيد عشان الشغل وخاطري أخذ زوجتي معي..
علي بتأييد\من حقك ياراكان..
أبوعلي\بما أن البنت موافقة على الزواج فماضنتي موعد العرس بيغير شيء..
الله يبارك لكم يا ولدي..وأنا بأقول لهم يجهزون حالهم قبل العيد..
راكان\الله يبارك فيك ياعمي..مابقى وقت لازم نجهز للحفل..
ونخلص حجوزات من الحين..
أبوعلي بابتسامة\على القوة يا ابوووك..
علي\مبروك يا أبو الشباب أخيراً بتودع العزوبية..
راكان يبتسم\الله يبارك فيك عقبالك..
علي\هههههههههههههههه مادام معايا القمر مالي ومال النجوم..
ما أبدل أم عبدالله لبى قلبها..
راكان\والنعم في بنت حمد..

وبكذا تم اعلان موعد زواج راكان وغادة خامس أيام عيد الفطر السعيد..
قبل زواج سهى بأربعة أيام...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛

ظلت جالسة بمكانها لحتى طلعوا من الاسطبلات وتأكدت من ابتعادهم..
وقفت بتعب وقررت تطلع من الحضيرة ولاترجع لها مرة ثانية..
قربت من الفرس ضمتها وقبلتها على رقبتها..
وبعدها توجهت للمهرة مسحت على شعرها وتأملتها بحزن..
هديل\كنت أدري انه بيجي يوم ويأخذك مني..
سامحيني ياعسولة أنتي ملكه وله الحق يعطيك للي يريد..
غازي\ماهو بس عسولة اللي ملكي..
حتى مالكت عسولة تكون ملكي..

هديل مالفت عليه ولاناظرته..ألتزمت الصمت وأختنقت بالغصة..
حست فيه يفتح باب الحضيرة ويقرب منها..
ركزت نظراتها على عسولة ولاحظت يده اللي يمسح فيها على الفرس..
غازي بهدوء\المهرة لك ومابتصير لغيرك..
حتى لوكانت شوق تبيها ماراح تأخذها..
ماعطيتك اياها عشان أرجع أعطيها غيرك..
هديل ببحة\ما أبى عطاياك..
قفت تبي تطلع بس غازي منعها لما مسك يدها وقربها منه..
غازي\قلتلك من البداية هي لك وأنتي لي..
هديل\وأذكر أني قلتلك مو مصدقتك..
غازي\وأنا قلتلك مافيه شيء من غير مقابل..
سحبت يدها منه وخبتها وراها عشان مايمسكها مرة ثانية..
ابتسم على حركتها وتركها على راحتها..
غازي\بالنسبة للي صار من يومين..الوالدة ماعهدتها تضرب أحد أبداً..
وأنا أنصدمت من ردت فعلها معك..يمكن أنتي نرفزتيها..
أو هي ماتتحمل وجودك..
هديل بسخرية\أمك..وكأن ضربي مايرضيك..
غازي\صدقي أو لاتصدقي مايرضيني..
هديل\وضربك لي؟؟
غازي\قلتلك اشتري سلامتك بس أنتي تعاندي..
هديل بعبرة\الضرب ماهو حل..
غازي بصد\الحل بيدك وأنتي تقدري تنهي كل هذا..
هديل بحسرة\أنسى هلي..
غازي\وتتقبلي حياتك معي..
هديل\المعذرة لو صدمتك بقراري..
بس أنت ماتنحط بالميزان مع أهلي..
غازي\أنا خيرتك وأنتي اختاري..
هديل\المهم لاتنتظر مني أرجع الاسطبلات مرة ثانية..
ولا اهتم في خيولك..
غازي\لاتقرري بتهور..بكره تخسري عسولة..
هديل\ما أقدر أخسر شيء أنا ماملكته..
غازي\وتقدري تتركيها..؟؟
هديل\تركت هلي من قبل..وهذا يعني اني اقدر اتركها..
غازي\براحتك اهمليها أو اهتمي فيها..
هي مهرتك وماراح أسمح لأحد يقرب منها غيرك أنتي..
هديل\تهددني فيها؟؟
غازي\ما أهددك بس ماراح يقرب منها احد من العمال ولا يهتموا فيها..
وان هانت عليك اتركيها تموت..
هديل\لو رفضت ألحين بتضربني؟؟
غازي\لا..
هديل\بتعصب؟؟
غازي يبتسم\لا..
هديل\يكون بعلمك اذا أنا قررت أرجع هنا وأهتم فيها..
مو عشانك أو عشان خايفة منك..بس عشان عسولة..
غازي يهز راسه موافق على كلامها..
وصلت لباب الحضيرة تبي تطلع بس رجعت لفت عليه ولاحظت نظراته الغريبة..
اللي يناظرها فيها بأوقات نادرة..
هديل\وترى أختك أبد ماعندها ذوق..قالت عسولة مو حلو..
عاد من زين اسمها المعفن..
طلعت قبل لايرد عليها بس سمعت ضحكته وهي طالعة..
وأدركت انها أول مرة تسمعه يضحك..
الحمدلله يارب طلع يعرف يضحك متخلـــــــــــف..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

غادة بضيق\والله شكلي يفشل..
سارة\هههههههههههههههه الا يهبل..
غادة طنشتها ولا ردت عليها ..والبنات ضحكوا على سارة..
سارة\يامال الناقة اللي ترفسك يا غويد ضحكتيهم علي..
سهى\صراحة غدووو معك حق..لو منك ماأزور بيت زوجي قبل زواجي بشهر..
غادة توقف\بدت عروس النحس تعاير..بأروح بيتنا..
نورة\هههههههههه ماعيك منهم أنتي جاية تزوريني أنا..
غادة بنظرات نص عين\لبى الذرابة..ماعمرهم بيصيرون مثلك يا النوري..
سارة\وخزياااه جاية بيت رجلها قبل العرس بشهر وخزياااه..
غادة\أنتي كلي تبن وانطمي..
نورة\أدري يا غدوو لو ماكنت نفاس ماجيتي..بس هم يبون يهبلون فيك..
غادة\فديتك يا الغالية ماهان علي ماأزورك..بأتصل بعلي يمرني..
سارة\وليش تكلفين عليه ركون يوصلك..
غادة توقف\يا الله بنات أشوفكم على خير..
سهى\انتظري حتى يجي علي..
غادة بقهر\لو البعير هذي كافيتني لسانها كأن انا بخير..
سارة مفجوعة\أنا بعير؟؟؟!!
غادة\الحمدلله عرفت نفسها..مع السلامة..
طلعت من الغرفة بسرعة قبل لاتمسكها سارة..
نزلت الدرج ركض بس تفركشت وطاحت من سبع درجات..
سارة شهقت وركضت لغادة اللي كانت تصرخ من الألم..
سارة تحاول ترفعها\بسم الله عليك غادة صار فيك شيء؟؟
غادة بألم\آآآه رجلي رجلي تعورني..
سارة\ياربي وش السواة لايكون مكسورة..؟؟
غادة\آآآآآآه سارة رجلي..
سارة بصراخ\سهــــــــــــى..يومــــه يومـه
سهى نزلت لهم ركض..بعد ماسمعت صراخ سارة..
سهى\سارة عساك الوجع وش سويتي في البنت؟؟
سارة\شوفي أبوي وينه خلينا نوديها المستشفى يمكن أرجولها مكسورة..
واحد من عيال سارة دخل الصالة يصارخ وينشر الخبر..
راكان\وش تقول يا السكني؟؟
حسن\أقولك خالة غادة ماتت..
خرج من الصالة يركض بعد ما ابلش خاله..
راكان طلع من الصالة وسمع الضجة وصراخ البنات..
توجه ل الدرج بسرعة وشاف خواته جالسين ووحدة ماعرفها كانت مسدوحة..
راكان بصدمة\وش فيكم؟؟عسى ماشر؟؟
سارة\اا ه هذي غادة طاحت من الدرج واظن رجلها مكسورة ماتقدر تحركها..
لف بوجهه عنهم\طيب هاتوها السيارة أنا أوديها المستشفى بسرعة..
قرب السيارة من الباب وشاف سارة وسهى خرجون غادة ل السيارة..
فتح الباب الخلفي لهم..ثم دخلت سارة وغادة وتوجهوا للمستشفى..
كانت غادة تتألم بس تكتم صوتها ماتبيه يسمعها..
راكان بحدة\كيف طاحت؟؟
سارة\زلقت رجلها وطاحت..
راكان بعصبية\من الله يعني زلقت رجلها..
غادة انقهرت من نبرة صوته وحدته في الكلام..
أستاهل لو ظليت لحتى يجي علي يوديني أحسن من تفضله..
سارة\اذكر اله ليش معصب؟؟
وقف السيارة ونزل طلب كرسي متحرك جلست غادة عليه وهو دفها ودخلها المستشفى..
كانت سارة تمشي قريب منهم..
بينما كانت غادة ذايبة بملابسها من الخجل..
وتتحسب على سارة وراكان..
تم الكشف عليها ومعاينتها..
الطبيب طمنهم بان رجلها ماكانت مكسورة ولكنها بحاجة لوضع الجبس..
لأن العظم كان على وشك ينكسر..

استغرب راكان من شكل وجه الدكتور اللي ماكان يبشر بالخير..
راكان\طمني يادكتور كيف حالها ألحين..
الدكتور\أنت زوجها؟؟
راكان بابتسامة خفية\ايه أنا زوجها..
الدكتور\تفضل معي لوسمحت..
راكان مشى مع الدكتور للمكتب..وهو يفكر وش ممكن يكون في غادة..
لأن مافي باله الا أن رجلها مكسورة وبس..
الدكتور\الحمدلله حالتها زينة ألحين..
بس هي أجهضت الطفل..
راكان وقف مبهـــــــــــــوت من كلام الدكتور..
وينتظر منه يكرر كلامه..
راكان\نعم؟؟
الدكتور\ماكنت تدري ان المدام حامل.؟؟
راكان\أي مدام؟؟
الدكتور\زوجتك..
راكان\لازوجتي مو حامل..
الدكتور\يمكن ماعندكم علم بحملها لأنها توها داخلة الثاني..
راكان\زوجتي مو حامل يمكن ملخبط با الفحص أو شيء..
الدكتور\مو زوجتك هي غادة الجاسم؟؟
راكان مارد عليه ماكان يتحرك منه الا صدره اللي يرتفع وينزل من شدة الضيق..
أو عيونه اللي تحرق من تناظره..
طلع من المستشفى بسرعة البرق واتصل على علي..
راكان\تعال وخذ ..اختك من المستشفى..
قفل الخط وقفل جواله ومسك خط الشرقية..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛

كانت تدوور بغرفتها من شدة الألم اللي بأسنانها مو قادرة تتحمل..
هذي ثالثة ليلة وهي تعاني من نفس الألم..
حتى راسها وأذونها تضرب عليها بقوووة..
فتحت الباب ناوية تروح للقصر وتطلب من ماريا مسكن..
بس أول ماعتبت على الدرجات تبع الملحق..
شافتهم مجتمعين بالحديقة سمعت صوت سواليفهم وضحكهم..
كانوا مسوين باربكيو وكان غازي واقف على الفحم..
شوق قريب منه ومعها غازي الصغير..
أمه ورشا كانوا ع الطاولة..وماريا تجهز الطاولة للعشاء..
من دون احساس نزلت دموعها..
مع ان الألم كان لايحتمل بس مابكت منه..
الا أن شوفتهم على ها الحال مجتمعين ومبسوطين..
وكأنها غير موجودة..وكأنهم مايطعنوها بكل لحظة..
رغم قسوتهم وحقدهم...الا ان فيه مكان في قلوبهم للفرح..
طيب وأنا مايحق لي أفرح مثلهم..
مايحق لي اكون مع هلي وانبسط معهم..
جلست على الدرجة الثانية وماشالت نظرها من عليهم..
حطت يدها على خدها كتخفيف لوجع السن..
ماني حسودة بس أبي مثلهم..
طال فيها الوقت وهي تراقبهم..
جلسوا ع الطاولة وبدوء في الأكل
بس غازي واقف بعيد عنهم و كان يناظر باتجاه الملحق..
تجمدت بمكانها هي تدري انه مايقدر يشوفها لأنها في مكان مظلم..
بس بنفس الوقت شكت بأنها مرئية للجميع..
لا لا ما أبيهم يشوفوني كذا..
ما أبيه يحس بانكساري..
وقفت بسرعة ورجعت لغرفتها..حالفة ماتاخذ مسكن يهدي ألمها..
والله وجع السن أهون من هالطعنة المسنــــــــــونة..

وعلى ساعات الفجر ماعاد قدرت تتحمل أكثر..
طلعت من الملحق ودخلت القصر من باب المطبخ..
توجهت لغرفة ماريا دقت الباب ودخلت..
كانت نايمة ماقدرت تصحيها خرجت وجلست بالمطبخ تنتظر متى تصحى..
بعد ساعتين دخلت ماريا المطبخ وانصدمت من تواجد هديل..
ماريا\صباح الخير..مالأمر عزيزتي؟؟
هديل\ماريا أرجوكي أعطني مسكن سني يولمني..
ماريا\آآوه ياعزيزتي لماذا لم تخبريني من قبل..
كنت سأخذك الى الطبيب..
هديل\اريد مسكن فقط لم أنم من ثلاث ليال..
ماريا\حسناً سأحضره ياصغيرتي..
خذت المسكن ومن التعب ماقدرت ترجع لملحق..
دخلت بالغرفة اللي كانت تنام فيها صوفي ونامت فيها..
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛

عذبوني ياعلي وحالي خطير ..

فارد الذرعان مكسور الظهر..

لي عليهم يوم خلوني كسير ..

اصفق الخدين واشهق بالصدر,,

علي\والله يومه ضاق صدري منه طول اليوم وأنا افكر فيه..
الجدة\أضغاث أحلام يا أمك لا تفكر فيها..
علي\أنقطع قلبي عليها يومه والله اني مشتاق لها..
ابوعلي\منهي اللي أنت مشتاق لها..؟؟
أم علي\لايكون أم عبدالله توها رايحة الصباح ما امداك..
علي\هههههههههههههه فديت الطاري..
ابوعلي\يا ها الولد عليك حب لمرتك ماحبيته أنا أمك..
علي\أفا يوبه لو اني مكانك ماقلت هالكلام وزوجتي موجودة..
أم علي\الله يحفظه لي أدري بقلبه..
الجدة حمقت\ياوجه استح..
الكل ضحك على ام علي اللي فشلتها الجدة..
علي\الله يسعدك يومه فشلتي أمي..
أم علي\لو سلمتنا من شوقك لمرتك كان انا سالمة الحين..
علي\صح اني مشتاق لها بس ماكنت أتكلم عنها..
أبوعلي\أجل من تتكلم عنه؟؟
علي\عن المرحومة..
أبوعلي بهت أما ام علي قرت سورة الفاتحة واستغفرت..
الجدة\الله يرحمها سكر السيرة ياولدي..
أبوعلي\ليش وشهي السيرة؟؟
علي\مابه سيرة يوبه..أنا حلمت بهديل وضقت من الحلم..
أبوعلي وقف وجلس قريب من ولده وسأله بكل خوف..
ابوعلي بلهفة\كيف شفتها وشهو حالها؟؟
علي\شفتها بخير وماعليها خلاف..
ابوعلي\سألتك بالله العظيم قلي الحلم ولاتكذب علي..
علي بقهر\يوبه وليش تحلفني الله يسامحك؟؟؟
ابوعلي\تكفى ياعلي تكلم..
علي\لاحول ولاقوة الا بالله..
حلمت فيها تبكي وتبني بالرمل بيوت..
وتناديك أنت وعمي علي..أنا اصرخ لها وارد عليها..
وهي تقول طولت الغيبة يا أبوعلي..
وتردد كلمات كثيرة أغلبها عن انها تتوجع وتعبانة..
أم علي شهقت وهي تبكي\ياقلبي يابنتي..تصدق لها ياحسين تصدق لها ياعلي..
علي يضم امه\يومه صلي على النبي هذا حلم من الشيطان..
الجدة\لاتفكروا الا بالخير..ادعوا لها وتصدقوا والله رئووف رحيم..
ابوعلي وقف وطلع من البيت بكبره ومشى في الشارع من غير مايوعى على نفسه..
ياروح أبوك ياهديل وش اللي صايرن فيك..
وش اللي تبنينه بالرمل وش اللي بعدك ترتجينه مني..
ترتجين الرجوع..
واللي يأخذه الموت يرده..خذاك يا ابوي وماظنتي يردك..
والله أن تظلين حسرة بقلبي لين أموت..
حسبي الله عليه وعلينا..
حسبي الله ونعم الوكيل على ابوك اللي فرط فيك..
دخل المسجد صلى ركعتين لتحية المسجد وبدء يقراء القران عل وعسى يطمن الله باله..
اللهم كما رددت يوسف على يعقوب..رد لي ابنتي يا أرحم الرحمين..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛

غازي دخل المطبخ وهو يدور بعيونه عليها..
غازي\ماريا أين رسل؟؟هل رئيتها اليوم..؟؟
ماريا\يا للمسكينة نعم لقد رأيتها..
انها متعبة جداً كانت تبكي وهي تتألم..
غازي بحدة\وما اللذي يؤلمها؟؟
ماريا\قالت بأنها لم تنم منذ مدة بسبب ألم أسنانها..
غازي بعصبية\وهل اشتكت لكي من قبل؟؟لماذا لم تخبريني؟؟
ماريا\لم تفعل..لم تخبرني الا عندما استيقظت صباحاً..
كانت هنا تنتظرني كي اعطيها مسكناً..
غازي\أين هي؟؟
ماريا\نائمة بالغرفة المجاورة لغرفتي..
توجه غازي لقسم ماريا وفتح الباب..
دخل وماحست عليه..قرب منها ناداها وماردت..
جلس على السرير ورفع خصلاتها من على وجها الشاحب..
ناداها بصوت خافت\رسل..رسل
حركت رأسها فتحت عيونها بتعب..ناظرت فيه بلاوعي..
مسح على جبينها..وأول ماحست بلمسته بعدت عنه وجلست..
هديل ترفع شعرها وتلفه بشكل سريع وبارتباك..
مدت يدها لحجابها لكن هو سحبه قبلها..
هديل\خير وش تبي؟؟
غازي بحدة\أنتي اللي وش تبين؟؟
هديل\ما أبي منك شيء..
غازي بغضب\ولا تبين الطبيب؟؟
هديل\شكراً جربت طبك من قبل..ماعجبني..
غازي\أشوفك معصبة..
هديل بقهر\مالك دخل تدخل هنا وانا نايمة..
والحين عطني احجابي..
غازي\وش اللي يعورك؟؟
هديل\روحي منقرفة منك ومن أهلك..
غازي\وغيرها..؟؟
هديل\ولاشيء..
دفته يبعد عنها وقفت بس هو مسكها بسرعة..
سدحها بحضنه وقرب وجها منه..
حط يده على خدودها وفتح فمها بالقوة..
غازي\هششش ولا كلمة أي سن يعورك..
هديل حاولت تفلت من يدينه بس هو ثبتها أكثر..
سحبت وجها من يده بس ماقدرت تشيل نفسها من حضنه
هديل\اتركنــــــــي اتركني..
غازي يناظر بعيونها\الى هالدرجة..
تتحملي الألم وماتنامي وتظلي سهرانة تعاني..
أهون من انك تقوليلي أوديك الطبيب..
هديل والدموع بعيونها\ايـــــــــــه اهون..
غازي\وش اللي راح تستفيديه من عنادك..
هديل بعبرة\أعاقب نفسي..
غازي باستنكار\وش اللي سويتيه عشان تتعاقبي عليه؟؟
هديل ودمعتها طفرت من عينها\الجواب عندك ماهو عندي..
رفعها من حضنه بخفة وجلسها جنبة ع السرير..
حطت يدينها على وجها وهو وقف وقبل لايطلع..
غازي\أنتظرك بالسيارة فيه طبيب أسنان قريب من هنا..
خرج وهي لمت نفسها وبكت بصوت خافت..
دخلت عندها ماريا هدتها وساعدتها تلبس حجابها..
ماريا\ماكان لكي أن تنتظري طوال هذا الوقت..
لو أنك أخبرتيني ماكنتي تبكي من الألم الآن..
هديل بضيق\ما أبيـه يلمسني ماأبيــــــــــــــه..
يقهرني يقهرني مـــــــــــوت..
الله لايسامحه مايحقله مـــــــــايحق له..

دخلت الحمام غسلت وجها وهي تبكي من القهر والألم بنفس الوقت..
لبست حجابها وثبتته عليها..
كانت تبي تعاند وماتروح معه..بس هي تدري انها الخسرانة الوحيدة..
مافيه غيرها راح يتألم ويتوجع..
طلعت من القصر كان في السيارة ينتظرها مثل ماقال لها..
فتحت الباب وجلست جنبه من دون ماتنطق بحرف..
حرك السيارة بصمت وطلعوا من المزرعة..

صحيح هذي ثاني مرة تطلع من المزرعة بس هالمرة ماكانت مرعوبة منه..
وخايفة من ردت فعله مثل المرة الأولى..
لأنه هو اللي مخرجها مو صوفي..
الله يذكرك بالخير ياصوفي..ليتني هجيت معك..
طول الطريق والصمت هو سيد الموقف كانت مركزة عيونها على يدينها..
ما همتها المناظر الممتدة قدامها..
وكأنها كل يوم تشوفها..في هاللحظة كانت محتقرة كل شيء..
وربما كارهة كل شيء..
التفت عليه لما سمعته يكلمها..
غازي\فيه طبيب هنا..اذا مالقينه بنروح المدينة..
ماردت عليه..
وقف السيارة نزل وانتظرها لحتى نزلت ووقف جنبها..
مسك يدها مشى وهي جنبه..
لما دخلوا طلب الدكتور ومن حسن الحظ انه كان موجود..
ملى استمارة المريضة وقدمها للاستقبال..
اضطروا ينتظرون لحتى ينتهي الدكتور من المراجع اللي عنده..
وبكذا جلسوا جنب بعض في الانتظار..
كانت تبي تجلس بعيد عنه بس هو شد على يدها وجلسها جنبه..
هديل\ترى مافي بالي اهرب الحين..
غازي\ما أضمنك..
سكتت عنه بقهر ولفت وجها عنه..
طلبت الممرضة منها الدخول عند الطبيب..
كانت خايفة ماتبى تدخل لوحدها..
ناظرت فيه بتردد..
هديل\ادخل لحالي؟؟
غازي\هذي القوانين..
هديل\لا ما ابى ادخل لحالي..
غازي\لأبوا قوانينهم ماتدخلين لحالك..
سحبها معه وهي مقهووورة منه..
يعني كان ينتظرني اقوله ادخل معي..وهو بالاساس بيدخل..
ليتك تجلس ع الكرسي ويخلع كل ضروسك يا الســـــــــوسة..

لما جلست ع الكرسي رجع لها الخوف المزمن من طبيب الأسنان..
قرب منها الدكتور وطلب منها تفتح فمها بس هي هزت رأسها بالنفي..
استغرب منها وناظر في غازي اللي قرب منهم مستغرب من تصرفها..
كانت مسدوحة على الكرسي والنور مسلط على وجها...

غازي\وش فيك؟؟
هديل بخوف\خلاص صحت أسناني ماعاد يحتاج..
غازي بابتسامة\تلعبين علي..افتحي فمك بالطيب وخلي الدكتور يكمل شغله..
هديل\بس هو وش بيسوي يعني..يخلعه..
غازي\أول يشوف وش المشكلة بسنك وبعدين يقرر..
هديل\بس انا ما اتحمل البنج كثير..
غازي\بطلي كذب افتحي فمك خليه يشوف شغله..

بعد عنها وقال ل الدكتور يعالجها..
فتحت فمها بخوف وهي تقراء المعوذات..
الدكتور قرر يقطع أعصاب السن بعد ماضربها ابرة بنج..
بعد فترة اعلن الطبيب انتهاء عمله معها..
طلب منها الوقوف ببطء ..
ابتعد عنها وكتب في ورقة المسكنات اللي راح تضطر تستعملها هالفترة..
كان يتكلم مع غازي لما وقفت بخمول وتعب..
كانت تحس بدوخة وعدم تركيز في شيء..
مشت بصعوبة تمسكت بغازي وطاحت عند أرجوله مغمي عليها...





















عرض البوم صور MAY   رد مع اقتباس
قديم 05-09-2012, 01:43 AM   المشاركة رقم: 24
المعلومات
الكاتب:
MAY
اللقب:
آلمشرفـہ آلعآمـہ
الصورة الرمزية
 
الصورة الرمزية MAY

البيانات
التسجيل: Jul 2009
العضوية: 8426
الدولة: ҜṧĄ
المشاركات: 19,667
بمعدل : 10.79 يوميا
معدل التقييم: 116
نقاط التقييم: 42658
MAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond repute

اوسمتي


المزاج
ط


التوقيت

الإتصالات
الحالة:
MAY غير متواجد حالياً
وسائل الإتصال:

كاتب الموضوع : MAY المنتدى : الروايات الطويله
افتراضي رد: رواية أما غرام يشرح الصدر طاريه وإلا صدود وعمرنا ماعشقنا , للكاتبه / صدود







-





البارت الرابع والعشرون :


الصداقة..
هل تدرك كم أتعذب بصداقتك؟!
هل تدرك أنني لو ملكت حرية الاختيار لترددت طويلا قبل أن أدخل عالمك المزدحم صديقاً؟
أنت متعب .. وصداقتك متعبة .. وأنا أنتقل من تعب إلى تعب..
أنت متعب لأنك تصر على أن تكون أنت وحدك في عالم لا يعترف إلا بملايين النسخ المتكررة ..
وأنت متعب لأنك تستطيع ، دون أدنى مجهود ، أن تكون ساذجاً كملاح عجوز وعميقاً كفيلسوف محنّط..
وأنت متعب لأنك لا تثير في أحد أية مشاعر محايدة ..
لا تثير سوى الإعجاب الجارف أو الكره العميق أو الغيرة المتأججة..
وصداقتك متعبة ..
ذلك لأنك تمنح و لا تأخذ .. تزور ولا تزار..
تسأل ولا تتوقع أن يسأل عنها أحد..
صداقتك تعطي لوجه الله لا تريد جزاءً ولا شكوراً..
وأجيء أنا ، بعد هذا كله ، لأضيف تعبي إلى رصيد التعب المتراكم..
أُتعب نفسي وأتعبك عندما أحمل كل آلامك وأدفنها خنجراً مسموماً صغيراً في صدري..
أتعب نفسي وأتعبك عندما أخوض معك كل معاركك ..
حروبك الحقيقية ومغامراتك مع طواحين الهواء..
أتعب نفسي وأتعبك عندما أتصور الوجود بدونك..
ويذوق (( كلانا ثكل صاحبه قدماً ))..
ولكن!
عندما أعود إلى صندوقي السحري وأتأمل ما أملكه من كنوز الدنيا الفانية ..
أجد لؤلؤة بيضاء فريدة يخطف بريقها الأبصار..
أتعرف ما اسمها؟!
اسمها الصداقة .. أيها الصديق!


المرحوم غازي القصيبي,,,



بعد عنها وقال ل الدكتور يعالجها..
فتحت فمها بخوف وهي تقراء المعوذات..
الدكتور قرر يقطع أعصاب السن بعد ماضربها ابرة بنج..
بعد فترة اعلن الطبيب انتهاء عمله معها..
طلب منها الوقوف ببطء ..
ابتعد عنها وكتب في ورقة المسكنات اللي راح تضطر تستعملها هالفترة..
كان يتكلم مع غازي لما وقفت بخمول وتعب..
كانت تحس بدوخة وعدم تركيز في شيء..
مشت بصعوبة تمسكت بغازي وطاحت عند أرجوله مغمي عليها...
نزل لها بسرعة ورفعها عن الأرض سدحها على الكنبة..
غازي\بسم الله عليك..وش صارلك؟؟
رفع أرجولها لأنه أدرك اللي صار فيها بسبب البنج..
هي حذرته بس هو ماصدقها وفسر كلامها من الخوف بس..
خفف حجابها من عليها ومسح على وجها با الماء..
كان الدكتور يتكلم بس غازي ما عطاه اهتمام..
فتحت عيونها ورجعت تسكرهم حست بيده تضغط على يدها..
حاولت تتكلم بس تحس بثقل في لسانها ومو قادرة تحكي..
بعد دقايق فتحت عيونها مرة ثانية وكان قريــــــب منها..
رفعت يدها بشكل آلي وحطتها على صدرها..
بعد عنها شوي وهو مقدر حركتها..
غازي\كيفك ألحين..بعدك تحسي بدوخة؟؟
هديل بصوت خافت\ايـه..
غازي\هذا من البنج لاتخافين مافيه شيء..
هديل\قلتلك..
غازي\حسبتك تتكلمي من الخوف..تحسين بعوار في اسنانك؟؟
هديل\لا..
غازي وقف ومد يدينه يوقفها..جات بتبعد عنه لاكنه حاوط كتوفها بيده..
وأخذ الوصفة من الطبيب وطلعها من المركز بعد ماصرف علاجها من الصدلية..
هديل\ارفع يدك خلاص..
غازي\ولاكلمة..يا الله ع السيارة..
هديل بسخرية\لا باهرب..
غازي ثبتها على السيارة وقرب منها مـــــــــرة..
غازي\هذي ثاني مرة تذكري الهرب اليوم..
اذا سمعتها مرة ثالثة تحملي اللي بيجيك..
هديل حطت يدها على صدره تحاول تبعده عنها..
هديل\وجع ابعد عني..ابــــــعد..
غازي يقرب منها أكثر\تدرين الدكتور هاوشني بعد ما فقدتي وعيك..
هديل\ليته ضربك..
غازي بخبث\قال يمكن تكونين حــــــــــامل وانا ماادري والبنج يكون أذاك..
هديل شهقت برعب وعيونها في عيونه ونظراته الخبيثة تتأملها..
هديل كورت يدها وضربته على بطنه بكل قوتها..
غازي كتم ضحكته ويده على مكان ضربتها\هو قال ماهو أنا..
هديل دفته عنها\ينقال قولك و قوله الشايب المخرف..
يصلح نظاراته أول بعدين يتفلسف جعلك الماحي أنت واياه..
دخلت السيارة وقفلت الباب بعصبية..
الله يجلطك جلطتني حتى وأنا تعبانة..
غازي جلس جنبها وهو يحاول مايضحك على شكلها ولون وجها اللي كان أحــــــــــمر من الاحراج..
غازي\احـــم نروح المزرعة أو تحبين نتمشى..؟؟
هديل وهي لافة بوجها عنه\ما أبي منك شيء..
غازي\طيب ناظريني..وش رأيك نصير أصدقاء..؟؟
هديل\ما أظنك تعرف وش تكون الصداقة..
غازي\اذا ما أعرف أتعلم..
طنشته ولا ردت عليه..تحس روحها مخنوقة من الخجل..والقهر بنفس الوقت..
قال لا أكون حامل..لعلك تحمل همي يا الخبل..
مشى بالسيارة وتوجهوا ل المزرعة تمنت لو قالت انها ماتبي ترجع..
وتظل برا هالمكان لوقت أطول..تنهدت بضيق أول مادخلوا المزرعة..
غازي بعصبية\اكرهي هالمكان قد ماتقدري راح يظل ملاذك لزمن طــــــــــــــويل..
نزلت من السيارة بسرعة وهي مقهورة منه ومن نفسها..
هديل\عساك تتغرب ولا تلقى بلاد تضمك..
سكرت الباب بقوة وتوجهت للملحق..ما أمداها تقفل الباب لأنه دخل معها..
مسك يدها بعصبية وسحبها لداخل الملحق..سحبت يدها منه وضربته على صدره..
غازي\مهما حقدتي وتمنيتي ظلي تذكري مالك غيري ..
هديل بقهر\الله ياخذ الحاجة يوم ذلتني لك وخلتني أقبل معروفك..
غازي قربها منه وضغط على خدودها بقسوة وهو مسندها على يده الثانية..
غازي\مـــــــــــالك غيري..وراح تظلي طول عمرك معي وتحت يدي..
انسي الهرب والرجوع لديار نستك ودفنتك بالتراب..
ارضي بحياتك معي وانسي الماضي..
ماقدرت تبعد يده عنها زاد الألم بأسنانها من ضغطه عليها..
حطت يدها على يده كمحاولة لتخفيف شده عليها..
ترك وجها ورفعها من بين يدينه..وقفها وبعد عنها..
مشى يبي يطلع من الملحق بس التفت ..
غازي\هذي مسكنات الألم تستخدمينها يومين بس..
وبعدها راح أخذ الحبوب منك..
ماردت عليه ولا اهتمت لتهديده..كانت تفرك خدودها من بعد شده عليها..
غازي\قبل لا أنسى لازم تعرفين..
رفعت عيونها الحاقدة عليه..
غازي\رمضان كريم..
تجمدت عظامها واحتارت من اللي سمعته..اعتقدت انها تتوهم..
هديل\كـ ..كيف مـ متى...؟؟
غازي\بكره أول يوم..
هديل بعدم تصديق\بــ بكره رمضان؟؟
غازي\ايه بكره رمضان..الله يبلغنا صيامه..
طلع وتركها واقفة تنكر وتنكر ان شهر رمضان يبداء بكره..
كيف أقضيه من دون اهلي..ومع مين أقضيه..
ليش جاء وانا هنا..ليش تأخر أبوي..
لا ما أبى اقضي الشهر معه..
هو معه أهله وكلهم مع بعض..وأنا أظل لحالي..
يعني حتى فرحتي بشهر رمضان يسرقها مني..
يعني أصوم لوحدي..
طال فيها التفكير وتقليب الحال..
وكل ماطرى في بالها انها لوحدها..
زادت في الخوف والبكاء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛


كانت جالسة على سجادتها تدعي بالرحمة للبنت الميتة..
وتدعي بالهداية والرجوع للولد المسافر..
آآآآه ياتوئمي الله ماجمعكم بحضني من زمــــــــــان..

كانت دموعها ساكنة بعينها..مهما ابتسمت أو تناست..
تظل لمعة الحزن مرسومة فيها..
هذا قلب الأم ماينسى الضنا..
مؤمنة بحكمة الله..مؤمنة بالموت والقدر..
لم تعترض لم تسب الدهر..
ولكنها تحزن..
والحزن لا يعرف الرحيل أبداً..
وأشد الحزن..
هو اللذي يصاحب الموت..
فبعد أن يموت ذاك الغالي..
تقف حياتنا..تذبل أرواحنا..
نعيش لأنه مقدر لنا أن نعيش..
نتحرك..نعمل..نستمر..
ولكن نبقى سجناء الذكرى..
نعم الذكرى..
فهي الجسر الوحيد اللذي يجمعنا معهم..
أحبتنا من يسكنون العالم الآخر..
فالحنين اليهم يقودنا لذاك الجسر..
الذكرى’’’

دخلت غادة الغرفة بسرعة وقفلت الباب..
غادة\يومــــــــه يومــــــــــــه..
أم علي\يابنتي وش فيك..خفي على أرجولك لاتكسريها..
ناسية أن زواجك بعد العيد..
غادة تبتسم\ماعليك من أرجولي ألحين..عندي لك مفاجئة..
قبل لا تكمل كلامها دخل محمد الغرفة وانصدم من وجود غادة..
محمد\بسم الله..أمداك يا السكنية تطلعي الدرج أنتي وجبسك؟؟
ام علي\ياولد لا تنظل أختك..
غادة\ايه لا تنظلني..وبعدين أخرج أبى أمي بسالفة..
محمد\تعقبين أخرجي أنتي..عندي كلام أبى أقوله لأمي..
غادة\قل لها بعدين ألحين أخرج..
محمد\وش كلامك؟؟
غادة\قلي أول أنت وش موضوعك؟؟
محمد بنظرات شك\لايكون تبين تعلمينها عن....؟؟
غادة\لايكون موضوعك عن.....
أم علي\يامال الصلاح أنت وهي..وش عن هذا..تكلموا ولا طسوا..
غادة\يومه أبي البشارة..
محمد حط يده على فم غادة ومنعها من الكلام..
أم علي\محمد أترك أختك وش بلاك؟؟
محمد\لا أنا اللي بأعلمك..
عضته غادة على يده بس هو ثبتها ومنعها من الكلام..
أم علي\لاتعلمني ولا هي تعلمني..اخرجوا من عندي..
محمد\لازم تعرفين يالغالية..هادي أخوي بيجي بكره السعودية..
أم علي بفرح\وعزة الله يامحمد لاتكذب علي..
محمد\والله يومه هو كلمني وقالي..
وهذي السكنية سمعت الخبر ونشرته..
ام علي\هادي بيرجع؟؟
محمد\ان شاء الله يومه بكره الوصول ..
ام علي\يالله لك الحمد ولك الشكر..لك الحمد ياربي ياحبيبي..
والله اني تمنيته يقضي الشهر معنا..ماحبيته يقضيه لحاله..
غادة وهي تضرب محمد\الحمدلله يومه..الملك سمح للمبتعثين بأخذ شهر رمضان اجازة..
ام علي\عسى عمره طويـــــــــل عسى ربي يحفظه ويخليه..
يوم رجعلي ولدي وحس بشوقي له..
محمد\اللهم آآآآمين..
غادة\بأروح أعلم جدتي..
محمد يمسكها ويسدحها على الأرض وهي تصارخ..
غادة\محمد حرام عليك ما أعرف أوقف بسبب الجبس..
محمد\أحسن خليك مريحة بأروح أعلم عسوولة وراجع أقوومك..
خرج محمد من الغرفة وغادة تناديه بس مارد عليها..
غادة\يومه ساعديني..
أم علي تضحك عليها\ههههههههههههههه دواك يالملقوفة..
غادة\يومه ولدك بيكسرني وأنا وراي زواج..
أم علي تجلس على الأرض جنب غادة وتحط راس بنتها في حضنها..
أم علي\يعني رضيتي بموعد العرس..؟؟
غادة\رأيي ماعاد يهم ألحين..أبوي عطاهم كلمة..
أم علي\ليه أحسك زعلانة؟؟
غادة\أكذب عليك لو قلتلك اني مرتاحة..
مدري ليش أحس بالضيق وكارهة الزواج..
أم علي\اصدقيني القول ياغادة..أنتي تبين راكان؟؟
غادة\كنت من زمـان..بس ألحين ماظنتي..
أم علي\وش اللي مضايقك فيه؟؟
غادة\ماهو منه يومه..الله يشهد ماشفت منه شيء شين..
البلاء مني أنا..أنا ما أبيه..ماهو نصيبي..
أم علي\لا أنتي ولا أنا اللي نحدد النصيب ومن يكون..
هذا علمه عند رب العالمين..واذا كان راكان ماهو بنصيبك..
فما بتعيشون مع بعض ولا بتحبون بعض..
غادة\الله كريم..واللي كاتبه ربي بيصير..

والله ماني راضية بها الزواج ولا بطاريه..
كل ماتذكرت اني بأنزف لراكان اختنق صدري..
يمكن هو ماكان يحب هديل مثل ماقالت سارة..
بس هديل وش كان موقفها منه..
أكيد فكرت فيه وتخيلت انه زوجها..
كله من سارة ومني انا بعد..
كان المفروض أحذر سارة ماتعلق هديل براكان..
كان المفروض أحميها من خيال كاذب..
بس كل هذا الكلام مايفيد..مايفيد لأن هديل ماتت..
والأكيد انها رسمت حياتها مع راكان..
الله يسامحك ياسارة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛

سارة\عساني ما افقد طلتك ولا شوفك يا الغالي..
احسب حسابك تتسحر عندي الليلة..
راكان بحدة\قفلي الباب وتعالي..
سارة خافت من شكله..ومن نبرة صوته..
جلست قريب منه وهي تترقب كل كلمة بيقولها..
سارة\راكان وش فيك؟؟متى رجعت؟؟
راكان\توني واصل..
سارة\الحمدلله على السلامة..
راكان\بنت عمك متى آخر مرة شفتيها؟؟
سارة\غادة؟؟
راكان بغضب\وفيه غيرها الزفت..؟
سارة\راكان وش فيك عليها..وليش معصب؟؟
راكان\انكتمي وردي على سؤالي متى آخر مرة شفتيها..؟؟
سارة\أخر مرة شفتها بالمستشفى..لما جاء علي وصلوني البيت..
وبعدين راحوا على بيتهم..
راكان\أبيك توصلين لها الكلام..بعد الزواج تنسى الوظيفة..
سارة\كيــــــــــف..راكان أنت من جد تتكلم؟؟
راكان واقف بعصبية\وظيفة تكنسلها..
سارة\ماراح توافق..
راكان\غصب عليها..
سارة\يا أخوي وش فيك..صل على النبي..وشهو له كل هالتعصيب..؟؟
راكان\اللهم صلي على محمد..كلامي يوصلها..
سارة\وانا قلتلك ماراح توافق..
راكان\بتوافق..
سارة\أنا مو فاهمتك..
راكان\مافيه شيء تفهمينه..
سارة\راكان ليش معصب كذا؟؟
راكان\لأن ... لأنكم ..وش تبيني أقـــــول وش أقووول؟؟
سارة تمسك يده وتجلسه على الكنبة..
سارة\بسم الله عليك..ياأخوي خاف على نفسك..خاف على قلبك من العصبية..
وش اللي مكدرك ومضيق خلقك..
راكان\بنت عمك..
سارة\وغادة وش فيها؟؟وش اللي سوته؟؟
راكان\مـــا أبـــــــــيها..
سارة شهقت\وليش ماتبيها؟؟راكان أنت بنفسك قلتلي أنك تحبها..
راكان بغضب\عسى الموت يحبك ويحبها معك..
وقف وطلع من بيت سارة وهو بحالة عصبية شديدة..
كان يسوق سيارته بسرعة ممنوعة في الأحياء السكنية..
بس ابليس كان يوسوس له بالفكرة الشينة..
و لما يصلي ويرتاح يحسن الظن فيها..
ويقول ممكن يكون غلط طبي..
بس يرجع ويقول الدكتور اكد له على هالشيء..
هو متأكد من بنت عمه ويعرفها ويعرف تربيتها وماتسويها..
بس يناقض نفسه ويقول الشيطان شاطر..
والبنت يمكن انحرفت..
والأدهى من هذا كله أنها غادة..
هي اللي تدور حولها كل هذي الشكوك..
دوامـــــــــــــــــة عايش فيها وأفقدته التحكم بأعصابه...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛

كانت في مكتبه تتحرك بشكل سريع تخاف يدخل عليها..
انا ماعاد أتحمل والله قلبي محتاج..
مشتاقة ل الراحة والطمئنينة..
حتى لو ضربني ولو قطعني..
ربي بيكون معي..
كانت تفتش في أدراج المكتب الخاصة فيه..
لقت اللي كانت تبيه ومشتــــــــــــــاقة له خرجته من الصندوق الحافظ له..
سمعت باب المكتب ينفتح وقفت بخوف وخبته ورى ظهرها..
شوق بنظرات شك\أنتي وش تسوين هنا؟؟
هديل\ولا شيء أرتب المكتب..
شوق\ترتبي المكتب؟؟وش مخبية وراك؟؟
هديل\ولاشيء..
شوق بعصبية\طلعي اللي معك..
هديل\صومي وفكيني من شرك..
شوق\يعني ماتبين تطلعين اللي سرقتيه..طيب اوريك
وبصوت عالي صارت شوق تصرخ تنادي على غازي..
وفي لحظات كان غازي وأمه موجودين بالمكتب..
شوق\لقيتها تفتش بمكتبك ولما شافتني خبت شيء ورى ظهرها..
ومو راضية تعلمني وش يكون..
غازي يناظر بهديل\بس أنا متعود أخليها ترتب المكتب وين المشكلة..؟؟
شوق بقهر\هي سرقت شيء أنا متأكدة خلها توريك وش معها..
غازي\ماهي مجبورة توريني اللي معها..يمكن شيء خاص فيها..
شوق\لا مو خاص فيها..هو شيء لك وخذته من مكتبك..
أم غازي\شوق لاتتهميها زور..
شوق\يومه أنا ما اتهمها هي سرقت شيء ومخبيته..شوفيها..
غازي يقرب من هديل ويوقف جنبها وهي تراجعت ولصقت بالجدار..
وشدت على اللي في يدها..
غازي\وش اللي معك؟؟
هديل برجفة\ولا شيء..
غازي\عطيني يدينك..
هديل هزت راسها با النفي..
غازي يمد يدينه\هاتي يدينك..
هديل ناظرت بأمه ولا ردت عليه..
قرب منها وهي شهقت بخوف..
مسكها من كتوفها وبعدها عن الجدار..
ناظر من فوق كتفها وشاف اللي بيدها..
اشتدت يده على ذراعها بقـــــــــــوة..
مد يده وراها وأخذ اللي بيدها..
ناظر بعيونها بغضب..
غازي\لاتحمليني هذا الذنب..
نزلت راسها وهي تكتم العبرة..
هديل\والله أشتقت له..
غازي\يعني من أول ماجيتي هنا؟؟
هديل\أنت أخذت مصحفي ولا رجعته..
غازي بحدة\وليش ماطلبتيه مني..ليش ماقلتي انك تبين القرآن..؟؟
هديل تمسح دمعتها\مــ مم مدري..
غازي\ليش تحمليني هذا الذنب..ماكنت راح أمنعك من القرآن..
ماردت عليه..مسك يدها وحط المصحف عليها..
بعد عنها وسمح لها تمشي..بينما كان الغضب مسيطر عليه..
كانت تدري انه يتمنى لو يضربها..لكن هو صايم وماراح يسويها..
مرت من جنبه بسرعة وكانت بتطلع من المكتب لما سمعت شوق..
شوق بكراهية\لايمسه الا المطهرون..
ظلت واقفة بمكانها ماكان لها ردت فعل..حتى انها ما التفتت عليها..
لكن اللي أجبرها تلتفت صوت الكف اللي شق الصمت..
شوق مصدومة\تضربني ياغازي..
غازي بغضب\وأذبحك ان سمعت مثل هالكلام..
شوق تبكي\لكـــن هي تستــــــ
غازي بصوت عالي\ولا كلمة..اوزني كلامك قبل تنطقينه..
ولا وعزة الله ياشوق مايصير لك طيب..
شوق خافت منه وطلعت من المكتب وهي تركض وتتوعد في هديل..

خافت منه..دائما كانت تخاف بس هالمرة غير..
صح دافع عنها لأنه يدري أنها طاهرة ومافيها من كلام اخته..
بس خافت لأنها شافت قسوته على غيرها..
خافت من عصبيته..ماتمالك نفسه وهو صايم وضرب أخته..
ضمت المصحف بشدة وتراجعت على ورى لما ركز نظراته عليها..
تقدم منها خطوتين لكن يد امه منعته من اكمال طريقه باتجاه هديل..

طلعت من المكتب بسرعة وهي خايفة لا يمسكها ويضربها..
أكيد معصب لأنه ضرب أخته بسببي..
أكيد بيضربني..
قفلت على نفسها ب الملحق وهي تبكي وضامة المصحف..
تماسكت غسلت وجهها صلت ركعتين وبدأت تقراء..
كانت ترتل بصوت مبحوح..
ولما تتمكن منها العبرة كانت تخفت الصوت..
قرئت ثلاثة أجزاء وبعدها اضطرت تقفله لأنه حان وقت الافطار..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

هادي\ترى ماصارت من أول ماجيت وأنتي مسحبتني في الأسواق..
غادة\يعني وش تبيني أسوي مع من أروح؟؟أنت أخوي ملزوم فيني..
هادي\جب ياملزوم فيني لا أكفخك..
غادة\يا أخي اخدمني قبل أتزوج وتتحسر على فراقي..
هادي\ههههههههههه حلوة أتحسر من حلاتك..
غادة\المهم فحط لو سمحت على الفيصلية..
هادي\تهبين ما تدخلينها تبين مكان ثاني من عيوني..
غادة\لا ما ابي الا الفيصلية..هادي خل عقدك لبعدين..
هادي\الفيصلية روحي لها مع محمد أنا لا..
غادة\مالت عليك وعلى محمد..لما قلتله يقول أخوياي مصيفين في الفيصلية..
هادي\هههههههههه والله صادق ما الومه..
غادة\بأقول لأبوي يوديني لها..
هادي\طيب انزلي وانا اركن السيارة وأجيك..
غادة\لا تروح وتخليني أعرفك نذل..
هادي\طسي يا المكسورة..فيه بنت أرجولها مكسورة تنطط بالأسواق..
غادة بقهر\ايه البنت اللي وراها زواج واخوانها سخيفين..
نزلت من السيارة ودخلت المجمع أما هادي راح وركن السيارة في المواقف الخاصة..
ماحبت تظل تنتظره عند البوابة..
كانت تمشي ببطء عشان ما احد يلاحظ عرجها بسبب الجبس..
دخلت محل للعطورات وأختارت مجموعة كاملة..
وأختارت مجموعة مركزة لأمها..
كانت بتطلع لكن عند باب المحل كان فيه شباب واقفين وملتهين بجوالاتهم..
ظلت بالمحل عشر دقايق زيادة تنتظرهم يتحركون لكن ماكان لهم نية..
أتصلت في هادي وطلبت منه يجيها في المحل..
شلفت هادي واقف ويتكلم مع الشباب وطلب منهم يبعدوا عن الباب..
طلعت مع أخوها وتوجهوا ل الدور الثاني كان هاي يتقدم عليها بسبب بطئها في المشي..
وهي تتوعد فيه وهو يضحك عليها..
بس ما أحد منهم لاحظ الشخص اللي يراقب كل حركات غادة..
ويراقب حركات اللي يتبعون غادة..
يعني متقصدة تتأخر في مشيتها ويروح عنها أخوها..
تبي عيال الحرام اللي وراها يكلمونها ويتعرفوا عليها..
هذي وشهي من جنسه ماعندها قلب..ماتخاف..
الأكيد أنها تدري اني راح أعرف كل شيء بعد الزواج..
بس أبداً مو مأثر عليها الوضع..
تبي تصاحب من جديد وتتعارف..
من دون احساس باللي هو يسويه..
توجه ل الشباب اللي يلحقون غادة وبداء فيهم ضرب..
وكردت فعل من الشباب بادروا بضربه..
ألتفتت غادة على صوت الهواش بس ماعرفت أحد منهم..
بعدت عن المكان ولصقت بهادي..
لكن هادي أول ما شاف راكان بين أربعة ويتضارب معهم..
ركض لهم وبدء يضرب مع ولد عمه..
تجمعوا الناس حواليهم وجات الشرطة فرقوهم عن بعض..
راكان يتوعد ويهدد والشباب يصارخون يبون يضربونه لانه هو بدء عليهم..
كانوا الشرطة راح يسحبوهم للمركز لكن تدخل شخص مهم كان متواجد في المول..
وتكفل فيهم وطلب منهم يتركون الشباب هالمرة..
غادة كانت مرعوووبة ومتجمدة على الكرسي..
فز قلبها لما شافت شخص ثوبه معفوس وشماغه طايح على كتفه يقرب منها..
ماكانت مصدقة عيونها هذا الشخص ماكان الا راكان..
راكان\آخر مرة تنزلي أسواق من دون سارة فاهمة؟؟
ماردت عليه ولاهو من تربيتها ترد على شخص غريب عنها..
حتى لو كان ولد عمها وتحت مسمى خطيبها..
وبكره يصير زوجها..
راكان\ولاتدرين بلاش سوق ونفاق..
تركها بعد ماشاف هادي قريب منهم..وصى هادي وقاله يراقب أخته زين..
اللي فهمه هادي ان راكان عصب من الشباب وملاحقتهم لغادة..
ولا كان يدري بالمعنى الحقيقي من كلام راكان..
بينما غادة فقدت رغبتها في التسوق وطلبت من هادي يرجعها البيت..
وكل اللي في بالها معاملة هالشخص لها..
هذي مو معاملة رجل يحب..
هذي معاملة رجل يكره..
يــــــــــــكرهـ ..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

كانت جالسة على الطاولة في المطبخ تناظر الأكل اللي قدامها بجمووود..
ماتحب تأكل في القصر يكفيها القليل وتكون في الملحق فقط..
حاولت تأكل لكن نفسها مارضت الا بكأس ماء وقطعة خبز صغيرة..
مع ان ماريا محضرة أطباق شهية من اللحم والخضار..
وحساء الدجاج..أنواع من المقبلات..
وكل شيء يكون جاهز قبل وقت الافطار..
ماريا كانت تتذمر من تغير أوقات الطعام لكن تعودت عليها..
وجبتين في اليوم افطار وسحور..
أحياناً كانت تساعد ماريا في الطبخ..
وأحيان كانت تمتنع من دخول المطبخ لأنها تشوف أم غازي موجودة فيه..
وهي سرحانة حست بوجود أحد معها في المطبخ..
رفعت راسها بسرعة وبعدها نزلت عيونها..
أم غازي دخلت المطبخ وماكانت تتوقع تشوف أحد فيه..
من شكلها أنصدمت من وجود هديل..
مافكرت من قبل هديل وين تأكل أو مع من..
لأن الأمر مايهمها..ولا يعنيها..
توجهت ل الثلاجة أخذت حبة اسبرين وشربت ماء..
وقفت هديل وكانت راح تطلع من المطبخ لما سمعت أم غازي تكلمها..
أم غازي\كملي أكلك..
هديل ناظرته\الحمدلله..
أم غازي تناظر بأكل هديل وترجع تناظر في هديل..
هديل\تأمرين على شيء؟؟
أم غازي\ممكن بعد الصلاة تجيني في المكتب؟؟
هديل\ان شاء الله..
خرجت من المطبخ وهي تتسأل وش اللي تبيه منها وليش طلبتها..
هاوشت نفسها لانها تفكر..
ماتعبتي من التفكير مهما تسألتي ماراح تعرفي وش تبي..
أكيد شغل أو غثاء..
دخلت غرفتها صلت صلواتها وقرئت من القرآن جزئين..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛


رشا تضحك\هههههههههههه أنتي ماتبين أجرك يتم..؟؟
شوق\لااا ان شاء الله يتم..
أم غازي\أجل خلي عنك التحلطم..
شوق\يــومه وأنا وش قلت..هو صدق لو قضينا هالشهر في السعودية كان أحسن..
النهار هنا طويـــــــــــل مايخلص..
أم غازي\الصوم واحد هنا أو في السعودية..
شوق\المهم علمي ولدك أخر رمضان نقضيه هنا..
رشا\لا بيكون اخر رمضان تقضينه معنا والجاي مع زوجك..
شوق\وش جاب الطاري ألحين ؟؟
رشا مبققة عيونها\تزاعلتوا؟؟
شوق\ايه..
أم غازي\ومبسوطة..؟؟
شوق\ايه..
رشا\ولا يهمك يومه بعد شوي ترجع تعقل..
شوق\لا تزاعلنا وطلبت الطلاق..
أم غازي\هددتيه بالخلع مثل آخر مرة؟؟
شوق\لا الطلاق أحسن..
رشا\ههههههههههه رباااك مزبوط
شوق بقهر\انطمي..

انطق الباب ودخلت هديل..سلمت بهدوء..
وتركزت نظراتهم عليها..
رفعت راسها بتحدي وقربت من أم غازي..
هديل\آآمري..
أم غازي\اجلسي..
شوق\يومـــــــــه..
أم غازي\نعم..
شوق\وش تبين فيها؟؟
رشا\محتاجة شيء أجيبه لك؟؟
أم غازي\مو محتاجة شيء..شكراً..
هديل\مقدر أجلس عندي شغل..تأمرين على شيء..
أم غازي\ما أبى شيء..
هديل\أجل المعذرة منك عن اذنك..
شوق وتتمنى تقهر هديل بعد ماضربها غازي بسببها..
شوق\الا اريد أسألك؟؟
هديل بقرف\ما أتشرف..
شوق\أفا من زمان توسلتي لي أتكلم معك..
هديل بسخرية\زمان يعني من كم قرن؟؟
شوق\أخوك هادي يسلم عليك ومحملني أمانة لك..
بهتت بمكانها وأنسحبت كل معالم القوة من وجها..
لأن الكلام هذا مو غريــــــــب عليها واسم هادي يتررد بالمكان..
دخل غازي وتفاجاء من وجود هديل..
كانت أخر مرة التقوا فيها قبل تسعة أيام..لما أعطاها مصحفه..
شوق تكمل وبكل حقد\يقولك وافقي على الشرط وهو لما يرجع السعودية..
راح يبطل الشرط لأنه ممنوع في الدولة..
هديل بصدمة\مــن وين عرفتي كل هذا؟؟
شوق\مرحبا أنا جومانة هههههههههههههههههههههههههههههه
هديل\كـ ييييف جومانة أخت صاحب هادي؟؟
شوق بابتسامة\لا جومانة هي شوق أخت غازي..
غازي بحدة\شـــــــــوق ..
هديل ألتفتت على غازي وهي متأملة في..
متأملة يكذب شوق..لكن هو ماقال شيء..
ما أنكر ولا أثبت..
ظل صامت وهذا يذبح أكثر وأكثر..
هديل قربت منه وهي تهمس بصوت مخنوق..
هديل\أنت؟؟
غازي مارد عليها..مد يده مسك يدها وكان بيطلعها من المكتب..
بس هي سحبت يدها منه بسرعة..
هديل بعدم تصديق\قالت هي جوومانة هي تكذب؟؟
غازي\تعالـي..
هديل تبعد عنه وتردد سؤالها..
مارد ولا رد ولا رد..
ماتحكمت بدموعها..
غصب عنها أنهارت وصرخت..
هديل بصراخ\أخوي مايدري عنــــــــــي..
معقولة هادي مايدري أنا وين..مايدري اني مسجونة هنا..
كنت أتامل فيه..كنت أنتظره يوفي بوعده..
والحين كيف يوفي بوعد هو ماقطعه ولا تعهد فيه..
أخـــــــــوي هادي مايدري..
غازي\ايه مايدري..
حطت يدها على فمها وهي تشهق أكثر..
هديل\هذي جومانة؟؟
غازي\ايه جومانة هي شوق..
هديل\وأنت صاحبه؟؟
غازي\افتراضاً..
دارت بمكانها وهي تناظر فيه وفي شوق..
ماهي مصدقة ولا متقبلة الكلام..
تقدمت من أم غازي وجلست على ركبها عندها..
هديل بنــوح\شفتي عيالك وش سوو فيني؟؟
شفتي كيف خدعوني وكيف من أبوي خذوني..
أوهموني بكذبهم..علقوني بسراب..
ليـــش ربيتيهم على القسوة؟؟
وش تعرفيـــن من الأمومة؟؟

صدت أم غازي عنها تخفي دمـــوع ماقدرت تكتمها..
وقفت وهي تهددهم وتصارخ فيهم..
هيل\خلااااص أنا بأرجع لأهلي..بأرجع لهم..
أنتوا ماتخافون الله ماتعرفونه..
ناس مايخفون الله ينخاف منهم..
أنا بأرجع لأمي لأبوي وهلي..
ما أبي أظل معكم ما أبي..
أنا لو فقدت أخوي بأبكي عليه..
بأذكره ومابأنساه..بأرتجي ربي يجمعني واياه بالجنة..
مستحيل أسوي سواتـــكم..
أنتوا مو بشــــر مو بشــــر..

خرجت من المكتب وهي تركض..طلعت من القصر متوجهة للبوابة..
لكن يدينه وثقتها وثبتتها با الأرض..
هديل بصراخ\ابــــــعد يا حقير ياكــــــلب..
الله لايسامحك الله لا يسامحك..
حرمتني من أمي قهرت أبوي..
خذيتني بالظلم والحقد..
قهــــــــرتني الله يقهرك..
غازي يضمها بقــــوة\اهدي خلاااص اهدي..
هديل بصراخ\هـــــــــــــــــــــــــــــــــادي..
هــــــــــــــــــــادي..





















عرض البوم صور MAY   رد مع اقتباس
قديم 07-09-2012, 04:20 PM   المشاركة رقم: 25
المعلومات
الكاتب:
ذكريات طفله
اللقب:
ღ عضو سعداء بوجوده ღ
الصورة الرمزية
 
الصورة الرمزية ذكريات طفله

البيانات
التسجيل: Jun 2012
العضوية: 11246
المشاركات: 34
بمعدل : 0.04 يوميا
معدل التقييم: 0
نقاط التقييم: 10
ذكريات طفله is on a distinguished road

التوقيت

الإتصالات
الحالة:
ذكريات طفله غير متواجد حالياً
وسائل الإتصال:

كاتب الموضوع : MAY المنتدى : الروايات الطويله
افتراضي رد: رواية أما غرام يشرح الصدر طاريه وإلا صدود وعمرنا ماعشقنا , للكاتبه / صدود

حلووووه مره بس كمليها بللليز. بأنتظارك ……












توقيع : ذكريات طفله

عندمآ تتعثر آمنيآتي

ويصيبني آلمللَ , آنظر إلى آلسمآءءء وآقوول

..إلهيَ
آعلم ب آنك تخبىَ لي شيئآ آفضلًِ

عرض البوم صور ذكريات طفله   رد مع اقتباس
قديم 13-09-2012, 11:09 AM   المشاركة رقم: 26
المعلومات
الكاتب:
ذكريات طفله
اللقب:
ღ عضو سعداء بوجوده ღ
الصورة الرمزية
 
الصورة الرمزية ذكريات طفله

البيانات
التسجيل: Jun 2012
العضوية: 11246
المشاركات: 34
بمعدل : 0.04 يوميا
معدل التقييم: 0
نقاط التقييم: 10
ذكريات طفله is on a distinguished road

التوقيت

الإتصالات
الحالة:
ذكريات طفله غير متواجد حالياً
وسائل الإتصال:

كاتب الموضوع : MAY المنتدى : الروايات الطويله
افتراضي رد: رواية أما غرام يشرح الصدر طاريه وإلا صدود وعمرنا ماعشقنا , للكاتبه / صدود

بللللليز كمليها كلمة رروعه قليله بحقهاااا بللليز












توقيع : ذكريات طفله

عندمآ تتعثر آمنيآتي

ويصيبني آلمللَ , آنظر إلى آلسمآءءء وآقوول

..إلهيَ
آعلم ب آنك تخبىَ لي شيئآ آفضلًِ

عرض البوم صور ذكريات طفله   رد مع اقتباس
قديم 24-09-2012, 10:45 PM   المشاركة رقم: 27
المعلومات
الكاتب:
MAY
اللقب:
آلمشرفـہ آلعآمـہ
الصورة الرمزية
 
الصورة الرمزية MAY

البيانات
التسجيل: Jul 2009
العضوية: 8426
الدولة: ҜṧĄ
المشاركات: 19,667
بمعدل : 10.79 يوميا
معدل التقييم: 116
نقاط التقييم: 42658
MAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond repute

اوسمتي


المزاج
ط


التوقيت

الإتصالات
الحالة:
MAY غير متواجد حالياً
وسائل الإتصال:

كاتب الموضوع : MAY المنتدى : الروايات الطويله
افتراضي رد: رواية أما غرام يشرح الصدر طاريه وإلا صدود وعمرنا ماعشقنا , للكاتبه / صدود



-









البارت الخامس والعشرون :


لماذا أعيش
لماذا أودع يوما وأرقب يوما
ويدفن عام ويولد عام
وما في الحياة جديد
تمر على الليالي
مكفنة بوجوم عميق
تراقص فيه ظلال الملل
سجون مغلفة بالأسى
تسمى حياة
وماذا أريد
مصابي ..أني أجهل ماذا أريد

المرحوم ,,غازي القصيبي ’’’




خرجت من المكتب وهي تركض..طلعت من القصر متوجهة للبوابة..
لكن يدينه وثقتها وثبتتها با الأرض..
هديل بصراخ\ابــــــعد يا حقير ياكــــــلب..
الله لايسامحك الله لا يسامحك..
حرمتني من أمي قهرت أبوي..
خذيتني بالظلم والحقد..
قهــــــــرتني الله يقهرك..
غازي يضمها بقــــوة\اهدي خلاااص اهدي..
هديل بصراخ\هـــــــــــــــــــــــــــــــــادي..
هــــــــــــــــــــادي..
كانت تتحرك بين يدينه تبي تبعد عنه وهي تصرخ فيه..
ماتركها ولا تأثر بضرباتها عليه..
لفت بجسمها وصار ظهرها على صدره..
مشخت يدينه بأظافرها بس ماتركها..
صرخـــــــــــت بقهر ..
وماكانت تنادي الا اسم هـــادي...

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛

في نفس الوقت في بيت أبوعلي...
كانوا جالسين في الصالة يشاهدون أحد المسلسلات الرمضانية..
مدت عليه غادة بالحلا مع فنجال قهوة..
بس ماقدر يمد يده ويتناول منها..
حس برجفة قويـــة بعظامة..
ضيقة تكتم صدره..ماقدر يتنفس..
وكأن كل الأكسجين ينسحب من حوله..
وقف من غير توازن..
كان يشهق يبي يتنفس..
بس ماقدر..
مشى وهو يترنح يبي يطلع لحديقة البيت..
الكل أنتبهوا عليه بس ماعرفوا اللي يصير فيه..
خرج وراه أبوه واخوانه..
كان جالس على ركبه فك أزارير ثوبه..
قطع فنيلته من أعلاها..
وكأنه باللي يسويه راح يقدر يدخل الهواء لصدره..
أحساس أول مـــرة يحس فيه..
وكأن روحه تنازع..ومستعدة توادع..
حس في أبوه لما سدحه على ظهره وهو يسمي عليه..
اخوانه كانوا يصارخون عليه يبونه يتكلم معهم..
دموعه من دون شعور منه صارت تنزل بحرارة..
سعل بشكل متكرر وحس بطعم الدم في حلقه..
أبوعلي\بسم الله عليك..هادي ياولدي وش فيك؟؟
وش اللي صاير لك؟؟
علي\يوبه وجهه ل القبلة..لقنه الشهادة يوبه..
أبوعلي ناظر في ولده علي بصدمة..معقولة ولدي يودع..
حانت ساعة الموت..
محمد وصل عندهم وهو يركض بعد مامنع غادة من الخروج وراهم..
صب كاس ماء على وجه هادي..
كانت ردت فعله شهقة قويـــــة ومن بعدها رجوع الهواء لرئتيه..
أبوعلي\ايه ايه تنفس يا أبوووك تنفس..
هادي حط يده على قلبه..ويحس بخفقان شديد..
علي\لازم نوديه المستشفى يوبه يمكن القلب فيه شيء..
دخل علي ومحمد البيت بسرعة عشان يودون أخوهم المستشفى..
هادي\يو..به
أبوعلي\لبيه يا هادي..
هادي\وش اللي صار فيني؟؟..
أبوعلي\أنت وش تحس فيه..وين الوجع في قلبك؟؟
هادي\في روحي..أول مرة أحس بها الضيقة..آآآهـ وكأني مخنوووق..
أبوعلي\سلامتك مابه شر..
هادي\روحي ماعادت تبيني..وش اللي صار فيني يوبه..
أحس بأحد يناديني..أحس أنها هديـــل والله هديل..
نزلت دموعه من الشوق..ومن احساسه فيها..

أرتخت يدين أبوعلي من سمع أسمها..
هذا منها..تناديــك..حسيت فيها تناديك..
وش اللي هي تقوووله..
تناديك تبي فزعة..ولا تناديك شوق..
حسيت بتوئمك..حسيت بروح أبوها..
وش اللي صايرن فيك يا أكبر ذنوبي؟؟
محتاجة أخوك..محتاجتن هلك..
رفع راسه ل السماء ودموع القهر بعيونه مرسومة..
أبوعلي\اللهم رحمتك يا أرحم الراحمين..
علي شال أخوه وركبه السيارة..
ومحمد كان ساند أبوهـ اللي مغمض عيونه..
علي يمسك يد أبوه\يوبه وش فيك؟؟
أبوعلي\مافيني شيء..أخوك اهتم فيه..
محمد\تعال نوديك الدكتور يمكن الضغط انخفض عندك..
أبوعلي يبعد عنهم وتوجه لبيته\مافيني شيء..وداعة الله..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

تعتبت من البكاء والصراخ..
ضربته مشخته رفسته بأرجولها..
بس كان أقوى منــها بكثير..
ماتأثر بضرباتها المفزوعة..
ولاصرخاتها المتكررة..
هدأت مقاومتها له..
وأستسلمت لأسرها بين يدينه..
هديل بصوت مبحوح\وش مخبي بعد؟؟
وش سويت فيني أكثر؟؟كم طعنة بعدك مخبيها؟؟
مارد عليها..وقف وشالها عن الأرض..
خبت وجها في صدره وهي تبكي..
دخلها غرفتها نيمها على السرير..
حاولت توقف بس هو ماسمح لها..
جلس جنبها وثبتها على فراشها..
كانت تشهق بصوت عالي وكأن الهواء ماله وجود..
غمضت عيونها بقوووة وشهقت أكثر ..
لما سمعت القرآن الكريم بصوت الشيخ السديس..
من جوال غازي..اللي شغله وحطه جنب رأسها..
عضت على شفايفها ودموعها ماوقفت حتى وهي مغمضة عيونها..
أرتجفت غصب عنها بسبب كتمها لشهقاتها..
حست فيه يلحفها بمفرشها ويقرب منها أكثر..
لكن ماأثار قربه منها أي من حقدها وخجلها..
لأن روحها الملكومة كانت تناجي الله بصمت..
وهي تستمع الى أطهر وأعذب الكلام..
بصوت يشرح القلب..أيمان يهدىء النفوووس..
والأهم كلمات العزيز الجليل تنساب لأقصى الروح..

يقولون بأنه لايوجد دواء للحزن..
أوليس كلام الله دواءً ومواسياً..؟؟
أوليس كلام الله مخففاً للهم والكروب؟؟
ألا بذكر الله تطمئن القلوب..
كان هذا علاجاً كافياً لقلب أسير..
يحمل شوقاً وحزناً كبيراً..
قلباً مزقه اليأس والحرمان..

هدأت نفسها وخفت الشهقات لحتى أختفت..
مع انتهاء السورة الكريمة..
فتحت عيونها وشافته يناظرها..
كانت نظرات الشفقة والرحمة..
هديل\ماكنت اعرف وش معنى كلامهم لما يقولون..
يقتل القتيل ويمشي بجنازته..
أنت خير مثال لهذا الكلام..
غازي\ماكنت أبيك تدرين...مو خوف منك..
الا خوف عليك..
هديل\لو حلفتك بالله العظيم..
تعلمني وش مخبي علي أكثر من كذا..
غازي\رسل..
هديل بغصة\الله يأخذ رسل ويحرق قلبك عليها<<هديل تقصد نفسها بها الدعوة..
غازي\الله خذاها من زمان..
هديل\لا بعدها موجودة قدامك..ماخذاها منهو أرحم فيها منك..
غازي\تبين تموتين مثل رسل..
هديل\ما ألومها لو ماتت من يعيش معك مايخلصه الا الموت..
غازي\بس كنت أحبها وهي تحبني..
هديل\غبية ماكانت تعرفك صح..
غازي\لاتسبوا الأموات..
هديل\وتفتكر أني ممكن أصيرمثل رسل؟؟
غازي\لا ما أبيك تصيري رسل..
لأنك لو فكرتي تصيري مثلها ماراح أسمحلك..
هديل\ولأنه مايشرف..
غازي\لاتغلطي عليها..
هديل\عساها حرقة بقلبك لآخر يوم بعمرك..
غازي\بتظل حرقة من دون وصاتك..
مافيه أحد يقدر ينسى ضناهـ ..
هديل بعدم تصديق\ضناك؟؟
غازي\رسل بنتي..
هديل أنفجعت من كلمته ومن تصريحه..
رسل تصير بنته..
وبنته ميته الله يرحمها..
هديل\بنتك..؟؟
غازي\ايه بنتي توفت من ثلاث سنوات..
هديل\الله يرحمها..
طال الصمت..
وكل منهم أبعد بتفكيره عن الثاني..
بس هديل قطعت الصمت باللي كان يدور في بالها..
هديل بعبرة\ليش سميت وحدة مجرمة وقاتلة جارية عندك سميتها باسم بنتك؟؟
غازي\لي أسبابي..وهذي الأوصاف ماهي أوصافك..
هديل بقهر\ليـــش سميتني باسم بنتك؟؟
غازي\لأني كنت أريد أحيي الاسم من جديد..
كنت أريد أنادي اسم بنتي..
ولأني فقدت بنتي وأنتي فقدتي أبوك..
صرنا نشبه بعض..
هديل بدموع\لا مانشبه بعض..
أنت بنتك ماتت وأنا أبوي حي..
مانشبــــــــه بعض أبداً..
غازي بحدة\لا فيــــه شبه..
بنتي ماتت وأنتي يابنت أبوك ميته..
هديل\ما أموت دامني دين في رقبته..
ماأموت وهو بيقابل فيني رب العباد..
ما اموت والغالي يدورني بكل مكان..
غازي\أنتي بتذبحي نفسك بأوهامك..
هديل ضربته على كتفه وقامت من على السرير..
هديل\خلني أذبح نفسي..
اهون من طعناتك وغدرك يا الخاين..
غازي\خاين؟؟
هديل\ايه خاين وحقير..ولا اللي يسوي سواتك وش يسمونه..
نـــــذل وغشـــاش..تطعن بالظهر..
خدعتني لما أرسلتلي كلب الحراسة أختك..
خدعتني أنت واياها..
الله ينتقم منكم..
وقف وتوجه لها..كتف يديها وحط كفه على فمها..
غازي\خفي من دعاويك ترانا برمضان..
هديل تحاول تفك نفسها عنه بس ماقدرت..
داست بأرجولها على رجله...
رماها على سريرها وهو يصرخ عليها..
غازي\أصحي على حالك..
أنتي مو بزر لازم تفهمي ماعاد لك أهل..
أنتي مالك غيري..ومهما صارختي وعاندتي ..
في النهاية بترضين..ما ابيك ترضين وأنتي محطمة..
بتكملي سنة وأنت تفكري فيهم وتطرينهم..
وهم مادروا عنــــك..اصحـــــــــــــــــي..
هديل بصراخ\لا ولا ألف مرة..
مابرضى ومابأصدقك..أنت مجنون مريــــض..
معقـــــــد..تبيني أنسى أهلي وأظل طول عمري أسيرتك..
مستحــــيل..أبوي وهادي وأخواني بيجون وبياخذوني منك..
بيرجعوني لأنهم أهلي..وانتوا الحقد بياكل قلوبكم بتموتوا من القهر..
لأنك ماربحت شيء.ما أنتقمت لأخوك ولا قهرت هلي..
بأرجع لهم وأنت الخسراااااااااااان..
بنظرات غضب تقدم منها مسك ذراعها بقوة وهزها بعنف..
غازي\أجل ماربحت شيء؟؟
هديل بكره\ماربحت الا الخساير..
غازي بغضب\قلتلك أشتري سلامتك بس انتي ماتفهمين..
لف يدينه حوالينها وقربها منه..وهي كانت تضربه وتصرخ فيه..
حست بقبلاته على وجها بس كانت تقاومه بشدة..
حاولت تبعد وجهه من رقبتها بس ماقدرت..
تملكها الرعب والرجفة..
سبته شتمته..نادت امها وأبوها..
حفرت أظافرها فيه..
صرخت بأعلــــــــى صوتها لما حست فيه يشيلها من الأرض..
ويسدحها على سريرها وهو قريب منها..
.....\غازي أتركها..
صرخت هديل\يومــــــــــــــــــه..
أم غازي\وعزة الله عليك تتركها..
هديل تبكي\أبعديه عني تكفييين خليه يتركني..
غازي يهمس بأذونها\المرة الجاية ماأحد بينقذك مني يا جاريتي..
تركها وهي تبكي ولامة نفسها بيدينها..
خرج من الملحق وأمه ظلت واقفة تناظر في هديل..
هديل بخوف\رجعوني لهلي..حـــرام عليكم رجعوني...
أم غازي\لاتثيري أعصابه عليك..
هديل تبكي\تكفييين تكفييين رجعيني لهلي..
ولدك ماهو بصاحي مجنوون..
أم غازي\هذا نصيبك..
هديل\تصيبونه بمصيبة وتقولون نصيبه..
وين بتروحون من الله..؟؟
أم غازي\مهما صار تذكري أنك ملكه..
هديل برعب\أنتي ماتخافي على ولدك..
ماتخافي ربي يعاقبه على الحرام..
اذا ماتبين تبعدينه عني عشاني..
بعديه عشان نفسه..ربي بيغضب عليه..
والله بيغضب عليه..

خرجت أم غازي من دون ماترد عليها..
ظلت بمكانها مرعوبة وتسترجع الموقف الأخير بينهم..
هزها الخوف على نفسها..
وقفت بسرعة وركضت تقفل الأبواب عليها..
تسبحت وفركت رقبتها ووجها بقسوة من بقايا أثاره عليها..
كانت تبكي وهي تتوهم وجوده جنبها..
صلت الفجر وقرئت القرآن وهي ترجف..
اللهم أحرسني بعينك اللتي لا تنام..
غفت على كوابيس تصحى منها مفزوعة..
وهي تصرخ منادية على أمها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

سارة بطفش\انا لله وانا اليه راجعون..يابنت أتعبتيني معك..
أختاري وخلصيني..
غادة\جب ولا كلمة..لاتنسين أن أنا مزاعلتك..
سارة\مزاعلتني وطالبتني أتسوق معك..
غادة\من القرادة ماعندي أخت تعلمني حركات الحريم قليلات الأدب..
سارة بدلع\وه يالحريم قليلات الأدب..انطمي وخذي هذا الفستان روووعة..
الفستان أعجب غادة\وعععع أخذ هالزين عشان رويكن يهبى..
خليه يمكن تاخذه وحدة غيري ويكون زوجها يستاهل..
سارة\أنتوا مو صاحين أنتي واياه مهبل نعنبوا مابقى على العيد الا ثلاث أيام
وعلى زواجكم اسبوع..
غادة\صدقتي هو مهبل..
سارة\زعلانة منه؟؟
غادة\وهو يطووول أصلاً..
حبيبتي مافيه أحد يستاهل أني أزعل عشانه..
ياليت تبلغينه..
سارة\بصراحة معك حق تزعلين..
غادة\قلتلك تراه مايسوى..
سارة\تعالي نجلس في الكوفي ونتفاهم..
غادة بسخرية\لا أخاف ابليس يوزني وأروح أرقم القهوجي..
سارة\هههههههههههه لساتك مصرة على القهوجي..
غادة\ترى مليت وابى أرجع البيت..
سارة\غادة مايصير تتزوجين وحالتكم كذا..
غادة\أنتي وأخوك اللي جنيتوا على أنفسكم..
سارة\ما أنكر اني تدخلت بينكم..بس راكان بجد يبيك..
غادة بحدة\يبيني ولاعنن خيري..يبيني ولا ألقى منه الا التأفف والكلام السم..
سارة\لاتظلمينه أول مرة يتكلم معك اليوم..
وماتكلم الا من غيرته عليك..
طلعوا من المحل وصاروا يتمشون بالاسواق..
غادة\سارة لانلعب على بعض..وترى مو أول مرة ينافخ علي..
سارة\ليش وش صار من قبل اليوم..
غادة\اللي صار اليوم يكفي..حتى نظراته كرهتني فيه..
سارة\أنا ما ادافع عنه..صح ماله حق يصارخ عليك..
لأنه الى الآن ماملك عليك..
غادة\ماهمني صراخه كثر ماهمني الكلام اللي قاله..
سارة\طيب هو تفكيره كذا..
غادة\بالله شوفي عباتي مخصره مثل ماقال..
ولا مطرزة ومسوية حفلة..جزمتي شوفيها فلات..
سارة\هذا وعباتك راس أجل لو كتف مثلي وش يقول..؟؟
غادة\ماعندك فرصة على طول شمتي باخوك..
سارة\لان مامعه حق..
غادة\سارة قوليله أني ما ابيه..
راكان بغضب\أجل من تبين يا...بنت العم..
يكون بعلمك لوما هديل ماخذيتك..
غادة كملت طريقها ولا ردت عليه..شيء هي متوقعته ولا أحد أقنعها بالعكس..
راكان يحب هديل ويبي يتزوجها كبدل..
سارة تفاجئت من تواجده قريب منهم..ومن كلامه..
سارة بغضب\أنت وش سالفتك؟؟وش ناوي عليه؟؟
راكان\بنت عمك من تبي؟؟
سارة بعصبية\راكان واللي يرحم والديك اترك البنت في حالها..
كفاية كلامك..
راكان\هي وين رايحة لحالها ويـــن؟؟
سارة\راكان أنت وش صاير فيك..لايكون تراقب غادة؟؟
راكان\طسي وراها حسابكم في البيت..
سارة عصبت عليه وراحت تدور على غادة..
شافتها على الدرج المتحرك نازلة..راحت وراها..
وصلتها عند البوابة..
سارة\الله يهديك ياغادة أركض وراك أنا..
غادة\خليني بحالي وروحي مع أخوك..
أنا بأروح مع علي هذا هو واقف عند الباب..
خرجت من المجمع من دون ماتسمع رد سارة عليها..
ركبت بسيارة أخوها ودموعها حاجبة الروية عندها..
غادة وهي تبكي\أخر مرة أقولك ولد عمك هذا ما أبيه..
مجنون يراقبني بكل مكان..باينة شكوكة من كلامه وتصرفاته..
ما أبيـــــــــــه..بيت شيبتي ماهو بعاجزن عني يومه طالبني لاحتقاري..
تراه مايبيني الا بدل لهديل الله يرحمها..
تراني بذمتك يا أخوي بذمتك لاتخليه يقهرني حلفتك وحن رمضان..
والله ما أسامحك ولا أحلك..
....يعتزي\أنا أبن أبوي ..والله ما أردك ولا أخليه يقهرك..بس من أنتي بنته؟؟
غادة شهقت بقوة وناظرت بالشخص اللي جنبها..
والمصيبة هذا مو علي أخوها ولا تعرفه..
فتحت الباب ونزلت من السيارة بسرعة توجهت للمجمع بس يد مسكت على يدها بقوة..
ألتفتت برعب وكان علي هو اللي ماسكها..
علي\فضحتيني يالهبلاء..هذي سيارتي الثانية..
ظلت غادة مبحلقة في وجه علي..تبي تتأكد أنه اخوها..
ولما تأكدت ركبت السيارة وهي ترجف..
علي\هههههههه أعذرنا هذي ثاني مرة تصير مع الأهل مايفرقون بالسيارات..
...\علي؟؟
علي\مالك؟؟
مالك يسلم عليه بخشمه ويحضنه..
علي\يا الله ان تحييه وينك يا ابن الحلال لا خبر ولا علم عنك..
مالك\الله يحييك ويبقيك..عساك طيب؟؟
علي\الحمدلله يسرك الحال..طمني عنك وعن الأهل..
مالك\الحمدلله كلنا بخير من رب العالمين..
علي\متى رجعت الرياض؟؟
مالك\من بداية الشهر الكريم وأنا هنا..
جايب الأهل يتسووقون للعيد..
علي\أجل والله أن تسروون معي وسحوركم عندي..
مالك\يارجال صل على النبي ولا تحلف..مابينا هذا الكلام..
علي\والله أن تقول تم..
مالك\مشغولين ياأبو عبدالله خلها بيوم ثاني..
علي\أبدن الليلة اتصل على هلك واستعجلهم والله ان سحوركم عندي..
مالك\يامال النشبة على خبري بك نشبة ..
علي\هههههههههههههه تستاهل يا أبو حمد كل خير..
مالك\الله يعافيك..طيب بعدكم على نفس العنوان؟؟
علي\ماتعرف الا شوارع أمريكا..أمش وراي وأنا أدلك..
مالك\عاد الوالدة ألحين بتسوي موشح وانت تحمل..
علي\ولا يهمك أتحمل المهم نكسب شوفتكم..
أتصل مالك على هله وأستعجلهم..
وبعدها مشوا ورى علي لبيته..

غادة طوول الوقت كانت ترجف من الخوف..
المصيبة أنه طلع يعرف أخوي ولا جاي ورانا يتسحر عندنا ياسلاااااام..
عاد ماغلطت الا بسيارة خوي أخوي..
لعلك الماحي ياراكان ماخليت فيني نظر..
ياويييلي ليتني ماتكلمت ولا قلت كلمة..
صادقة جدتي اني غبراء..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

بقى ثلاث أيام ع العيد من أخر موقف صار بينهم..
ماطلعت من الملحق ولا تجرئت تقرب القصر..
حتى الاسطبلات مازارتها..
ماكانت تشوف الا ماريا..
لماتجيها بافطار ولا بالسحور..
ماكان لها نفس لا لأكل ولا شرب..
ولو ماخوفها من رب العالمين ولا ظلت صايمة على طووول..
وكيف بأقضي العيد..
معقولة جاء العيد وأنا وحدي..

...

لماذا أتيت يا عيد..؟؟
من يستبشر بك..ومن يفرح بقدومك..
لا أريدك أن تأتي وأنا هنا..
كيف أقضيك بلا أم وأب..
لا أريد لــ آسري أي ذكرى معي..
فلتطل غيابك ياعيد..
فأنا كـ اليتامى..
كم تغنوا بأغانيك الجريحة..
وتمنوا رؤية الأحلام الكسيرة..
لا تأتي ياعيــــــــــــــــــــد ..
فأنا لازلت أسيرة ’’’
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛

تردد صوت محمد بأذونها..لما تمصخر على شكلها..
محمد\بالله هذا شكل عروس..وجهك منفووخ من البكاء..
مدري وش تحسين فيه..
طنشته ودخلت غرفة جدتها..انتظرتها لحتى خلصت صلاتها..
جلست جنب سجادتها..
سلمت الجدة واستغفرت ودعت الله يتقبل منهم الصيام..
ويبلغهم الجنة..
الجدة\أعلنوا العيد يومه؟؟
غادة بغصة\ايه يومه بكره العيد..
الجدة حضنت غادة\عيدك مبارك يا العروس..
غادة بكت بحضن جدتها وهي تشهق..
الجدة\لا اله الا الله..وشله البكي ألحين..
كل ماقلنا لك عروس بكيتي..
غادة\تكفيـــــن يومه دبريني..
الجدة\بسم الله عليك..وش فيك يا غادة؟؟
وش صايرلك؟؟
غادة\ما أبي راكان يومـــه ما أبيه..
الجدة بعصبية\وليه ماتبينه؟؟وش شايفة عليه.؟؟
غادة\قولي لأبوي أني ما ابي راكان..
الجدة\وراكان وش مسوي؟؟
غادة\ماسوى شيء بس ما أبيـــــه والله ما أبيـــه..
الجدة\قومي اطلعي من غرفتي يابنت..
هذا خوف من العرس ما أنتي أول وحدة تعرس..
غادة\لا ماهو خوف من العرس..راكان ماهو بنصيبي..
ماني مرتاحة له..
الجدة\الخلا..
خرجت غادة من غرفة جدتها وهي تبكي قابلت أبوها..
ماكلمته طلعت لغرفتها وقفلت عليها..
ليش مايحسون..الرجال ماهو بطبيعي..
نظراته كلامه كل شيء يدل أنه مايبيني..
بعده عايش على ذكرى هديل..
يانـــــاس يبي أختي مايبيني..
والله أن خاطري منه طاب..
وش ها العيد اللي مدري وش وراه..
يارب رحمتك..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛
بعد السؤاااال ؟؟؟

أنت تبكي ؟؟؟

أنا لا أبكي ...

فقد جفت دموعي ...

في لهيب الحرية ...

إنها منسكبة !!!

هذه ليست دموعي !!!

بل دمائي الشائبه ...

الهالـــه,,

كان جالس بمكتبه توه واصل من المدينة مع أمه وأخواته..
ويحط أخر اللمسات على المشروع اللي ناوي يسويه مكان كروم العنب..
سمع الباب يندق سمح بالدخول على باله ماريا..
دخلت بخطوات مترددة..كانت شادة على يد الباب بقوة..
سمت بالله تقدمت خطوتين ثم قفلت الباب..
مشت بهدوء ووقفت قريب من مكتبه..
رفع رأسه وبانت الصدمة على ملامحه من شوفتها قدامه..
ماكان متوقع أبداً يشوفها بعد اللي سواه فيها..
أكثر من 16 يوم مالمحها..
حابسة نفسها بغرفتها طول هالفترة..
مايلحقها لوووم..الي صار ماهو شوي..
غازي بصدق\عاش من شافك..كيفك؟؟
ماردت عليه وركزت عيونها على يدينها..
غازي\اجلسي..
جلست وهي تحس بعظامها تضرب في بعض من الخوف..
كانت ناوية تتكلم لكن الخوف ألجم لسانها..
طال الصمت..وهو احترم هالشيء..
تركها على راحتها متى ماقدرت تتكلم راح تتكلم..
هي منزلة راسها..
وهو مركز نظره عليها..
يراقب كل حركة تسويها..
لاحظ أصابع يدينها اللي صارت حمراء من فركها لها..
رفعت راسها وجت عينها بعيونه..
نزلت راسها بسرعة قررت ماتتكلم وتطلع من المكان..
لكن الحنيـــــــــــــن كان أقوى من العقل..
هديل بصوت خافت\بكرهـ العيد..
غازي يبتسم\ايه أعلنت المملكة بكره العيد..
كل عام وأنتي بخير..
هديل ماردت عليه تحاول تكتم العبرة اللي تحرق روحها..
رفعت عيونها تناظر فوق تمنع دموعها من التمرد..
نزلت دمعة ومسحتها بسرعة..
هديل\أ..أريـد أكلم أمي..
هز رأسه بالنفي\لا..
هديل بشهقة مخنوقة\بـ بــ ـس ببكره العيد..
غازي\لا..
هديل بصوت باكي\مــا بــأطول والله شوي وأقفل..
ما راح أقولهم شيء..أصلاً أنا ما أعرف ويني..
ولا أعرف البلاد هذي وش تكون..
غازي\لاتحاولي قلت لا..
هديل\أول مرة أطلبك ما أطلبك مرة ثانية والله..
غازي بهدوء\أطلبي كل شيء الا الماضي لاتطرينه..
هديل بحسرة\وما أبى الا الماضي..
أريد أكلم أمي أبى أسمع صوتها وأتطمن عليها..
أريـــد أمي..
غازي\أنا أمك وأنا هلك..
هديل\ليــش أمك معك وأنا لا..؟؟
ليــــش تعيش العيد مع أهلك وأنا لوحدي؟؟
غازي\أنتي مو لوحدك..أنا معك..
هديل\ما أبيييك أبي أمي..
غازي\انسي الموضوع..لاترهقي نفسك..
هديل مخنوقة\بس بكره العيــــــــــــــــــــــــــــد..
وكأنها لو كررت المعلومة قد تغير في قرار الجلمــــود شيئاً..
غازي\بيكون صعب لأنه أول عيد..
لكن راح تتعودين..قدرتي على شهر رمضان..
وراح تقدري ع العيد..
هديل بعجز\وهو بيكون فيه عيد ثاني؟؟
غازي\ان شاء الله الحياة قدامنا..
وقفت بتعب وهو وقف معها..
مشت باتجاه الباب بس لفت عليه..
هديل وهي تبكي\كنت أدري أنك راح ترفض..
بس كان عندي أمل غبي..
مادمت ماراح أعيد مع أهلي..
فراح أخلي العيـــد لهله..

















عرض البوم صور MAY   رد مع اقتباس
قديم 24-09-2012, 10:51 PM   المشاركة رقم: 28
المعلومات
الكاتب:
MAY
اللقب:
آلمشرفـہ آلعآمـہ
الصورة الرمزية
 
الصورة الرمزية MAY

البيانات
التسجيل: Jul 2009
العضوية: 8426
الدولة: ҜṧĄ
المشاركات: 19,667
بمعدل : 10.79 يوميا
معدل التقييم: 116
نقاط التقييم: 42658
MAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond repute

اوسمتي


المزاج
ط


التوقيت

الإتصالات
الحالة:
MAY غير متواجد حالياً
وسائل الإتصال:

كاتب الموضوع : MAY المنتدى : الروايات الطويله
افتراضي رد: رواية أما غرام يشرح الصدر طاريه وإلا صدود وعمرنا ماعشقنا , للكاتبه / صدود






-




البارت السادس والعشرون :



أوَ تدرين لماذا


كلما قربنا الشوق نما ما بيننا


ظل جدار؟


ولماذا


كلما طار بنا الحلم أعادتنا


إلى الأرض أعاصير الغبار؟


ولماذا


كلما حركنا الشعر غزانا النثر


فالألفاظ فحم دون نار؟


أوَ تدرين؟


لأن القلب ما عاد كما كان


بريئا


طيبا كالنبع.. كالفكرة.. في الليل


جريئا


عاد يشكو تعب الرحلة ما بين


الموانئ السود في هوج البحار


المرحوم غازي القصيبي...



هي فرحة العيــــــــــد رغم الحزن الخفي..
رغم شعور الفقدان المريــــر..
لازال يحق لهم الشعور بسعادة العيــد..
ولو كانت تلك السعادة مجرد وهم..
فليتم أخفاء الحنيــــن والشوق..
لمن يسكنون تحت التراب..
ومواساة من هم يناجون أؤلائك الراحلون..
لا بأس في الضحك وقلبك يبكي..
فلأجل أحبتك ستضحي..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ماسك برواز الصورة مستغرب من نفسه..
كل مرة أشوفها تشبهني..
بس اليوم ليش متغيرة..نفس الصورة ونفس الوجه..
لكن فيه شيء متغير..
ترك البرواز وتوجه للمراية وظل يناظر بملامحه..
أختلف عنك كثيــــر ما أشوفك الا بعيوني..
مد يده على أغراضها الخاصة فيها على التسريحة..
مسك عطرها بخ منه وشم الريحة بعمق..
من يتعطر بعطرك..ويمشط شعره بمشطك..
ملابسك من تناسب من بعدك..
أقلامك أوراقك..
رسوماتك بدون ألوان تركتيها..
خواطرك مالها نهاية..
ذكرياتي معك للماضي نسبتيها..

جلس على سريرها وحضن وسادتها..
قالوا عيد ياهديل..
ثاني عيد أقضيه من دونك..
كنت بمنفى وهارب..
رجعت وأنتي في منفى كئيب..
تصدقين ياروحي..
أحس بالنقص والحرمان..
شيء غريب يحز بنفسي ..
لحظات تخنقني العبرة ولا أدري ليـــش..
ما أفكر الا فيك..؟؟

خرج من الغرفة قفلها وأخذ المفتاح معه..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛


كل العائلة كانت مجتمعة في الصالة..
بعد رجوع الرجال من المسجد لصلاة العيد..

الجدة\عيدك مبارك يا أبوي..عيدكم مبارك ياعيال..
أبو علي\الله يبارك لنا ولكم..عيدكم مبارك..
أم علي بصوت مبحوح\عساكم من عواده ان شاء الله..
غادة بخفوت\عيدكم مبارك..
الكل رد عليها..وعلقوا على قرب موعد زواجها من راكان..
نزلت راسها بزعل من الموضوع ولا تكلمت..
الجدة\الله يصبرنا على فراق رمضان ويبارك لنا في العيد..
محمد\ياحبني للعيد يجي وأنا نحيـــف..
علي\يا الكذوووب شف كرشك..
أم علي\لاتنظل أخوك قول ماشاء الله..
محمد\أفا يومه تشوفين معي كرش؟؟
غادة\استمر على جدولك ولا راح تسمن بزيادة..
أبوعلي\بنطلع مع عمك الليلة للاستراحة..
أم علي\مافيه وقت ياحسين..بعد ثلاث أيام زواج بنتك..
ابوعلي\مافيه مشكلة نتعشاء هناك وبعدها نرجع..
غادة\بس أنا مابأروح معكم..
أم علي\وأنا بأظل معك..
الجدة\لا يأم علي أنتي روحي وأنا بأجلس معها..مالي نفس في الطلعة..
أم علي\وأنا والله مالي خاطر اطلع..
غادة تهمس لامها وجدتها\بزر انا تجلسون معي..أنا عروس عيب أطلع أستحي..
أنتوا روحوا ولاتطولون علي..
الجدة\يا الغبراء قالت تستحي..
غادة\مايعجبك كلامي عسولة هادي..؟؟
الجدة\الا وينه هادي ما اشوفه؟؟
محمد\طلع غرفته بيجي ألحين..
هادي\يابعد هادي وهذاني جيت..
جلس جنب جدته وهو يسلم عليها ويعايدها مرة ثانية..
رفع رأسه وشاف نظراتهم كلهم عليه..
أبتسم رغم الأسى الشوق اللي في قلبه..
عذبوني مثل ماعذبتوها في غيابي..
شوفوها فيني كما شفتوني فيها..
أطعنوني بنظرات الحسرة عليها مثل ماطعنتوها بحسرتي..

عبدالله دخل يركض ورمى ثوبه على غادة وينط عند أبوعلي..
عبدالله\يوبه ترضى يقولون عني ولد البخيل؟؟
أبو علي\يعقبون من اللي يقوله؟؟
عبدالله\عيال الجيران يقولون اني ولد ولدك البخيل..
علي\منهو أبوك يالثور؟؟
عبدالله\أنت..ماهو أنت أبوي؟؟
محمد\بلى أعتقد انه أبوك..
هادي\أنت دائما تسال هذا السؤال لأبوك خبل..
الجدة\عبدالله توني عطيتك العيدية..
عبدالله\ياجدة أبوي..أبوي مايعطيني..
علي\توني معطيك من يومين لاتكذب..
عبدالله\كلها خمسين ريال لا تمن علي فيهم..
أيام عيد لازم ألعاب نارية وطراطيع..
علي\شوفوا المقرووود ماهي عاجبتك الخمسين..؟؟
عبدالله\تدري أنا بأخذ من الجد عبدالعزيز مابيقصر بيعطيني اللي فيها صورته..
الكل ضحك على عبدالله ومغايضة لابوه..
علي\ههههههههههه يعني انا طلعت الملك عبدالله وأبوي الملك عبدالعزيز..
عبدالله يناظر جده باستعطاف\لا أنا عبدالله لبى عبدالعزيز..بس وش فيه مايطلع بوكه؟؟
أبوعلي\ههههههههههههههه بيطلع البوك لكن ما أضمنك يالسروووق..
محمد\عبيد اذا طلع البوك خذه وانحاش..
عبدالله\لاتوصي جاهز ل الشردة..
ابوعلي\هههههههههههههههههه تبي تسرقني ياورع؟؟
عبدالله\من اللي قال هذا الكلام؟؟
حنان بوصت هادي\عمي لاتعطيه تراهـ يلعب عليك معه فلوس..
عبدالله\بالله يوبه شفت أم ماتحب لعيالها الخير هذي أمي..
أبوعلي يمزع أذون عبدالله\عيب تقول عن أمك ها الكلام..
عبدالله\آي آي جدي لاتضربني قدام الحريم تطيح شخصيتي..خصوصاً قدام غادة الوغدة..
محمد\اكسرني ياشخصيتي هههههههههههههههههه
غادة معصبة\يامال البط ياعبيد كم مرة قلتلك لاتقول وغدة..
عبدالله\قلتيلي كثير بس أنا ما اسمع الكلام..
محمد\غادة هذا أبو شخصية وخري عنه..
عبدالله بخبث\عمي الدوب ماتبى طراطيع..؟؟
محمد\والله ياعبيد اتوطى في بطنك لاتعيد حركاتك الغبية..
علي\هههههههههههه قرناس ولد صقر طالع لأبوهـ..
محمد\هههههههههههههه اسكت أنت والله لو ما طلبتني أم عبدالله أسامحه..
والا كان مدري وش سويت فيه من الغيض..
غادة\ههههههههههه تقصد لما أشعلها عند راسك وأنت نايم..
هادي\هههههههههههه الى الحين تذكر؟؟
محمد\كنت بأموت من الرعب..حسبت الحرب قامت ولا شيء..
ماطرى لي طراطيع المهبوول هذا..
عبدالله\مشكلتك يالدوب أنك ناعم يعننك حساس..
محمد\أنت كفو كلامك تعال هنا..
عبدالله يتمسك بجده\اللي يبيني يجيني..
قام محمد من مكانه بسرعة..وعبدالله نط ورى جده وهو يصارخ..
عبدالله\يوبه بياكلني الدوب يحسبني خروف العشاء هههههههههههه..
محمد\نعنبوا غيرك يالورع ماتتوب..ابعد يوبه خلني أمطه شوي ذا القزم..
ابوعلي يضحك عليهم ويحاول يفك بينهم..
عبدالله\عادي قزم وضعيف..ماني دوووب وقزم هههههههههههههههه
مع كل تعليق كان يقوله عبدالله كانوا يضحكون على محمد..
محمد\ضحكتهم علي يالنتفة..طيب ما اكون محمد..
ان ماجيت تترجاني عشان الطراطيع اللي اشتريتها لك امس..
عبدالله يكلم جده\لو سمحت يا عبدالعزيز أبي أتمصلح عند الأمير سلطان..
سلطان وقف لبى السلاطين..
محمد يشوته\ولاتقرب مني ياورع..
علي\هههههههههههههههه الله يصلحك وأنا ماني من الملوك..؟؟
عبدالله\أبوك ماسماك باسم الملك أنا وش دخلني..
علي\يعني محمد باسم سلطان؟؟
عبدالله\يوبه انت وش عرفك بالتاريخ محمد يعني سلطان..
غادة\ههههههههههههههههه والله الصبي خارب وهو صغير وش يسوي لما يكبر..؟؟
عبدالله\مايفهمني الا غادة الوغدة..
غادة\انقلع يا ولد امك..
كلهم ضحكوا عليها..
تبسمت نبع الحنــــــــــان ومسحت دمعة مريرة..وهذي كانت أم علي,,


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اتحرى العيد اكثر من طفل
واتعذر فيك لأجل اسأل عليك

واسرق اللحظات منك بالعجل
فيها اباركلك وابارك عمري فيك

ينتهي عيدي وتوه ماكتمل
يوم ماتسحب من ايديني يديك

لوهزمت الخوف يهزمني الخجل
ماقدر اهمس انتظر لحظة ابيك

لين ضاعت فرصتي دمعي انهمل
كيف تخذلني وانا اللي محتريك

كنت ابي قربك لكن ماحصل
وانتظر لعيدي الثاني واجيك


نزلت المفرش من على عيونها المورمة من البكاء..
من بعد الليلة الماضية وهي مقررة تقضي يوم العيد..
تحت الفراش وفي الظلام..
بمعنى أدق تقضيه نائمة رافضة أن تعيش هذا اليوم لوحدها..
حتى لما صلت صلاة العيد لوحدها بكــــــت بشوق ل الصلاة مع أهلها..
تكلمت بصوت خافت وباكي مع العيـــد وكأنه يسمعها..
وش حاجتي فيك ياعيد..الخلق يفرحون فيك..
ماينقهرون وينظامون..حتى بالحلم محرومة منهم..
صعب علي ألقاهم حتى في الحلم..
غزى أحلامي ونومي..ماعاد يفارقني لابصحوتي ولا غفوتي..
أماضرب أو صراخ أو أنه<لمت يدينها حواليها>أو أنه يــ لمسني و و......
غمضت عيونها بسرعة تطرد اللي مر في بالها من ذكرى لأحلامها..

أنتبهت على نور بسيط يدخل من بين الستائر رفعت المفرش عنها..
ونزلت من سريرها توجهت ل الستارة وشدتها أكثر عشان مايدخل النور..
وهي راجعة تعثرت بشيء أستغربت وجوده..
شغلت الابجورة وقربت من الصندوق الموجود بغرفتها..
أول مرة تشوفه تسألت كيف جاء لغرفتها..
ولمن هذا الصندوق..قربت منه جلست على ركبها..
رفعت شعرها من على وجها وفتحت الصندوق..
مدت يدها وطلعت الورقة الموجودة بمقدمة الصندوق..
مكتوب <من صوفي >
ظلت تناظر بالورقة لعدة دقائق وكانها غير مستوعبة..
أو غير مصدقة ان صوفي تذكرها بعد كل هالوقت..
ابتسمت بانكسار..وطلعت اللي بالصندوق..
أول شيء كان قدامها هو بنطلون جينز مطرز على الفخذ طرز خفيف..
بدي باكسسوارات حول الرقبة يميل للون السكري الراهي..
جاكيت لحد الخصر شتوي لونه أبيض وعلى حدود رقبته والصدر فروو ناعم وهادي..
فستان ذهبي قصير بمنتهى الروعة بدون أكمام ومن تحت الصدر يوجد كرستالة صغيرة..
حطته عليها وناظرت بالمراية قصير فوق الركبة ضيق من الخصر ..
قلبته بيدينها<<الله يصلحك ياصوفي قلتلك قصير مايناسبني..
طلعت باقي الأغراض وأستغربت لما خرجت حجابين من الصندوق..
واحد باللون البني..والثاني باللون الوردي..
كيف اعترفت صوفي بالحجاب وأرسلت لي حجابات..يمكن ربي هداها وأسلمت..
كان فيه ثلاثة عطورات عرفت مس ديور وجيفنشي لكن الثالث أول مرة تشوفه..
بس ريحته كانت بمنتهى الروعة..
في آخر الصندوق كان فيه الغرض الأخير بس ملفوف بغلاف لوحده..
فكت الغلاف وطلعت اللي فيه..
شهقت بصدمة لما شافت قميـــــــــــــص النوم الأبيض..
ناظرت حواليها بخجل تخاف لايكون فيه احد يشوفها..
كورته بين يديها ورمته في الصندوق وهي ترجف..
لمت الأغراض كلها ورجعتها في الصندوق وقفلته..
حسبي الله عليك يالمنمشة قليلة أدب ماتستحين..
وش ابي في قميض فاصخ..محسبتني متزوجة مثلك يالهبلاء..
لو خليتيها بجايم كان أحسن..
أبتسمت وهي تتخيل شكل صوفي لماتشوفها ترمي القميص باهمال..
رفعت راسها فوق وهمست..
هديل بهمس\أحمدك وأشكرك يارب جبرت بخاطري تذكرتني صوفي..
سبحانك على الصدفة توصلني هداياها يوم العيد..
يارب تهديها وتهدي ماكس ومن مثلهم الى الطريق المستقيم..
سمعت أصوات خارج الملحق..توجهت ل الطاقة..
فتحت الستارة شوي وناظرت من خلف الزجاج العاكس..
كانت شوق ورشا بالحديقة عند باب القصر واقفين عند سيارة كبيرة ذهبية اللون..
وشوي الا خرج غازي مع أمه شايل غازي الصغير..
ركبوا السيارة وغازي عطى الولد لأمه وتوجه لمكان السائق..
وقف شوي وبعدين ألتفت على الملحق وهو لابس نظارته الشمسية..
نزلها من على عيونه وركز نظره عليها..
هديل فزت بمكانها بخوف وقفلت الستارة بسرعة..
مع أنها تدري أنه مستحيل يشوفها من خلال الزجاج..لكن ماتستبعد عنه شيء..
ركضت على فراشها نطت عليه بعجل..
طفت النور وتغطت بالمفرش وأجبرت نفسها على النوم..
مع أن خيالها كان يشتغل..
ويتخيل وناستهم وخروجهم من المزرعة عشان ينبسطون..
الا أن عيونها كانت محرووقة من الدموع وتعبااانة..
وآخر مامر في بالها قبل النوم..
أهلها وهم في الاستراحة الخاصة بعمها..
مثل كل عيد يجتمعون هناك ويقضون يومين في الاستراحة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

ردت الجدة على تلفون البيت وكانت سارة تطلب غادة..
الجدة\غادة تعالي يومه كلمي..
غادة تجلس جنبها\من يبيني؟؟
الجدة\سوير أم القروود..
غادة تكلم\هلا..
سارة\ولا مرحبا..ليش ماجيتي ولا يعنني عروس وأستحي..
غادة\ياعيد عييييد على العرب..
سارة\هههههههههههه عيدك مبارك قلبي..
غادة\من العايدين..كييفك؟؟
سارة\الحمدلله بخير..بس كنت أتمنى أشوفك..
غادة\ما ابى اشوف أحد..
سارة\غدوو أمانة عليك أعتبريني أختك مو أخت راكان..
راكان مضايقك أو مزعلك؟؟
غادة\ومن يكون راكان هذا عشان يضايقني؟؟
سارة\أحلفلك بالله أنه مو صاحي خصوصاً كلامه لك في المول..
غادة\مايهمني لاهو ولا كلامه..بس ياليت يتلاحق على الموضوع وينهيه..
سارة ببطء\مافهمت..
غادة\الموضوع الفاشل اللي باقي عليه ثلاث أيام ينهيه بكرامته..
أو أنهيه أنا غصب عليه..
سارة مرعوبة\غادة صلي على النبي وش هالكلام؟؟
غادة\شوفي ياسارة أنا مو كارهة نفسي أعيش مع أنسان متخلف مثل أخوك..
أشوف الشك بعيووونه..ولا يحسبني غافلة عن تصرفاته ومراقبته لي..
أبوي ماهو عاجزن عني..وأخوك ماله فضلن علي..
سارة\يابنت اذكري الله..هذا الكلام ماينفع ألحين زواجك بعد يومين..
غادة\بعدنا على البر ومايربطني فيه شيء الى الآن الا انه ولد عمي..
سارة\اسمعي وأنا راجعة راح أنزل في بيتكم وانام عندك ونتفاهم..
غادة\نتفاهم؟؟مافيه شيء نتفاهم عليه..
قولي لاخوك اللي قلته لك..ما أبيـــــــــــــــــه..
قفلت غادة الخط وأنتبهت على نظرات الجدة لها..
الجدة\أنتي صادقة ياغادة في أنك ماتبين راكان؟؟
غادة\ايه يومه ما ابيه ومايبيني..
الجدة\وش اللي بينكم؟؟
غادة\من جهتي أنا مافيه شيء..كل شيء منه..
الجدة\وأنتي وين شفتيه..؟؟؟
غادة\في المول وهو قال مايبيني..
غادة حكت للجدة كل اللي يسويه راكان وهي تبكي..
واستثنت ذكر هديل في الموضوع..
اذا ما أحترم ذكرى أختي أنا أحترمها ..
الجدة\لايكون فاهمته غلط يا بنت؟؟الولد شاريك..
غادة تمسح دموعها\والله ماحرفت في كلمة هو قالها..
يومه تكفين خلصيني من ها الزواج الفاشل..
ما ابيـــه وما يبيني ليش نتعذب سوا..
الجدة\بس المصيبة أنه يبيك ومن زمان وهو يردد هالكلام..
غادة\لاتلعبووون علي وترموني له..
الجدة\يابنتي...........
قطع عليهم صوت جرس الباب..
الجدة تنهدت\يمكن أحد من الجيران يبي يعيد علي شوفي من يومه..
غسلت غادة وجها و رتبت لبسها..ولفت عليها جلال الصلاة..
برمودا أسود وعليه بلوزة حمراء مشكوكة على الصدر وبدون أكمام..
<<هاللبس ماتلبسه قدام أبوها وأخوانها بس قدام جدتها أو أمها..
وقفت عند الباب\ميين..؟؟
مالك\السلام عليكم..أبوعبدالله موجود؟؟
غادة\لا..ماهو موجود..
مالك\الوالد أو الشباب؟؟
غادة بعصبية\مــــافيه أحد..
مالك\طيب لوسمحتي خلي الخادمة تطلع وتأخذ هذا الكرتون..
خاص بأبوعبدالله..أنا مسافر ألحين وماظنتي أقدر ألقاهـ..
غادة أرتبكت ماتدري كيف تتصرف..مافيه الا جدتي تطلع وتاخذ الاغراض اللي معه..
مالك\يا هل البيت..
غادة\الحين أنادي أمي..انتظر الله لا يهينك..
خرجت وهي تسند الجدة لحتى وصلتها عند الباب وقفت وراه وفتحت لجدتها..
الجدة\نعم يا أمك وش تبي؟؟
مالك\مساك بالخير يومه..من العايدين..
الجدة\مساك بالنور عساك من السالمين..
مالك\يومه هذي أغراض تخص علي منبهني عليها..
وماعندي وقت أرجع مرة ثانية..وصلوها له..
الجدة\ان شاء الله توصله..
راكان بعصبية\أنت وش تسوي هنا؟؟
مالك\ومن تكون أنت؟؟
راكان\صاحب البيت..
مالك بسخرية لأنه يعرف هل البيت كلهم\وياصاحب البيت..محدن يهاوش ضيوفه..
راكان\الضيف اللي مثلك ينصك الباب في وجهه..
مالك\قفلي الباب عليكم يومه..فمان الله وراي سفر..
راكان\ماجاوبتني وش اللي تسويه هنا؟؟
مالك\شيء خاص ومايعنيك..
راكان بغضب\شيء خاص وفي بيت عمي؟؟
مالك\ايـــه خـــــاص..
راكان\بس البيت مافيه رجال ألحين وأنا شايفك من ساعة طاق حنك..
مالك بخبث\مادمت من هل البيت وشايفني أتكلم مع هلك ساعة..
ورى ماجيت تكلم الرجاجيل..ليش متخبي وتراقب؟؟
راكان\أشوف تاليتها معك..
غادة\يومه نادي راكان يخلي الرجال بحاله..ليش يهاوشه..؟؟
الجدة\ماهو بصاحي قليل السنع..
مالك\تيـــسر يا ابن الحلال ماني فاضي لهبالك..
مشى مالك باتجاه سيارته لكن راكان مسكه من كتفه وضربه على بطنه بكس..
مالك كانت ردت فعله عنيفة..مسك راكان شاله ورماه على الأرض..
وضربه كم ضربه على وجهه..
الجدة فتحت الباب ونادت على راكان اللي كان يتضارب مع مالك بعنف..
الجدة\راكان يا المجنون اترك الرجال اتركه..لاتفضحنا في الناس..
وش يقولون عنا يا الخبل..
لم يرد عليها الا بلكمة وجها لوجه مالك..وهو يصرخ بجدته..
راكان\هذي ماهي أول مرة أشوفه..هذا الكلب يطارد زوجتي..
شفته في المول لكن مايردني منه شيء..
مالك بعد كلام راكان وجنونه..وقف ضرب راكان على بطنه ثم كتف يدينه من وراه ..
نزله على الأرض بعد ماضرب ركبته من ورى..وجلسه على ركبه..
مالك\لو ماني حاشمن صاحب البيت وهله وما ابي الناس يحكون عليهم..
ولا كان الحين ذبحتك على قل عقلك وقصيت لسانك..
الجدة\خله يا أمك تراه ماهو بصاحي ..
مالك رمى راكان على الارض..وتوجه لسيارته وهو يرفع شماغه وعقاله عن الأرض..
مالك\خسارة فيك بنت الشيوخ..عز الله أنك ماتسوى ظفرها..
ركب سيارته ومشى بسرعة طالع من الحي..
الجدة\يا الله عساك ماتشفى من ضربه لك يا الخسيس النذل..
راكان وقف بصعوبة\وش كان يبي هالكلب؟؟
الجدة\نعنبوا اسكت اسكت لاتفضحنا..الناس بيتكلمون على بنت عمك..
راكان يدف الباب ويدخل..انصدم من وجود غادة ورى الباب..
راكان\وهذي وش تسوي هنا؟؟موهي كانت تكلمه؟؟
الجدة\والله يارويكن ان ماطلعت من ذا الباب ألحين لأكون شاربتن دمك..
راكان\هذي الكلبة ماتعبر ان وراها رجال..زواجها بعد يومين وهذي سواياها..؟؟
الجدة\والله ما أكون بنت عبدالله أن عرفتها أو صارت حليلةً لك..
عهدن علي يارويكن ماتتزوجها لو أشوف الشيب غازين وجهك..
الخلا يا النذل..مالك في ذا البيت مره ولا لك جده..
راكان\مابيستر عليكم غيري..لاتحسبينها شريفة هذي....
ماكمل كلامه بسبب الكف اللي صفق خده بقوووة..
غادة بحدة\يـــاحفي الرجلين ثمن كلامك..
ثوبي أبيض مايلمسه كلب مثلك..
أشرف منك وأطهر من الشنب اللي على وجهك..
الجدة تسحب راكان اللي كان في حالة ذهول ..
كف صحاه من كل اللي في باله..
كف من يدها الطاهرة علمه حجمه وقلة عقله..
الجدة دفته تخرجه برا وتقفل الباب عليه..
الجدة تضمها\ماعليك منه الولد أستخف مثل ماقلتي..
ولا يهمك يا غادة والله مايعرفك زوجة له..
ولو يحبي لك حبي..
غادة تبكي\فكيني منه يومــــه تكفين..
الجدة\دواهـ عندي..خلي أبوك واخوانك يجون وأوريك فيهم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

غربت شمس العيد وأخيراً قررت تطلع من الملحق..
جلست على المرجيحة الطويلة وهي تناظر خيوط الشمس الأخيرة..
ودعتها وكأنها تودع الأمل في الرحيل مثلها..
طول اليوم وهي تتأمل ان غازي ممكن يسمح لها تكلم أهلها..
لكن كان كما عرفته دوماً قاسي لا يلين..
ترك المزرعة مع أهله وتركني لوحدي..
الله يحرمك من أغلى الناس على قلبك وتذوق قهري..
مسحت دموعها بكم بلوزتها وتنهدت بتعب..
كانت سرحانة بأهلها وتفكر وش اللي ممكن هم يسوونه ألحين..
أكيد امي متوقعة أني راح أكلمهم اليوم..
لأنه مستحيل الدراسة تمنعني من مكالمتهم..
ولا اخواني اكيد زعلانين علي..
غـــادة يابعد روحي وحشتيني..
آآآه يا ابوعلي ويــــنك تأخرت علي..

فزت بخوف وهي تشهق لما حست بذراع تلتف على كتفها..
وثقل يجلس بجنبها لاصق فيها..
عرفته من دون ماتناظر فيه..يمكن من صوت انفاسه..
أو من ريحة عطره اللي حافظتها أكثر من ملامحها..
حاولت توقف لكن هو وثقها وشد على ذراعه اللي على كتفها..
كانت تدري مهما قاومته ماراح يتركها الا بارادته..
ظلت ساكنة على حالها لا ناظرت فيه ولا تكلمت..
غازي بهمس\ليـــش ماعشتي العيد معـي؟؟
هديل\..............
غازي\ع الأقل الصلاة لو صليتيها مع الأهل وبعدها سويتي اللي يرضيك..
هديل\................
غازي\قلت لك كل ماتقبلتي حياتك هنا..
راح ترتاحي ويتغير كل شيء..بس أنتي عيشي معي..
مو راضية تتركي العناد وتنسي الماضي..
لفت وجها بعيد عنه دليل على رفضها لكلامه..
غازي\وش اللي ربحيته غير التعب..الحزن والضيق..
مـــاربحتي شيء..
غازي تنهد\ناظريني..
رفضت طلبه وماناظرت فيه..
مسك وجها بيده ولفها عليه..
غمضت عيونها بسرعة ماتبي تشوفه..
غازي\ليـــــش..؟؟
هديل بهمس\ما ابى أشوفك..
غازي\ليــــش..؟؟
هديل بعبرة\ما أبيه يكون لي ذكرى معك بيوم العيد..
لاني لما ارجع لهلي ما ابي اذكرك حتى بيوم العيد..
غازي يقرب منها وهي تشد على عيونها..
غازي\بس انتي معي هذا العيد وكل عيد راح تظلين معي..
هديل بدمعة خاينة\لا ماراح اذكرك بيوم العيد..
شيء غريب حست فيه يصير معها..
والأغرب ملمس دافىء على فمها..
فتحت عيونها بفزع وماكانت الا شفايفه تقبل شفايفها..
قبـــلة طويلة متملكة..
وقاسيــــة بسبب مقاومتها له..
كلما حاولت الافلات شدها له أكثر..
سحب حجابها بيده ونزله عنها..
همس في أذنها بكلماته الناعمة..
غازي وفمه على أذنها\وألحين بتنسيني يوم العيد..
أنـــــا مستحيل أنسى..
باسها على أذنها وهو يشم ريحتها..
ماكان ردها عليه الا شهقة وبعدها بكــــت وهي ترجف من الخوف..
وجها كان على كتفه ويدينها لامتها بقوووة على صدره بعد ما كانت تضربه وهو يقبلها..
ضمها له أكثــــر حتى حست أنها ممكن تدخل جواته..
كانت تتكلم بتلعثم وأكثر كلماتها مو مفهومة..
لكن اللي هو متاكد منه أنها كانت تسبه وتتوعد فيه..
ابتسم لما سمعها تقول\بأسوي فيــ يك مم مثـ ل م اتسوي ففينــ ي..
غازي بضحكة\حـــــــــــلالك..ياليـــت تقدري..
كانت تمسح شفايفها على قميصه لأنه آسر يدينها على صدره..
حط يده على راسها وثبته على صدره ومنعها من اللي هي تسويه..
غازي بهمس\هششش بـــس بتجرحي فمك كذا..
بعد فترة..لما حس فيها هدت وخفت شهقاتها..
أرخى يدينه من عليها وباسها على شعرها المنثور حواليها..
بعدته عنها ووقفت بسرعة كانت بتطيح بس هو مسكها..
ضربت يدينه وصرخت فيه برعب..
هديل\لا تلمسنـــــــــي ...
مارد عليها لأنه كان يتأملها بنظرات غريبة..
شعرها باللون الفاتح والرائع..
وجهها الأحمر..من الدموع..من الغيض..
والأكيد من اللي سواه فيها..
فمها المجروح واللي صار مايل لـ اللون الأحمر القاني..
تراجعت خطوتين على ورى وعيونها عليه بخوف..
قفت عنه ورجعت للملحق وهي تبكي وتترنح في مشيتها..

أجدني بك غآرقه حد الهذيآن

أنفيك من أوردتي وأجدك تمسك بقلبي

تكتبني بـ سطر حيآتك حرف وأكتبك بـ حيآتي

دوآوين قصآئدها ذاك الغيآب وإنتظآر مله الرصيف

والمآرين به ..!

أهذي بك وأصآب بحمآك أبكيك وأشكوك لـ سآعآت الأنتظآر

ودقآئق الغيآب وأجدني عند مرور طيفك بـ أحلآمي فرِحه

كـ طفل قدمو له حلوى العيد.!


’’’قديسة الضوء ’’’


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛

علي بعصبية\يومه انتي وش تقولين؟؟
الجدة بغضب\انت ولا كلمة..الحكي بيني وبين ولدي..
أبوعلي\يومه الله يهداك لا تلومنيه كلامك مايقبله العقل..
كيف نلغي زواج البنت من ولد عمها وهو ماباقي عليه الا يومين..؟؟
الجدة\مالهم نصيب مع بعض..البنت ماتبيه وماظنتي انك بتجبرها..
علي\بس غادة موافقة..
الجدة\لا ماهي موافقة غاد انجبرت عليه..
أبوعلي\يشهد الله أني ماأجبرتها..ولا لي نية أغصبها على شيء ماتبيه..
محمد\صلوا على النبي وخلونا نفهم وش السالفة..
يومه انتي كنتي موافقة على الزواج وش اللي غير رأيك؟؟
الجدة\البنت حالتها ماتسر احد..كلكم شايفينها ومتغاضين عن حالها..
علي\شيء طبيعي كل بنت يقرب زواجها يصيبها الخوف والبكاء..
الجدة\لا تناقشوني رويكن ماهو بماخذ غادة وأنتهينا..
هادي\مادمتي قلتي رويكن فهو مسوي بلى..
علي بجدة\وشهو مسوي علميني يومه؟؟
الجدة تمسح دمعتها\سوى اللي سواه..المهم أني ماعدت له ام ولا جدة..
وغادة حرام عليه ليوم الدين..
الكل أصابهم الذهول من بعد كلام الجدة الأخير..
عم الصمت العقول تفكـــر وتحاول تستنتج وش اللي راكان ممكن يكون مسويه..

أبوعلي\دامك حلفتي فوالله مايعرفها..
يومه وعزة الله الا معلمتني بسواته..
الجدة\غادة ولا واحد منكم يكلمها ولا يوجعها بالحكي..
علي بهدوء\غادة اختنا وأعز ماعلينا مصلحتها..
الجدة بحسرة\والله أن تركها لراكان هو مصلحتها..
هادي\الله يستر عليه..يدور حرمته في بيت ثاني..
محمد\وشهو مسوي يومه؟؟
الجدة\اوجعني بكلامه لي..قطع قلبي بحكيه..
علي بحميه\أفا يالعلم أوجعك يا الغالية..
والله مايمسي الا بفك قهرك يومه..ليه هو ناسي أنك امه الخايس..؟؟
طلع علي من البيت وأبوه يصارخ على اخوانه يمسكونه حتى يفهمون السالفة..
بس محمد وهادي كان ردهم انهم بيفزعون مع اخوهم وبيلعنون خير راكان..
خرجوا كلهم من البيت بسياراتهم وراحوا يدورون عليه..
كل واحد بطريق..سيارته ماكانت موجودة عند البيت..
الاستراحة ماكان فيها..ديوانية أصحابه بعد ماهو فيها...
طال فيهم الوقت وماكان له أثر..حتى جواله كان مغلق..
علي رجع البيت وتوجه لغرفة جدته وسمعها وهي تحكي السالفة لـ أبوه..
دخل عليهم وعيونه مثل الشرار ماهو مصدق اللي يسمعه..
علي بغضب\هذا الكلام يقوله على أختي..ولا حشمنا قدام ولد الناس..
والله لـ أشرب....
الجدة\وعزة الله وجلاله عليك ياعلي لاتكمل..تكفى لاتفرقون عيالي..
وتسيحون الدم بعروقكم..يا أبوي لاتقطعون الرحم تكفى..
علي يمسك يدين جدته\وراكان خلى فيها دم ورحم..قطعها يومه قطعها..
الجدة تبكي\حلفتك بالله ياعلي لا تحارب ولد عمك ولا يدري أحد بسواته..
علي\والرجال اللي تضارب معه وسب أختي عنده..
الجدة\هذا خويك وصاحبك مابيتكلم عليك..
علي بقهر\ومنهو الصاحب اللي بيستر على أختي من ولد عمها وخسته؟؟
الجدة\مـــالك ولد السالم خويك يا ابوي..
علي مصدوم\حسبي الله عليك ياراكان..فضحتني في أختي وخويي..
الله لا يوفقك..الحمدلله انه مالك ماهو بغيره.
أبوعلي\خله يا ابوك خله..والله مايربيه الا الزمن..
ماخسران غيره..ولا بنتنا ماهي بمعيوفة..
الجدة\أنا كلمت اخوك علي وقلتله ماعاد لولده حرمة عندك..
وان زعل ولا هاوش فلاعاد يعرفني ولا أعرفه..


تم نشر الخبر والقريب والبعيد ..عرفوا بكنسلت الزواج..
و من بعض الكلام اللي شاع..
ماترك بنت عمه قبل الزواج بيوم الا وهي مسويه مصيبة..
ماقدر ولد عمها يستر عليها..
سود الله وجها قالوا ماسكها مع واحد في المول..
غادة بنت علي ولد عمها رفضها قال ماتناسبه وأخلاقها ضايعة..

<<كثر مايقال عن غادة...
لأنها لم تكن الا ضحية من ضحايا مقـــــولة مشهورة جداً..
يرددها ذاك المجرم من خلف مكتبه وبابتسامة تافهــــة وحقيرة..

[ عذراً كان خطاء طبي ]




؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛


هذا اليوم الثالث لها ماطلعت من الملحق ولا اعترفت بالحياة..
يومها يروح في صلاة قراءة قرآن..تفكيــــر..أوهام..خيالات..نوم..فكوابيس..

كانت لابسة البدلة اللي أرسلتها صوفي وجنبها شنطة صغيرة فيها بعض ملابسها القليلة..
جاهزة كما طُلب منها وهذه المرة لم تسمح لنفسها ولن تسمح لغيرها بنزع لثامها عن وجهها..
وصلت لها ماريا رسالة من السيد..
بأن تكون جاهزة ل السفر معه ومع العائلة الى العاصمة..ولكن أي عاصمة؟؟..فهي لاتعرف..
ماكانت تدري بأي شيء..لا وين المكان ولا كيف راح تسافر..
جاهزة فقط وصـــــــــــــــامتة..
كانت جالسة في كرسي بعيد عن غازي وأهله..
تمنت لو تقدر تجلس عند المضيفة لكن كانت تدري بانه راح يرفض..
ثبتت لثمتها بارتباك ..كانت مطمنة انه مايقدر يشوفها لأن كرسيها خلف كرسيه..
كانت الاهتزازات كثيرة في الهواء..
وصوت شوق يعلى على كل اهتزاز..
ناظرت باتجاه ام غازي..
اللي أول ماشافتها معهم بالسيارة مدت يدها لهديل مصافحة..
أم غازي\عيدك مبارك..
هديل بهمس\الله يبارك فيك..عيدك مبارك
أستغربت شدها على يدها ونظراتها وكأنها تسترحم على حالها..

ناظرت من الطاقة وهي تتذكر أول مرة كانت فيها على هذي الطيارة..
كانت مرعوبة منهارة..
محتاجة الأمان ..الخوف كان مسيطر عليها وتالف أعصابها..

أعلن الكابتن عن الوصول ونبه بربط الأحزمة..
نزلوا من الطيارة..حاولت تكون آخر وحدة والأبعد عن غازي..
مافاتتها ألتفاتاته وبحثه عنها..أو بالاصح مراقبته لها..
طلعوا من المطار الرئيسي وركبوا السيارة الفخمة اللي كانت في انتظارهم..
لازالت متلثمة وهي الوحيدة من بينهم المختلف شكلها..
كلهم كانوا متحجبات لكن هي متحجبة ومتلثمة..

ما أعارت اللي يصير حولها أي اهتمام..
ما أثارها الكلام ولا المتحدثين..
كانت تراقب الشوارع وكانها تدور على أي شيء يدلها هي وين..

وقفت السيارة نزلوا المتواجدين معها..جت بتنزل لكن صوته منعها..
غازي\رسل لاتنزلين..
فتحت الباب ونزلت من السيارة بسرعة ولصقت في أمه..
أم غازي ناظرتها باستغراب بس ماقالت لها شيء..
شافته يقرب منها بعد مانزل وراها..
مسك يدها ورجعها السيارة وهو يأشر لرشا يدخلوا الفندق ويروحوا لجناحهم..
هديل سحبت يدها منه لكن ماقدرت تفكها..
ركبها السيارة وجلس جنبها..

ماكانت تدري هو وش يبي ووين راح يوديها..
الرجفة متملكة جسدها بالكامل..
يدها على لثمتها وخايفة من اللي راح يسويه..
أنتبهت على يده تأشر على الشارع من جهتها..
لفت راسها وشافت اللي يبيها تشوفه..

ماكان لها أي ردت فعل غير الصمت..
ومشاهدة المعالم اللي قدامها واللي تخبرها عن الدولة اللي هي فيها..
هديل بهمس\ رومـــــــا ..
















عرض البوم صور MAY   رد مع اقتباس
قديم 24-09-2012, 11:19 PM   المشاركة رقم: 29
المعلومات
الكاتب:
MAY
اللقب:
آلمشرفـہ آلعآمـہ
الصورة الرمزية
 
الصورة الرمزية MAY

البيانات
التسجيل: Jul 2009
العضوية: 8426
الدولة: ҜṧĄ
المشاركات: 19,667
بمعدل : 10.79 يوميا
معدل التقييم: 116
نقاط التقييم: 42658
MAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond repute

اوسمتي


المزاج
ط


التوقيت

الإتصالات
الحالة:
MAY غير متواجد حالياً
وسائل الإتصال:

كاتب الموضوع : MAY المنتدى : الروايات الطويله
افتراضي رد: رواية أما غرام يشرح الصدر طاريه وإلا صدود وعمرنا ماعشقنا , للكاتبه / صدود









-



البارت السابــــع والعشرون :


تقولين بدهشة : لقد حدث شيء غريب غريب..
تقولين : إن عيوننا تلتقي الآن فلا يبصر أحدنا في عين الآخر ملايين الأفلاك والمجرات والعوالم..
تقولين : إن أصابعنا تشتبك الآن دون أن ينفجر ذلك الحريق المدمر الجميل الأخضر..
تقولين : إننا نتحدث الآن فلا تورق الكلمات بالبرتقال والعنب والليمون..
تتساءلين : ماذا حدث؟
حدث أن ذلك الساحر الصغير الذي كان يسكن عيوننا وأصابعنا وكلماتنا امتطي بساطه الطائر ورحل..
فعادت العيون إلى طبيعتها : نوافذ نطل منها على العالم الخارجي ..
واستأنفت الأصابع وظيفتها اليومية : أدوات نستعين بها على اللمس والالتقاط..
ورجعت الكلمات إلى أبجديتها القديمة : عارية من الكروم والواحات..
ماذا سنصنع الآن ؟ تسألين بحرقة ..
لا شيء..
من العبث أن نحدق في عيون فارغة أو نتلامس بأصابع باردة ، أو نتحدث بلغة ميتة..
من العبث أن نطارد الساحر الصغير ونحن نجهل اسمه وعنوانه وخط سيره ومحطته القادمة..
فلنبتسم ، إذن ، ونحن نسترجع الأيام التي قضيناها في صحبة ساحرنا الصغير..
ولنبتسم ، مرة ثانية ، ونحن نتصور حبيبين آخرين ينعمان الآن برفقة ساحرنا الصغير..
ولنبتسم ، مرة ثالثة ، ونحن نحلم بليوم الذي نعود فيه ، دون موعد ، ساحرنا الصغير..


المرحوم غازي القصيبي ,,,




ماكانت تدري هو وش يبي ووين راح يوديها..
الرجفة متملكة جسدها بالكامل..
يدها على لثمتها وخايفة من اللي راح يسويه..
أنتبهت على يده تأشر على الشارع من جهتها..
لفت راسها وشافت اللي يبيها تشوفه..

ماكان لها أي ردت فعل غير الصمت..
ومشاهدة المعالم اللي قدامها واللي تخبرها عن الدولة اللي هي فيها..
هديل بهمس\ رومـــــــا ..
غازي\وأخيراً عرفتي أنتي ويــــن..
هديل\بعيــــدة مــرة..
غازي بتسئول\بعيدة؟؟
هديل بهدوء\بعيدة من بيتنا..عشان كذا أبوي تأخر ولا جاء..
غازي قرب منها\تعتقدين هذا هو السبب..؟؟
هديل\يمكن هو يدورني في السعودية..مايدري انك جبتني هنا..
بس هو بيلقاني..وبيرجعني له..
غازي لفها عليه وعيونه بعيونها المليانة دموع..
غازي\مايقدر يأخذك مني..يـــابنت انسي انسي..
هديل بغصة\انسى؟؟..كيف انسى قلي كيف..
اذا نسيت أيش أصير وأيش أكون..اذا نسيت هلي فمن أذكر ومن اللي راح يذكرني؟؟..
تطلبني انسى هلي بكل سهولة تردد كلامك..
أنا لولا الله ثم ذكراهم مدري وش كان راح يصير فيني..
لو اني ما اصبر نفسي بلقاهم وش اللي بيصبرني..
وبعدين انت بأي حق تبيني أنساهم..
غازي بقسوة\بحق انه مابقى لك أهل غيري..
هديل\تسمي نفسك هلي وامي..وتطلبني انسى الماضي..
انسى المحبة الأمان انسى الحنان والرضى...
وأعيش على قسوتك ضربك وجورك..
أعيش على حرب نفسية وجسدية معك أنت..ومع هلك..
آسفة اذا صدمتك بس مافيه شيء بدنياكم يغري للحياة معكم..
أنتوا ماتخافون الله واللي مايخاف الله ينخاف منه..
غازي\واذا أغريتك بحياتنا تنسين وترضي بوجودك هنا..؟؟
هديل\سنة من الجور عشتها معك..
ماعاد يمدي تغيرها في عشرين سنة قدام..
غازي بغضب\ماقدامك الا هذا الحل..الماضي نسوك انسيهم..
ولثمتك مالها داعي..
هديل حطت يدها على لثمتها..خايفة لاينزلها..
والخوف من تغييره للموضوع اللي يتكلموا فيه..
ومن نظراته وعصبيته..
صد عنها وقال لـ السائق يرجعهم الفندق..

أنا ماكذبت عليه مستحيل انسى هلي ومستحيل أرضى بحياتي معه..
يوهمني بتغيير الحال اذا نسيت..
بس هو ليش يكذب علي هلي مانسوني..ثقته تهزني بالحيل..
أبوي واخواني يدوروني ألحين..فديتهم مايدرون أنا وين..
بما أني عرفت لازم أتصل فيهم وأخبرهم..
لازم اهرب منه وأرجع لأمي..

غازي بحدة\أدري وش تفكرين فيه..صدقيني ماراح تقدري..
هديل بتحدي\أقـــــــدر...
غازي\تذكري أنتي جنيتي على نفسك باعترافك..
طنشته وماعاد ردت عليه..تدري ان تهديده وراه مصيبة..
من معرفتها له هو مايهدد من دون ماينفذ..
ركزت نظرها على الطريق متجاهلة الرجفة اللي استوطنت بعظامها..

وصلوا الفندق أخذ مفتاح من الريسبشن مسك يدها ومشاها معه..
تأففت دليل على ضيقها من قربه منها لكن هو زاد من شده على يدها..
دليل على استمتاعه بمضايقتها..
وقف عند باب الجناح فتح الباب وأشر لها تدخل..
دخلت بتردد وهي تناظر بعيونها بأرجاء المكان تبحث عن أمه أو أخواته..
ماكان لهم أثر..فسخت البالطو تبعها وبالها في اي غرفة راح تنام..
اضطرت تسأله وهو يفسخ جاكيته ويجلس على الكنبة..
هديل\أمك وين ؟؟
غازي\أمي والبنات بجناحهم..
هديل بصدمة\يعني مو هنا؟؟
غازي\لا هذا ...جناحنا الخاص أنا وأنتي..وهم لهم جناح خاص فيهم..
رمشت بعيونها الحيرانة..غير مستوعبة لكلامه وغير راضية بكل تأكيد..
لم تتكلم ولم تنظر اليه..صدت عنه وتوجهت لباب الجناح فتحت الباب لكن ماامداها تطلع..
الا وهو ساحبها ومرجعها قفل الباب وهي تضربه وتصرخ فيه..
هديل بصراخ\افتح هذا الباب يامتخلف يا حقير..
تعتقد اني ممكن ارضى اظل معك بها المكان..
غازي\هشش ولا كلمة ومابتنزلين الا هنا وفي هذا الجناح..
هديل\بأظل مع أمك ما ابى اظل معك..
غازي\امي واخواتي مايبونك تظلين معهم..
هديل بعصبية\مايهموني أظل معهم غصب عليهم..ابعد عني ماراح اظل معك..
غازي يقفل الباب ويشيل المفتاح من عليه..مدت يدينها محاولة اخذ المفتاح من يده..
لكن هو رفع يده فوق وشكله مبسوط على ضربها له ومهاوشته..
هديل بقهر\لا تحبسني هنا ما بأظل معك..
غازي\أنتي جنيتي على نفسك وهذي أولتها..
هديل\افتح الباب بأكون عند امك..
غازي\لأني ما أظمنك مستحيل أتركك تغيبي عن عيني..
هديل\ماراح أهرب الحين مئجلة الموضوع..
غازي\الحذر واجب..
هديل بغيض\افتــــــــــــح الباب..
غازي تركها وتوجه لغرفة النوم وبعد عشر دقايق لحقته مقهورة من تصرفه..
مستحيل اظل معه في مكان واحد..هذا استخف ما أأمن على نفسي معه..
ماله امان خصوصاً بعد يوم العيد قليل الأدب..
حتى لو اهانتني امه واخواته عادي اتحملهم..أهون هم ولا هو..
دخلت وراه كان جالس على السرير و يفسخ جزمته ناظر فيها ولاحظ عصبيتها..
قبل لا تتكلم أو تهاجمه أمرها بلطف..
غازي\ممكن كاس الماء لو سمحتي..؟؟
هديل عاندت وركزت عيونها بعيونه ماتاثر من نظراتها المحرقة له..
قررت تعطيه الماء وتتفاهم معه بالهداوة وتترك عنها الصراخ..
لأنها ادركت انه أكتشف مدى خوفها من البقاء معه من ردت فعلها المجنونة..
قربت منه وبيدها كاس الماء مدته عليه بس ما اخذه كان يفك الزر تبع أكمامه..
غازي بخبث\فكي أزارير قميصي..
العقلانية اللي سكنتها بلحظة ونصحتها بالهداوة والتفاهم طارت..
وحل محلها الغيض والقهر من دون تفكير باللي تسويه..
كبت كأس الماء على رأسه ورمت الكاس على السرير..
كانت بتهرب برا الغرفة لكن الباب بعيد منها ولازم تمر من قدامه..
تراجعت على ورى ودخلت الحمام وسكرت الباب..
أنفجعت لما دورت على مفتاح الحمام بس ماكان موجود مفتاح..
ماهي الا ثواني وكان غازي معها بالحمام..
تراجعت لآخر الحمام بخوف من عقابه لها..
قرب منها وهي لاصقة بالجدار ماتجرئت تحط عيونها بعيونه خايفة من نظراته..
مد يده وبنفس اللحظة صرخت وحطت يدينها على وجها تحميه من الضرب..
نزل يدينها وآسرها بيده..وبيده الثانية نزل لثمتها وسحب حجابها..
فتحت عيونها وركلته بأرجولها على ساقه..سحبت يدينها منه..
ترك يدينها ومال بجسمه شالها من على الأرض وهي تصرخ بخوف..
مشى فيها خطوتين ونزلها في البانيو المليان ماء صافي..
أختفت هديل تحت الماء تحركت بين يدينه برعشة وخوف..
رفعها وسمح لها تتنفس لجزء من الثانية وأعادها تحت الماء وهي تشهق..
أعاد الكرة مرتين وثالثة حتى شعر بضعفها واستسلامها..
كانت تشهق وتتنفس بشكل سريع مع سعال متواصل بسبب الماء اللي دخل بحلقها..
مسح وجها بيده وبعدها شالها من البانيو وخرجها من الحمام..
وهو يهمس بأذنها\محتاجة تنفس اصطناعي..
سدحها على السرير وهي ترجف من البرد ومن الارهاق اللي أحدثه فيها اغراقه المتواصل لها..
سكرت عيونها لما شافته فسخ قميصه ورماه على الكرسي..
حست فيه يغطيها بمفرش السرير..
كل شيء فيها كان ينصحها تقوم وتطلع من الغرفة..لكن عظامها ماطاوعتها..
جسمها يرجف من الخوف ومن الانهاك والتعب..
ظلت على حالها مغمضة عيونها لحتى غفت من دون ماتنتبه على نفسها..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛



  • في الكوفي القريب من الفندق كانوا جالسين يشربوا قهوة لما انضم لهم غازي..
    غازي\السلام عليكم ...
    الكل\وعليكم السلام ورحمة الله وبركاته..
    شوق\كنت نايم؟؟
    غازي\لا...هممم كيف الجو معكم؟؟
    رشا مبسوطة\جنان ياقلبي تسلم أحب روما مرررة..
    شوق\يالبى الشوبينق في ايطاليانو..
    غازي\مادية ماراح تتغيري..
    شوق\هههههههههههههه وليش أتغير؟؟
    رشا\ولدي بينام بأرجع الفندق تعالي معي شوق..
    شوق توقف\اوكى جاية..يالله تصبحوا على خير..
    غازي\وانتي بخير واذا جاك اتصال ردي عليه..
    شوق\اتصال؟؟ايـــه فهمت لا ما راح ارد خله يتأدب..
    غازي\انتي الخسرانة..
    شوق\ليـــش ناوي يتزوج علي؟؟
    غازي\ياليت يتزوج عليك يمكن تعقلين..
    رشا\هي تظن راح يظل ينتظرها الخبلاء لبى قلبه بكره أزوجه احسن منها..
    شوق بعصبية\وتسمين نفسك أختي يالخبيثة طسي الفندق قبل ادوسك..
    توجهوا للفندق..وغازي ألتفت على أمه ولاحظ نظراتها..
    غازي\وش فيها الغالية ساكتة؟؟
    أم غازي\ويـــــنها؟؟
    غازي\نايمة..
    أم غازي\ويـــن؟؟
    غازي\في جناحي..
    أم غازي\جناحي كبير ابيها تجي عندي..
    غازي\ولالك لوى..لكن ما ابيها تغيب عن عيني..
    أم غازي\محتاجتها تساعدني في ترتيب الاغراض وتكون حولي اذا أحتجت شيء..
    غازي\شوق موجودة..
    أم غازي\ما ابى شوق..
    غازي\لاتحاولي يومه ماتطلع من الجناح الا معي..
    أم غازي\أخاف عليك يومـــه..
    غازي يبتسم\أفا شايب وش كبري وتخافين علي..؟؟
    أم غازي\أخاف تغرق بدون شعور..
    غازي\ضامن نجاتي بالطيب او الغصب..
    أم غازي\الله يصلح الحال..

    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛

    رشا بزعل\شوق انتظري الولد نايم..
    شوق بقهر\تبين تزوجينه ياللي ماتستحين تزوجين زوجي..
    رشا\ههههههههههه يابنت اصبري..
    شو طنشتها ومشت بسرعة عنها تبي تقهرها..لكن صدمت بجدار ضخم وكانت بتطيح..
    لكن الجدار طلع معه يدين مسكها وثبتها توقف..
    شوق تصرخ\عمــــــــــــــــــــــــي..لااا مو مصدقة..
    سلمت عليه وهي تضمه..وتعبرله عن فرحها بشوفته..
    تجمدت رشا بمكانها وهي تسمع صراخ شوق وضحكها بشوفة عمها..
    وقفت بعيد عنهم وهي شايلة ولدها النايم..
    نزلت راسها بخجل منه ومن تواجده..ماكانت تتوقع انه راح يلقاهم هنا..
    شوق\رشا هذا عمي راجح..
    رشا ماكان لها اي ردت فعل غير انها تتجاهل وجوده بأدب..
    مشت من جنبهم وهي تلقي السلام بخفوت ..
    راجح بصوت رجولي\كيفك يأم غازي..؟
    رشا بخجل\الحمدلله يسرك الحال..عساك طيب؟؟
    راجح\طيب بشوفتكم..عطيني الولد..
    رشا ارتبكت\هو نايم الحين لما يصحى يصير خير..
    راجح قرب منها وسحب غازي من يدها..باسه على خده وراسه..
    شاله بخفة ثم ناظر في البنات وأشر لهم يلحقونه..
    راجح\جناحي جنب جناح غازي طريقنا واحد..
    شوق بصوت واطي\وش فيك مرتبكة اهدي..
    رشا\ماهو على اساس بيجي الاسبوع الجاي..
    شوق\هذا هو جاء خليك طبيعية..
    رشا\بأقول لغازي يرجعني السعودية اليوم..
    شوق\ترى مالك داعي عمي ماراح يأكلك..
    رشا تدخل جناحهم\هاتي ولدي منه روووحي..
    شوق\عمي خلاص هذا جناحنا عطني غازي ادخله..
    راجح\خلي أمه تجي تأخذه..أنا في جناحي..
    شوق\عمــــي الله يهداك لاتدخلني بمشاكلكم الولد يبي ينام..
    راجح بحدة\تبي ولدها تجي تاخذه من عندي..
    كمل طريقه لجناحه وهو حاقر شوق اللي صارت تتحلطم من كلامه معها..
    شوق\مارضى يعطيني اياه..قال تبينه روحي جيبيه من عنده..
    رشا بضيق\يا الله وش الحال معه هذا؟؟باتصل بغازي يجي يشوف عمه..

    اتصلت بغازي وقالتله يجيهم الفندق بسرعة ويرجع ولدها..
    غازي ماتفاجاء من تواجد عمه بروما هالاسبوع لأنه حجزله جناح قريب منه بطلب عمه..
    رجع مع امه للفندق..توجه لجناح عمه..
    دق الباب وسلم على عمه وجلسوا بصالة الجناح..
    غازي\كنت أظنك بتوصل بكره..
    راجح\خلصت الشغل وجيتكم هنا..
    غازي\طيب ليـــش خاطف ولد أختي؟؟
    راجح\لايكون جاي تأخذه مني؟؟
    غازي\أمه أتصلت علي قالت اخذه منك..
    راجح\اذا تبيه تجي تاخذه بنفسها..
    غازي\لاتصعب الأمور عليها..
    راجح\ماصعبت شيء تبي ولدها تجي تأخذه..
    غازي\فيه غير هذي الطريقة عشان تتفاهم معها..
    راجح\ما اتبع الا طرقي أنا..خلها تجي تاخذ ولدها..
    غازي\بتروح معنا بكره السفارة؟؟
    راجح\لا ما أعتقد السفير مايدري اني موجود بايطاليا ومالي نية اروح..
    غازي\حلو..
    راجح\وش عندك أنبسطت أني مو رايح؟؟
    غازي\لأني مضطر أروح السفارة وبأحط عندك أمانة صعبة..
    راجح\مابه صعب..
    غازي\كفـــــو..وألحين عطني الولد بأروح أنام الوقت تأخر..
    راجح\قول لـ رشا تجي تأخذه..
    غازي\انتوا متزوجين وحلوا مشاكلكم لكن ولد اخوي خلوه برا أموركم..
    راجح\تدري لاترد عليها وهي بنفسها راح تجي تأخذ ولدها..
    غازي وقف\مو ناقص اجاهد مع اختي بحربها..عندي حربي الخاصة بجناحي..
    راجح بعصبية\أنت صاحي؟؟
    غازي\أنت اتبع طرقك وأنا أتبع طرقي..لا تدخل بأموري أتدخل بأمورك..
    راجح\قل لأخك متى ماحبت تجي تأخذ ولدها تجي الدعوة مفتوحة..
    غازي\تمسي على خير..الله يعين أختي عليك..
    راجح\وانت من اهل الخير..

    طلع غازي وبلغ اخته كلام راجح..اذا كانت تبي ولدها تروح تأخذه من عنده..
    رشا\يومه روحي جيبي ولدي..
    أم غازي\أروح جناح عم عيالي ؟؟طسي أقووول..
    رشا بزعل\طيب تعالي معي اجيب ولدي..
    أم غازي\مالي حاجة أروح..الرجال زوجك..والبزر ولدك..
    رشا\زوجي بالأوراق مابينا شيء..ليش يسوي كذا؟؟
    شوق\روحي تفاهمي معه..بيعطيك الولد..
    رشا\أنتوا وعمكم هذا يخوووف ما ابى اروح بالحالي..
    شوق\روحي لغازي يروح معك وجيبوا الولد..
    أم غازي\مالكم شغل بغازي راح ينام..
    شوق\يومه جارية أخوي وينها طاسة؟؟
    أم غازي بحدة\مالك شغل بالبنت خليها في حالها..
    اسلميها شر لسانك ولا تتقولي عليها بما يغضب الله..
    شوق بدموع\لاتدافعي عنها وتنسي انها هي اللي قتلت ولدك..
    أم غازي\هي مالها ذنب الا انها أخته..
    شوق تبكي\وأنا مالي ذنب الا اني اخت اخوي..
    ومشتاقة له وأبـــــيه..أخوي ميت وأخوها حي ماحوله شر..
    ولد أخوي تيتم ..رشا ترملت..الكره في قلبي ماله حدود يومه..
    أم غازي\ترحمي على اخوك وروحي نامي..الكره مابياكل الا صاحبه..
    شوق\لا الكره بيأكلها هي وأهلها..تمسوا على خير..

    راحت شوق تنام ..لكن رشا ظلت تترجاء أم غازي تروح معها..
    أم غازي\خلوا البنت في حالها يارشا..ترى اللي مات ولدي..
    رشا\انا مادخلني فيها..حتى لو عاملتها بقسوة ماراح أستفيد شيء..
    زوجي مات بيد اخوها وهذا شيء مااقدر انساه..ولدي تيتم بسبب اخوها..
    حياتنا انقلبت بسبب اخوها..لاتطلبي منا نحبها او نداريها..
    أم غازي\لاتحبوها ولا تقربوا منها اتركوها بحالها وبس..
    اللي تعانيه هي انتوا ماتعانونه..
    رشا\اتركينا منها الحين وتعالي معي..
    ام غازي\لا..تبينه روحي جيبيه..او خليه ينام عند راجح..
    ماراح يصير فيه شيء..
    رشا\لا مااباه ينام بعيد عني..
    ام غازي\تصبحي على خير..
    رشا\يووومه تكفين..
    أم غازي راحت تنام وخلت رشا تدور بالجناح خايفة من انها تروح لجناح راجح لوحدها..


    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛

    دخل الجناح كانت الصالة ظلمة الا من نور خفييف على الطاولة المتوسطة الصالة..
    فسخ جاكيته وعلقه عند الباب..دور بعيونه عليها بس ماكانت موجودة..
    توجه لغرفة النوم الوحيدة الموجودة في الجناح كان الباب مسكر..
    حاول يفتحه لكن الباب كان مقفووول..ابتسم على حركتها وتقفيلها لـ الباب..
    غازي\أنتي ملزومة تفتحين أغراضي وملابسي داخل..
    هديل بكره\عفشك بالصالة قدامك..
    غازي يناظر أغراضه\ههههههههههههههههههه قويــــــة يابنت يعني قد حركتك هذي؟؟
    هديل طنشته ولا ردت عليه أنقهرت من استمتاعه بالوضع وضحكه..
    كان راح يذبحني ويغرقني الملعون والحين جالس يضحك..
    عساه الماحي ان شاء الله مبسوووط على قهري..
    لما صحت من غفوتها ماكان موجود في الجناح كامل..
    بدلت ملابسها وهي تبكي كل ماتذكرت حالتها تحت الماء وخوفها منه..
    كان باب الجناح مقفول وماقدرت تطلع..جلست تفكر كيف تقدر تعيش معه بنفس المكان..
    قررت تكون غرفة النوم لها لأن فيه باب يتقفل عليها وحمدت الله ان المفتاح موجود ماشاله..
    جمعت ملابسه ورمتها بشنطته وعفستها متقصده ورمت جزمه وباقي أغراضه على الملابس...
    سحبتها في الصالة وتركتها هناك..
    قفلت عليها وهي مطمنة بانه ماراح يقدر يدخل ينام عندها او يقرب منها..

    غازي\اممممم طيب ابي لحاف ومخده..
    هديل\ليش بردان؟؟
    غازي بخبث\ايـــــه بردان مـــــــــــــــرة محتاج دفاك..
    هديل\أحسن خلك نايم في البرد..أنا نمت شهوور في البرد من دون ماتهتم..
    غازي\آآآآآه بس لو كنت أدري..
    هديل\ماراح أعطيك شيء..وجب لاتزعجني..
    غازي\وتقولين جب ...يعني بتظلين طول عمرك بوسط الغرفة..؟؟
    مصيري أمسكك ياالبزر وأربيك..
    هديل\روح نام يامجرم نوم الظالم عباده..
    غازي\تمسي على خير تهني بنومتك الليلة آخر ليلة تنامي لوحدك..

    تنفست بصعوبة بعد ما تأكدت انه بعد من عند الباب..
    قال آخر ليلة انام لوحدي..عساه الجرب يهددني..
    يبي يخوفني..بس هو وش يقصد لايكون يبي ينام هنا؟؟
    والله لو يذبحني او أذبحه ماينام معي واطي ..

    طفت الأنوار ونامت ومثل كل ليلة تنتهي بالكوابيس وتصحى مفزوعة..

    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛

    دقت الباب بهدوء هي نفسها ماسمعت صوت ضرباتها الخفيفة على الباب..
    كانت متاكدة من انه ماسمعها..تراجعت تبي ترجع لجناحها لما فتح راجح الباب..
    كان بروب الحمام وتوه متسبح وحاط فوطة صغيرة على راسه..
    ارتبكت من شكله لانها ماكانت متوقعه تشوفه بهالشكل أبداً..
    نزلت راسها وتلعثمت بالكلام..
    رشا\ا ابـ ي غازي ممكن تجيبه؟؟؟
    راجح\تفضلي خذيه..
    رشا\جيبه لو سمحت..
    راجح\مو سامح ادخلي شيليه..
    ابتعد عن طريقها وأشر لها تدخل الجناح..
    وقفت مكانها مترددة لكن تقدمت ودخلت وهو سكر الباب وراها..
    ناظرت في الصالة ماكان موجود فيها..ناظرت فيه بتسئول فهم عليها..
    راجح\نايم جوه على سريري ادخلي جيبيه..
    رشا\انت جيبه أستناك هنا..
    راجح دخل غرفة النوم وهو ينشف شعره..
    راجح\تمسي على خير أنا داخل انام..
    ظلت عشر دقايق تنتظره يجيب ولدها لكن ما طلع من الغرفة..
    فتحت الباب اللي كان مردود ودخلت..تمنت لو انها ماتجرئت ولا جات لجناحه..
    كان لابس بنطلون البجامة لكن من دون قميص..
    تجاهلته وتوجهت لـ السرير مدت يدينها تبي تشيل ولدها..
    لكنها حست بيدين تلتف على خصرها وتلمها من ورى..
    شهقت بخوف وحبست أنفاسها..حاولت تتكلم لكن ماقدرت..
    راجح همس بأذنها\ليـــش مستعجلة..؟؟
    رشا بعبرة\ابـ ابعد عني..
    راجح\نـــاسية اني زوجك..؟؟
    رشا\زواجنا كان بشروط..اتركني..
    راجح\بس انا ماوافقت على شروطك..
    رشا\طلقني..
    لفه عليه وقرب وجهه من وجها وعيونه مثل الشرار..
    راجح\مــن بكره راح يتغير كل شيء..
    بتنزلي بجناحي هنا..ماتطلعي الا معي وسفر معي وبس..
    انسي اخوانك وانسي تأخذي شورك من راسك أو من غيري..
    حاولت تبعده عنها وهي رافضة لكل كلامه..
    رشا\صارلنا سنتين على هـ الحال وش اللي غير رأيك؟؟
    راجح\كنت اظنك راح تعقلي وتتنازلي عن شروطك اللي ماترضي الله ولا ترضيني..
    رشا دفته عنها\شروطي قبلت فيها..زواج ع الورق عشان ولدي يظل معي ومع هله..
    راجح\وشرطي...؟؟
    رشا\ما أذكر انك ذكرت شروط..
    راجح ينام جنب غازي ويبوس راسه..
    راجح ببرود\شرطي اني تزوجتك ابي عيال..
    أنا نفذت شروطك بس انتي مانفذتي شرطي..
    رشا مفجوعة\هذا الشرط ما انذكر وأنا ماوافقت عليه..أنت مو صاحي..
    راجح يغمز لها\بلى صاحي تبين اثبات..
    رشا\مالي كلام معك..اخواني يفهمونك الحكي عدل..
    قربت منه مدت يدها تسحب غازي من جنبه..مسك يدينها وسحبها سدحها عليه..
    صرخت رشا بكلمة وحدة\سعــــــود..
    راجح تجمدت يدينه عليها وضمها له أكثر حتى تأكد من انه ألمها من صوتها..
    راجح بهمس\تعتقدين انك لو ذكرتي اسمه راح أسمح لطيف انسان ميت ينهيني عن شيء ابيه..
    سعود مات الله يرحمه..زوجك هو راجح..اياك اسمع اسم سعود على لسانك مرة ثانية..
    ان حبيتي تنامي سليمة في ليلتك الاخيرة بعيد عن زوجك اخرجي من الغرفة في دقيقة..
    رفعها عنه وهي طلعت من الغرفة وشهقاتها ترن بأذونه..
    تركت غازي عنده وهربت لجناحها ..

    كيف يبيني أعيش معه زوجه..كيف ينسى ولد أخوه..
    تزوجته عشان غازي وبس..ابيه يتربى مع أهله..
    باقول لغازي يطلقني منه هذا مايفي بشروطه..
    عادي غازي يصير عم ولدي بيربيه وماراح يحرمني منه انا اخته مابيقهرني في ولدي..
    وهذا الراجح يولي ويطس عن حياتنا..
    حست برعشة بجسمها لما تذكرت ضمه لها..

    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛





  • صحت توضت وصلت الفجر ماقدرت تنام من الخوف ..
    مع انها أكدت لنفسها انه مايقدر يسوي لها شيء لانها راح تهرب اليوم وتنام بغرفة امه..
    رضت امه او مارضت مو كارهة نفسي أنا أظل مع هـ المتخلف..
    لبست بنطلون اشترته لها صوفي لما هربتها من المزرعة..
    ماكانت مقتنعة فيه لانه برمودا..لبست بوت طويل ابيض لتحت الركبة بشوي وهذا بعد من اختيار صوفي..
    بعد ما رمت جزمة هديل من شباك السيارة وهي تنتقد هديل..
    لبست بدي اسود وقميص أحمر غامق..
    ولفت حجابها عليها وتركت جزء تتلثم فيه..

    فزت لما سمعت دقه على الباب وصوته الساخر..
    غازي\اطلعي اكوي قميصي ليش عفستي ملابسي؟؟
    هديل\عسى المكوى يحرق يدينك..انت رتب عفيستك..
    غازي\ياقــــــــوية..أقول اطلعي ولا والله اطلع مع الأهل وأحبسك هنا..
    هديل بكذب\ما ابى أطلع..
    غازي\براحتك بأرجع في الليل وانتي خليك لحالك..
    بعد دقايق طلعت من الغرفة وهي لابسة البالطو..
    كان جالس على الكنبة يفطر ويشاهد التلفزيون..
    هديل بتهديد\اذا ضربتني بأقول لهم يتصلون في الشرطة وأتهمك بالارهاب والقتل والله..
    غازي يشرب قهوته\خوفتيني..اجلسي افطري مانبي نتأخر عليهم..
    هديل\ما ابى..
    غازي\طيب بس لا أحد يزعجني ويقول جوعان..
    هديل\ما ابى منك شيء ابى اطلع من هنا بس..
    غازي\بتطلعي لكن بترجعي ..
    لبس جاكيته فتح الباب وانتظرها تخرج قبله..
    طقت لثمتها على وجها وهي تتحداها يمنعها..
    كانت شوق واقفة في الممر تنتظر رشا لما شافتهم طالعين..
    سلمت على غازي ونظراتها على هديل نظرات احتقار وكرهـ..
    غازي\وين راجح باقي ماطلع؟؟
    شوق\كلمته الحين يجي غزوي معه..
    غازي يبتسم\مارجعه..
    شوق تضحك\ههههههههه لا قال رشا تجيه بس هي مارضت تروح..
    غازي\يا الله نادي امي ورشا مانبي نتأحر..
    شوق\اوكى بس جيب غازي رشا تبي تبدل ملابسه..
    غازي\باروح أجيبه..رسل تعالي..
    مشى ولاسمع كلام شوق لهديل..
    شوق\ياجارية لاتحملي من أخوي مايشرفنا خلط الأنساب..
    هديل\[مايلفظ من قول الا لديه رقيب عتيد]

    تركتها تسب وتلعن ومشت على خطى غازي..
    شافته راجع لجناح امه وأخواته وقفت بمكانها مو قادرة ترجع معه..
    أكيد بينقال عني مثل هـ الكلام..مو نايمة معه بجناحه..
    مو يضمني قدامهم ويلمسني بكيفه..
    ليــش مايشكون ويسبون..ليش مايحتقروني..
    في النهاية انا جارية عنده وهذا رأيهم كلهم..
    نزلت راسها بأسى ومسحت دمعة قهر..
    راجح\رسل؟؟!
    رفعت راسها وانصدمت من الشخص الواقف قدامها..
    همست لنفسها بخوف يشبهه بس مو هو..
    طويل مثله ضخم ويخوف..
    حتى حواجبه معقودة مثله..ماكان باين منها الا عيونها..اللي وضحت خوفها..
    ناظرت حولها تدور على غازي بس ماشافته..
    خافت أكثر ورجعت خطوه على ورى..
    راجح\لاتخافي أنتي رسل؟؟
    هديل\ لــ لا مو رسل..
    راجح\أجل هديل..؟؟
    غازي بحدة\لا رسل..
    ناظرت وراها وشافت غازي بالرغم من خوفها منه الا انها ارتاحت لوجوده..
    المهم ماتظل لوحدها وخصوصاً مع هذا الغريب..
    وقفت ورى غازي وهي منزلة راسها..
    غازي\هذا عمي راجح يا رســــــــل..
    راجح\كيفك يا رسل؟؟

    ماردت عليه اختنقت بالهواء والعبرة..
    أختنقت من القهر ومن الخوف..كانت تتمنى لو تصرخ فيهم..
    أنا مو رسل أنا هديل..بس هي أضعف من انها تتحمل غضب واحد منهم..
    فكيف لو عاقبوها اثنينهم وعنفوها..
    طلع معه عمام وعزوة..آآآآه ياعمي علي دل ابوي علي وتعالوا..
    حتى عمه الحين يقول عني نفس كلام شوق..بيحتقرني مثلهم..
    ياويلي بيتكلمون الناس على سمعتك يوبه..
    الله لا يطلعهم من ذنبي ولا يحلهم..
    تبي تبكي وتصرخ بس مو قادرة تتمنى ترجع غرفتها وتحبس نفسها وما احد يشوفها..

    غازي\أعذرها البنت سحاوية..
    مشوا قدامها وهي ترددت بخطواتها..يتمصخرون علي يقول سحاوية..
    ومن وراي يقولوا حقيرة..الله لايعلي قدركم ويقهركم بذنبي..
    أكرهـــــــــــــكم أكرهــــكم..
    انتبه لها غازي ورجع عندها..
    غازي\كلهم نزلوا ليش ماتمشي مع الناس؟؟
    هديل بعبرة\ما ابى أطلع رجعني غرفتي..
    غازي تفاجاء\ليـــش؟؟
    هديل\والله ما اهرب اليوم بس رجعني ما ابى اطلع معكم..
    غازي\وش فيــــك؟؟
    هديل بقهر\مايخصك ما ابى اطلع معكم مو غصب..
    مسك يدها بقوة وسحبها وراهـ غصب عنها..
    غازي\تطلعي غصب عنك ومو برضاك..

    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


    وصلوا للمدرج الروماني الشهير [ الكولوسيوم ]دخلوا بعد ماحان وقت دخولهم..
    لأنو مايقدر احد يدخل الا ببطاقة وعلى حسب دوره..
    دخلوا جوات المدرج وبالنسبة لشخص اول مرة يشوف هذي الاثار كان لابد ان تخطف انظاره..
    لكن بالنسبة لهديل ما اثارتها ولا احدثت عندها اي اهتمام..
    كانوا بالمدرج الثاني راجح طول الوقت ماسك يد رشا رغم عنها..
    تجاهل غازي تصرفات راجح لأنه متفق معه بأنه صار الوقت بأن تعيش رشا مع راجح..
    شوق متكفلة بالكاميرا تصور كل شيء ومن كل الزوايا..
    جمعت شوق العائلة كلها وطلبت من احد السياح يصورهم..
    بينما هي كانت واقفة بعيد عنهم وتداري دمعتها لاتنزل وتفضحها..
    مع انه باين على عيونها اذا احد ناظرها بيشوف دموعها..
    غصب عنها تحولت نظراتها عليهم وهم يتصورون مع بعض ومتفردين..
    رفعت عيونها لآسرها ومالكها..
    كان لابس نظاراته الشمسية ولا تدري انه يناظرها..
    لحتى نزل نظارته شوي عن عيونه وبكذا عرفت انه شاف نظراتها لهم..

    صور معي خايف يجي يوم وتموت..

    ياشين هــآلكملة ولو هي حقيقة

    لو ما تعوّض هالصور غيبة الصوت

    على الأقل يذكر رفيقن رفيقه ,,

    لفت بجسمها عليهم وناظرت بالسماء تمنع دموعها من النزول..
    راقبت السياح بكدر..يبتسمون لـ الصور..
    فرحين بتواجدهم بهذا المكان..مبسوطين مع أصحابهم وأهلهم..

    كان فيه أشخاص يلبسون اللبس الروماني القديم ويجولون بالمكان..
    السياح صوروا معهم وطلبوا معلومات عن هذا المكان..

    حست بيده على كتفها غمضت عيونها بألم ..
    نزلت يدهـ بقهر وصدت عنه..
    واللي قهرها زيادة الكلام اللي نطق فيه..
    الـــــــــــــــــــى متى اهانـــــــة..؟؟!

    غازي\تدرين ان الجواري أنوجدوا في العصر الروماني بكثرة..
    كان القيصر يستبيح أكثر بنات روما خصوصاً العذارء..
    بينما حاكمات روما كانوا يصابون بالذل والقهر..
    بعد مايمل القيصر من جاريته يقتلونها الحاكمات..كانتقام لكرامتهم..

    لفها عليه وناظر بعيونها..
    ما استغرب نظراتها الحاقدة..
    بس تسأل وش سبب الدموع اللي مو راضية توقف من خروجهم من الجناح..
    وفي السيارة وفي صف انتظار دخول المدرج..
    سحب نظاراته من على عيونه وحطها على عيونها بهدوء..
    غازي\ألحين ابكي ولا احد يشوف دموعك..

    أنت مؤلم ..أنت جاني..
    أنت ما ظنك تعاني..

    أنت جرح بيوم أسود..
    أنت جبــــار وأناني..

    ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

    رشا\وين موديني اترك يدي ماباروح معك..
    راجح\انا علمتك من امس كيف راح تكون حياتنا..
    رشا بقهر\وانا قلتلك طلقني..
    راجح\لو ماكنا بين الناس كان وريتك شغلك..
    رشا بصوت عالي\غــــــازي..
    راجح\تهدديني بأخوك..خليه ينفعك..
    نزل الدرجات بخطوات ثابته وهي تتعثر بخطواتها..
    زلت رجلها وكانت بتطيح بس هو مسكها وثبتها..
    راجح\وألحين امشي مزبوط..
    رشا\ما ابى امشي بأرجع ولدي لحاله..
    راجح\ولدك مع شوق انا وصيتها عليه..
    رشا\النذلة متفقة معك..
    راجح\مو محتاج مساعدتها..

    خرجوا من المدرج الروماني وهي تحتج وتعاند لكن هو مااهتم بكلامها..
    راجح\اممم الجو حلو مو لازم سيارة..تعالي نمشي..
    رشا\راجح الله يخليك تصرفاتك ماتغير شيء بوضعنا..
    راجح\يعني عاجبك الوضع اللي احنا فيه؟؟
    رشا\ايه عاجبني انا مرتاحة كذا..
    راجح\مرتاحة انك عايشة في بيت غريب عنك ومخليه بيت زوجك؟؟
    رشا بقهر\أنا عايشة في بيت أخوي لاتنسى..
    راجح\أخوك بالرضاعة وبس..
    رشا\المهم بيت أخوي..
    راجح\وأنا زوجك ومابتعيشي الا في بيتي ومعي انتي وولدك..
    رشا\خلاص ماراح اعيش عند غازي باعيش في بيت أخوي طالب..
    راجح\تدرين وين المشكلة؟؟
    رشا\انت..
    راجح\لا انتي مصدقة اني اخذ رايك..بينما انا ابلغك باللي راح يصير..
    رشا\ماتقدر تجبرني على شيء بأتصل بطالب اخوي وهو يتفاهم معك..
    راجح\ماتدرين ان طالب في ايطاليا؟؟قوليله واشوف وش يقدر يسوي..
    رشا\طالب هنا؟؟
    راجح\ايه وصل معي امس لكن عنده شغل يخلصه بميلان وراجع هنا..
    رشا\غازي يدري؟؟
    راجح\ايه يدري..لكن شوق ماتدري خليه يفاجئها..
    رشا\تستاهل يصير فيها مثلي..
    راجح\وانتي وش صار فيك؟؟
    رشا\أنفجعت ماتوقعت أشوووفك..
    راجح\من حقك تنفجعي لانك ناسية اني زوجك..من الليلة راح تتذكري..

    غازي\يا الله لازم نرجع الفندق ورانا مشوار لـ السفارة..
    راجح\موضروري تاخذ الحريم معك..
    أم غازي\زوجة السفير مكلمتني لازم نروح كلنا وخصوصاً غازي الصغير..
    راجح\الله معكم...

    وصلوا الفندق وكلن على جناحه يتجهزوا للمشوار..
    كان جالس على الكنبة في الصالة ناداها تجي عنده..
    غازي\اجلسي..
    جلست بدون عناد..
    غازي\اذا أخذتك معي السفارة بتظلين بنت عاقلة..ولا بتحاولين تسوين شيء غلط..
    هديل\راح اكون عاقلة وأطلب منهم يتصلون بأهلي..
    غازي\توقعت هالشيء..طيب واذا تركتك هنا لوحدك بتهربي..
    هديل\ايــــــه..
    غازي تنهد\جنيتي على نفسك..
    هديل بخبث\في الحالتين انت مجبور تاخذني معك..
    غازي يشرب عصير برتقال واشر لها على كاسها..
    غازي\تفتكري اني مجبور..
    هديل\ايـــــــــــــه..ان تركتني فضحتك بالفندق وقلتلهم يتصلون باهلي..
    وأن اخذتني فضحتك بالسفارة وقلت لهم يتصلون باهلي..
    غازي\واذا ظليت هنا ومارحت السفارة..
    هديل تشرب عصيرها\عادي باهرب في يوم ثاني..
    غازي\مثل ماتحبيــــــــــــــن انا حذرتك بس انتي مو راضية تسمعي الكلام..
    طنشته وطنشت تهديداته وناوية تقهره ولو شوي مثل ماقهرها..
    دخل الغرفة وبدل ملابسه بعد دقايق خرج وهي جالسة بمكانها.
    غازي\لساتك مصرة على رأيك..
    وقفت بترنح وهي ميتة من الرعب..
    هديل\وو..ش صــ ـار؟؟
    غازي يقرب منها\وش فيك؟؟
    هديل\دايـــ ـخة ..
    غازي\لاتخافي راح تنامي لحتى ارجع مابيصيرلك شيء..
    هديل تحاول تستوعب كلامه وهي تحس بالخدر في كل جسمها..
    مشت خطوتين بس ماقدرت تكمل جلست على ركبها وهي تصرخ بيــــأس..
    هديل\لا لا لاااااااا آآآآآآه
    غازي يجلس جنبها على ركبه ويحضنها..
    غازي\هشششش لاتخافي مخدر بسيط حطيته لك في العصير ماراح يضرك..
    هديل تبكي\ما ابـــ ى انام ما ابى لا لا..
    غازي\عمي راجح بيكون قريب من هنا وصيته عليك..ماراح تصحي الا لما أجي..
    هديل وعيونها تتسكر غصب عنها\لا تخليني لاتــ ....
    شالها من على الأرض دخلها غرفة النوم وسدحها على السرير وغطاها..
    باسها على خدها من دون ماتدري لانها غفت عن العالم تماماً..
    شال المفتاح من على باب غرفة النوم وحطه بجيبه..

    خرج من الجناح وقفل الباب ...












عرض البوم صور MAY   رد مع اقتباس
قديم 24-09-2012, 11:30 PM   المشاركة رقم: 30
المعلومات
الكاتب:
MAY
اللقب:
آلمشرفـہ آلعآمـہ
الصورة الرمزية
 
الصورة الرمزية MAY

البيانات
التسجيل: Jul 2009
العضوية: 8426
الدولة: ҜṧĄ
المشاركات: 19,667
بمعدل : 10.79 يوميا
معدل التقييم: 116
نقاط التقييم: 42658
MAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond reputeMAY has a reputation beyond repute

اوسمتي


المزاج
ط


التوقيت

الإتصالات
الحالة:
MAY غير متواجد حالياً
وسائل الإتصال:

كاتب الموضوع : MAY المنتدى : الروايات الطويله
افتراضي رد: رواية أما غرام يشرح الصدر طاريه وإلا صدود وعمرنا ماعشقنا , للكاتبه / صدود







-



البارت الثامن والعشرون :

فيم العناء
..
جميع المطارات عندي سواء

جميع الفنادق عندي سواء

و كل ارتحال قبيل الشروق

و بعد المساء

سواء

و كل الوجوه

تطاردني عند كل وداع

تلاحقني عند كل لقاء

سواء

ففيم العناء؟

* * *

أفيق مع الفجر

أشرب شاي الصباح

أسير إلى عنابة الأمس و اليوم

حيث تسيل الدماء

أصافح نفس الأيادي المليئه

بالعطر و المكر.. ألمح نفس الرياء

و نفس الخداع

و نفس الغباء

ففيم العناء؟

ففيم العناء؟


المرحوم غازي القصيبي,,,


كانوا بالاصنصير الارتباك باين على شوق..
رشا حاولت تفهم وش فيها لكن هي كانت تبعد عيونها عن رشا خايفة لاتكشفها..
رشا بطفش\تراك خوفتيني وش صاير معك؟؟
شوق\نعسانة وبأروح أنام بس..
رشا\عساك ماتكلمتي ..
شوق\وين غازي؟؟
رشا\مع غازي..
شوق\احـــم رشا لاتزعلي مني..تراني عبد مأمور..
رشا بشك\وش مسوية؟؟
شوق تمشي بسرعة باتجاه جناحهم\ولا شيء تصبحي على خير..
رشا\طيب اصبري وش فيك تركضين؟؟
شوق دخلت الجناح وقفلت الباب وراها بسرعة..
بينما رشا صرخت برعب لما حست بيدين تكتفها وتسحبها بعيد عن جناحها..
صرخت برعب لكن صرختها ماتت لما انحطت يد على فمها تمنعها من الصراخ..
حاولت تخلص نفسها من اللي سحبها ودخلها بمكان وقفل الباب..
ثبتها على الجدار وهو موثق يدينها..
رشا تنادي وهي تبكي\غــــــازي..راجـــــــــــح..
راجح بهمس\لبيــــــــــــــــه قال راجح..
رشا بصدمة\ر راجح..؟؟!
راجح يمسح دموعها\ايـــه راجح..
رشا تصرخ فيه وتضربه على صدره تبعده عنها\يامتــــخلف ياتافه كنت باموت من الخوف..
راجح يبتسم\ياقلبه اللي يخاف..
رشا بعصبية\انت مو مراهق ليش تتصرف بها الشكل؟؟
راجح\وين غازي؟؟
رشا\مع أمي..
راجح\حلوو خليه ينام معها الليلة وخلينا نتفاهم..
رشا\مافيه شيء نتفاهم عليه تصبح على خير..
مشت تبي تطلع من الجناح..لكن راجح قفل الباب وشال المفتاح..
سحبها بقوة وجلسها على الكنبة..
راجح بحدة\لما أتكلم معك ماتديري ظهرك وتمشي فاهمة؟؟
رشا\وأنا قلتلك ما ابي اتكلم معك..اخواني موجودين تكلم معهم..
راجح\ما راح يتدخل اجد بيني وبين زوجتي..
رشا\طليـــقتك..طلقني..
راجح\مبطية عظم..
رشا\انت وش تبي..؟؟
راجح\اطالب بحقوقي كزوج..وقبل لا تثوري وتمني بنفسك وتأخذي مقلب..
حقوقي كـ ولي أمرك ومسئول عنك..أنا سمحتلك الفترة اللي طافت تعيشي مع اخوانك بكيفك..
لكن الحين تعيشي معي وتحت ظلي..رضيتي او رفضتي..
ماني عجزان عنك وعن ولدك..حطي عقلك براسك ولاتحديني على القوة..
رشا\وش اللي راح تستفيده اذا عشت معك في بيتك؟؟
راجح\أنتي زوجتي وملزومة تعيشي معي..وأنا ماني ملزوم أبرر قراري لك او لغيرك..
رشا\لا ملزوووم مادمت انا مو راضية اعيش معك..
راجح\طيب يارشا هذا الجناح ماراح تطلعي منه الا باذني ومعي..
ماراح ترجعي السعودية الا معي..ومابتعيشي الا في بيتي..
ورددي رايك ورفضك لحياتك معي قد ماتقدري..ماراح يفيدك الكلام بشيء..
رشا\لايكون مفكرني مقطوعة ومالي اهل تستقوي علي؟؟
راجح\أنتي زوجتي واللي فيه خير يفتح فمه بكلمه..
توجه لغرفة النوم لف وناظر فيها..
راجح\على فكرة ملابسك وأغراضك بغرفتي اذا حابة تبدلي ..
رشا بفزع\كيـــــــــف ملابسي هنا؟؟
راجح\جابتها شوق بأمر مني..عندك اعتراض لاسمح الله..
رشا\ايـــــــــــــــــه انت وبنت اخوك مالكم حق تتصرفوا معي كذا..
راجح\تصبحي على خير..نامي بالمكان اللي يريحك المهم بجناحي..
تركها واقفة بالصالة ودخل غرفة النوم بدل ملابسه ونام..
مرت ساعتين وهي جالسة بمكانها تفكر وش تسوي معه عشان يطلقها..
مر في بالها غازي كانت بتتصل عليه لكن غيرت رأيها لأن الوقت متأخر وأكيد هو نايم..
بكره ألقاه وأطلب منه يبعد عمه عني..
توعدت بشوق ومعاقبتها على اتفاقها مع عمها لحبسها بها المكان..
فسخت البالطو تبعها انسدحت على الكنبة ونامت وعيونها على باب الغرفة تخاف لا يطلع ويشوفها نايمة..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛


ظــــلام هدوووووء لا كوابيس ولا اوهام..
لم تنم منذ دهر بهذه الراحة..لا تستيقظ بين الساعة والساعة مراقبة لمحيطها..
او تتأكد من اقفال باب غرفتها مرتين..
لا تركز نظرها على الشباك فتتوهم الاشكال من جذوع الشجر..
طمئنية وراحــــــــــة شعور غريب شعرت به في احدى الايام البعيـــدة القاسية..
وهاهو اليوم يعود لتشعر به من جديد..
وبلحظات انقلب الحال شيء ما يضغط على صدرها يمنعها من التنفس..
عظامها تكاد تسحق بالفولاذ..تأوهت بألم ترتجي السكينة من جديد..
شيء غريب يحدث معها لم يستطع عقلها ترجمته وفهمه..
هواء دافىء يدخل بأذنها بأحرف مبهمة في غيبوبتها..
عيناها خدودها شفتيها تتقد بنار حارقة لاتعرف مصدرها..

أتلوموني بحبها إنها شهيه كـ الحلوى ..طفلة تختبئ بمعطف أنثى
لم أستطع منع نفسي من إحتوائها ومداوات أوجاع العيد ..!
هي خطر على قلبي وروحي عند الأقتراب مع هذا وجدت اني كـ المراهق
عندما يستهويه أمراً ما ..!
قبلتها حتى أسكرتني ببراءتها ..ولكي أثبت لها مدى تملكي ..!

..قديسة الضوء..

فتحت عيونها بتعب والرؤيا مو واضحة لها..
حاولت تركز وتستوعب وش يصير معها..
لكن الصداع اللي يضرب راسها والنغز الموجع بعيونها مو مساعدها ابداً..
رفعت نفسها عن وسادتها ببطء..
لكن رجعت لمكانها غصب عنها ورجع الضغط على عظامها أقوى..
فضلت ترجع لـ الظلام وترتاح فيه..غمضت عيونها بتعب واستسلمت لـ النوم..

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛

صحت بعد ساعات لا أثر لـ الصداع ولا الم في عيونها..
وكما يحدث دوماً لما يصحى الشخص يكون بحالة عدم ادراك للي حوله..
ومايتذكر آخر شيء صار معه الا بعد دقائق..
لكن هديل في ثواني أدركت اللي صاير معها وانها مو لوحدها بفراشها..
بسبب اليد اللي على خصرها..
صرخت بحدة وفزت جالسة برعب ولامة نفسها..
غازي\صـــح النوم..
التفتت عليه وهي ترجف وشاحب لونها..
غازي\المفروض نمتي كم ساعة بس..
لكن شكلك كنتي تعبانة وماعرفتي النوم من سنين..

هديل تذكرت المخدر اللي نومها فيه أمس..
وبنفس الوقت ادركت انها ماحست بنفسها من هذاك الوقت..
يعني كانت فاقدة الوعي ومخدرة الى هالساعة..
همست بخوف\أنـ ـا وش صــار فيني؟؟
غازي\ماصار شيء..
هديل صرخت فيه\أنت وش تسوي نايم هنا؟؟كيف سمحت لنفسك تنومني ياحقير؟؟
غازي\نايم بغرفتي..ونومتك لاني ما اثق فيك..
هديل\غرفتك بجهنم ياواطي..مايحق لك اللي تسويه مايحق لك..
ليش خليتني اغفى عن نفسي؟؟كم صارلي غافية قوول كم؟؟
غازي\من 9 المساء الى8 الصباح..
هديل تناظر في نفسها وتناظر فيه..
هديل\وش سويت فيني؟؟
غازي مستند على ذراعه\ضميـــتك..وطول الليل وانتي نايمة بحضني..
هديل تصرخ\وش سويــــــت فيني؟؟
غازي يبتسم\الباقي ما باقول توك صغيرة على هالكلام..
هديل شهقت بقوة وماقدرت تتنفس من بعد كلامه..حاولت لكن ماقدرت..
حطت يدها على صدرها تحاول تخفف من ضيق التنفس اللي اصابها..
لكن الضيق اشتد عليها وشهقاتها تزيد أكثر..
وفي لحظات اختفى اللون من وجها مع زيادة شهقاتها..
جلس بشكل سريع وسحبها له بقوة..
غازي يحضنها\ماصار شيء يامجنونة اهدي..حاولي تتنفسي..
هديل غرزت اظافرها فيه وهي تشهق اكثر..
غازي\اهدي خلاص قلتلك ماصار شيء..
هديل\كـ كذ ا ب.
غازي\والله أنتي بخير..
هديل تتنفس وهي تبكي\سألتك بالله لاتكذب علي وش سويت فيني؟؟
غازي\ولا شيء..
هديل بنحيب\سألتك بالله..
غازي يعترف\ضميتك بوســـتك سولفت معك بس..
هديل بقهر\الله يأخذك يا حيوان أستغليت فقداني ياحقيييير..مريـــض معقد..
بعدت عنه وضربته على صدره ورقبته ووجه كانت تصرخ وتسبه بكل كلمة تعرفها..
كل ما مسك يدينها أفلتتهم منه ورجعت تضربه اكثر..
هديل بقهر\بأذبحك ان لمستني والله أذبحك..رجعني لأمي رجـــعني..

وقفت وبعدت عن السرير كانت جزمته على الأرض شالتها ورمتها عليه بقوة بس ما اصابته..
انتبهت عليه يوقف ويقرب منها شالت الثانية ورمتها عليه وهالمرة صابته في كتفه بقوة..
ركضت تبي تطلع من الغرفة لكن هو مسكها ولوى يدها ورى ظهرها..
ومسك شعرها بيده الثانية..
غازي\متوحشة يـ القطوة..
هديل\اتركني يانذل ياتافه يامتخلف..
غازي لصق خدها على الجدار وقرب من اذنها وهمس لها بصوت حاد..
غازي\هو صح انا ماسويت أكثر من اللي قلته..بس هذا مايعني اني مو ناوي..
أبيك تكوني صاحية وواعية يــــادمعة..حتى بنومك تبكي..
هديل صرخت بيأس وكأن الصراخ ممكن يبعده عنها ويحميها من تهديده..
أو يخفف من يدينه عليها..
غازي\خلصي نفسك مانبي نتأخر على راجح...
هديل\ما اروح معك ولا امشي خطوة وحدة ياتراب..
بعد عنها وتركها تتوعد انها ماتروح معه ولا تظل اكثر من كذا..
قفا عنها غير مهتم بهيجانها وصراخها..
الى الآن ماسيطرت على أعصابها ولا هداء خوفها..
أخذت جواله من على الطاولة وكانت راح ترميه عليه..
لكن اخفته بسرعة في بنطلونها قبل ينتبه عليها..

ناظرها فجئة مستغرب من سكوتها المفاجىء..ولاحظ الارتباك بعيونها..
ركز عيونه على عيونها بس هي هربت من الغرفة بسرعة وجلست بالصالة تنتظره يطلع من الغرفة..
خرج وهي دخلت أخذت ملابسها ودخلت الحمام غسلت وبدلت وعيونها على الجوال..
فتحته لكن تفاجئت انه مقفل برمز..سبــــــته أكثر من مرة..
كان المفروض اتوقع هذا الشيء منه أكيد مقفله عشان اذا اخذته ما اقدر افتحه..
خبته في صدريتها مابقى الا حجابها والبالطو تبعها قررت تلبسها في الغرفة لانها خايفة يظهر شكل الجوال..
بالرغم انه مو باين عليها لكن هي من الخوف تحس انه باين شكله..
خرجت من الحمام بحذر وتوجهت لدولابها تطلع حجابها..
صرخت بتعب لما حست بيدينه على خصرها ويضغط عليه بقوة..
مثل ماسوى فيها بالمزرعة لما كانت لابسة السكت رولز..
غازي\ويـــن حطيتي الجوال؟؟
هديل ماردت عليه الا بآآآآآآه بصوت مكتوم..
غازي بحدة\ويـــــــــــــــــــنه؟؟
هديل بتعب\مــ و معــ ي..
غازي شد على يده وهي انحنت على ورى لحتى لصقت فيه..
هديل\مو معــــ ....آآآآآآهـ
سدحها على الأرض وفتش جيوب بنطلونها بس مالقاه..
كانت منحنية على بطنها بألم..
مد يده على صدرها ولما حس بوجوده..مد يده لصدريتها وطلع الجوال..
ماحاولت تمنعه بسبب الألم اللي كانت تحس فيه..
غازي\متى تكبريــــن؟؟أفكارك مفهومة ومتوقعها..
جوالي اختفى أكيد مافيه غيرك اخذه..
مع اني مأمن انك ماتقدري تستخدميه..
مابيتعب غيرك هنا ولا راح يشقى الا جسمك وقلبك..
وأنا دائماً أحذرك بس أنتي ماتفهمي..
اللي تبينهم نســــــوك أنسيهم ..
مالك غيري أنا..
خرج من الغرفة وتركها مسدوحة على الأرض تتألم وتمسح دموعها..


مـــاأقساك يــــارجل ..
تريدني ان أتذكرك ...

بمـــــاذا ..؟؟؟

بعـــــذابك ...
أم
بقســــوتك ...

ببــــرودك ...
أم
بأنانيتـــــك ...

كل هذا لا شــــئ عند ...

ضربــــك لــــــي ....

يالـ السخرية ....

جعلتني أضحك وكلـــي قهــــر ...

كيــــف لي أن أتذكرك ...
وأنت لــــي الخــــوف ...

والضيــــاع والقهـــــر ...

بأختصار ...

صفحة سوداء بحيـــــاتي ...


..نور الليالي..


<<<<<<<<<<<<<<<<<<<<<<<<<<<<<<<<<<<<<<<<<<<<<<

كان جالس بالصالة ينتظرها تطلع عشان يفطرون وبعدها يطلعون لمشوار هو مخططه لهم..

خرجت وهي مبدلة ملابسها ومتحجبة..
راجح\حياك ياعروس أفطري..
رشا\الحمدلله عليك بالعافية..
راجح\فكرتي تعقلي؟؟
رشا بابتسامة سخرية\تصدق كلامك معقول..لكن مو مقتنعة فيه..
راجح\مو ضروري تقتنعي..
رشا\كلمت طالب وهو يتفاهم معك..
راجح\لاتدخلي أحد بينا..تبين نتفاهم نتفاهم..
بس اذا فكرتي ان اخوانك بيقدروا يغيروا قراري..
فأنتي غلطانة ما احد يجبرني على شيء..

سكتت لأنها مو قادرة تواجهه لوحدها ولا تقنعه بوجهة نظرها..
راح تقول لاخوانها يتكلموا معه..رضى او مارضى..


<<<<<<<<<<<<<<<<<<<<<<<<<<<<<<<<<<<<<<<<


الجدة\لو أجلوا الزواج احسن..
أم علي\والله توقعت ياجلونه بس هم قدموا الموعد..
الجدة تناظر بغادة اللي نزلت الدرج وهي لابسة فستان أخضر داكن..
تسريحة بسيطة تاركة شعرها الطويل مسدول..
وحاطة طوق من الورد الابيض الطبيعي على لفات بسيطة من خصل شعرها..
الجدة باستغراب\غادة وين رايحة؟؟
غادة بهدوء\زواج سهى..
ام علي\تبين تروحين الزواج..؟؟
غادة\ايـــه يومه سهى بنت عمي واكيد بأحضر زواجها..
الجدة\يابنتي ماله داعي تحضرين..الناس بيتكلمون عليك..
غادة\يتكلمون ..وش يقولون؟؟
ام علي\المفروض كان زواجك قبل أيام بولد عمك..
مايصير تطلعي وكأن مافيه شيء صار..
غادة بثقة\فعلاً مافيه شيء صار..وأنا ماراح احبس نفسي بالبيت عشان الناس..
زواج بنت عمي وبأحضره..واذا في الموضوع عيب فهو مايلحقني..
العيب مايلحق الا الناس العايبة..وثقتي بنفسي مايهزها ريح..فمابالك بمسمى رجل..
أم علي\خلاص يومه لا انا ولا انتي نحضر ومعنا عذرنا..
غادة\والعذر..مكسورة بعد مارفضها ولد عمها..ولا لها وجه تشوف الناس.
لايومه أنا اللي حقرته لانه حقير..والزواج بنحضره انا وانتي..
الجدة\عساني ما ابكيك يا الغبراء والله انك بنت رجال..
ايه يومه لا توزني بكلام الناس..ولا تضايقي بالك..
غادة تبوس راس الجدة\خليهم يتكلمون والشمس مايحجبها غربال يومه..
علي\جعل من حكى فيك يظلم يومه بليله..
غادة\جعلك سالم يا ابو عبدالله..
علي\وش هالزين يامشاء الله توني اعرف انك حلوة..
ام علي بغصة\فديت بناتي من اجمل بنات حواء..
غادة\فداك الكون وسكانه يالغالية..
علي\لا يومه الزين ماهو حولهم بطلة ام عبدالله لبى الزين ياعرب..
حنان بخجل\تسلم يا الغالي..
الجدة\با الله الا قايم تبوسها ياللي ماتستحي..
علي قايم\أفا يالعلم ما اردك وانا ولد أبوي..قربي يا مره..
حنان بتهديد\علي امانة لاتفشلني في هلك..
علي\شفتي يومه لو ماحلفتني ماخليتها في خاطرك..
غادة\ههههههههههههه ماصدق خبر ..
أم علي\يا الله ياعلي مانبي نتأخر أنت بتوصلنا الفندق..
علي\ايــــه يومه انا..لكن بشرط..
حنان\وش شرطه الحين؟؟
علي بخبث\الجدة تجلس ورى وحنونتي قدام معي..
الجدة عصبت\تهبي يالخسيس ما اجلس الا قدام وانت وحرمتك بالدبة..
علي\ههههههههههههههههههههههه تبين تسوقين يا ام حسين..
الجدة\ايه اسوق قدامي السيارة لا بالعصا بين جنوبك..
حنان\هههههههههههههه يومه الله يسعدك لاتصدقي كلامه..أنتي قدام على طول..
غادة\يومه اجلس جنبك قدام؟؟
الجدة\نعنبوا غيركم تبون تهاوشوني على الشيخة..
الكل ضحك عليها وعلى كلامها ..
علي\مابه احد بيهاوشك على الشيخة يابنت الشيوخ..
يا الله لا تأخروني وراي مشاوير..
حنان\وين عبوود؟؟
علي بتحلطم\ولدك ذبح الذبايح ويقلط المعازيم..
لو تشوفينه كان سكني داخلن فيه..حشى ولا شايب بعمر ابوي..
ام علي\بسم الله عليه..اعوذ بالله من عيونك..عنبوا ابليس لاتنظل ولدك..
علي\بسم الله عليه مير انه يبط الكبد لما يقول ابوي شف ولدك احسن منك..
مايخلي لي فرصة افتخر فيه الا ويمد لسانه بوجهي الملعون من ورى ابوي..
ويضحك علي ان سمع الشايب يهاوشني..
حنان\هههههههههههه ماراح بعيد يشبه أبوه..
علي\يالبى الضحكة ماني مصدق ان ذاك القرد ولدك يالغزال..
غادة\هههههههههههههههههه ماعنده وقت على طول جاهز للكلام..
الجدة\انت بتقضب الطريق بدون كلامك ياللي ماتستحي..؟
علي\حنوو حبيبتي وش رايك نسفط العرس ونروح نتعشاء بمطعم ونسهر لحالنا؟؟
ام علي\ياولد انثبر زواج بنت عمك لازم تكون حاضر..
علي\يادين النبي لازم ينشبون لي بزوجتي..
حنان ماترد من الخجل ولان علي دائما يحرجها قدام اهله..
بس تكون مبسوطة بهواش الجدة له عشان كلامه عنها قدامهم..

وصلوا الفندق والكل نزل ومابقى الا غادة جت بتنزل لاكن انتبهت على وجود شخص قريب من الباب..
ترددت في النزول ولاحظ علي هذا الشيء..
علي بعصبية\تحبين اتوطى فيه قدامك..؟؟
غادة\لاتجيب الكلام عليكم انتوا عيال عم لاتشمت الناس فينا..
علي\والله ياغادة لا اخليه يدفع ثمن كل كلمة قالها فيك الخسيس..
غادة\قل للعقول اللي جهلت مادرت بي ..الريح ماهزتني وهزت جبال
وقل للذيابة مايضر لو حكت بي ..يبطون لا شمسٍ لقوا بي ولا ظلال
علي\لو ما حن بالشارع كان نطيت ابوس راسك..
بس يوم انسجن يومين برد خاطري السجن شوي..
غادة\ولد عمك أستخف يضارب خلق الله..وشله بالدكتور يوم يضربه ويكسر يده؟؟
علي\قلتيها يالغلا أستخف..أنط ابوس راسك..؟؟
غادة\هههههههه الحق لك يا ابو عبدالله..والحين انزل وصلني لـ الباب..
علي ينزل من السيارة ويفتح لها الباب..
نزلت وهو مسك يدها ووصلها لـباب الفندق الخاص..
تحت نظرات ذاك الصنم المنحوت من قهر وربما من الندم..

فسخت عبايتها وطرحتها متجاهلة الرجفة اللي تهزها..
حصنت نفسها وتعوذت من الشيطان ودخلت القاعة..
تمنت وجود هديل معها بها اللحظة..
كانت راح تستقوي بوجودها أكثر..
ماتقدر تبين قدام امها او جدتها اي من خوفها..
مشت بين الناس وهي رافعة راسها..
واثقة بخطواتها وشكلها..
توجهت لـ الطاولة اللي امها جالسة عليها..
لكن فيه من طلع بوجها..
سارة\هلا وغلا بشيختنا...
غادة تبتسم\هلا فيك ياسارة..
سارة تحضن غادة وتهمس باذنها\الله يسعدك ويرزقك بالنصيب الطيب..
غادة\الله يسعد الجميع..مشكورة يا الغالية..
سارة\تمنيتك لراكان لكن الله ماكتب..
غادة\الحمدلله الف مرة على نعمته..
سارة ماردت على غادة..
كنت اتمناك زوجة لاخوي وتسعدينه..
بس جفاكم عن بعضكم حيرني كثير..
الاكيد ماهو هديل وذكراها السبب..
السبب شيء كبير خلا عمي يكنسل الزواج وينهيه..
خيرة لكم..الله يعوضكم بخير..

كانت حاسة بنظرات الكل وتسمع بعض الهمس..
ماكنت راح احبس نفسي واخلي الناس تتكلم وتصدق نفسها..
تدري بصعوبة قرارها وماراح تتراجع..

قربت منها بنت خالتها وسحبتها معها على المسرح..
شغلت الدي جيه أغنية عبد المجيد عبدالله مرتاح ولا يتصنع قلبك الراحة..
ناظرت بسارة وأدركت انها هي اللي طلبت الأغنية لغادة..

غادة ابتسمت لسارة بسخرية والثانية نفس الشيء..
ورقصت بكل ثقة ودلع..
متجاهلة اي شعور ثاني يسكنها بها اللحظة..


؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛


تقول الأسطورة ..
أرمي قطعة نقود وان تمنيت أمنية خاصة لك..فقد تتحقق..
وان تحققت تلك الأمنية فأنت ستعود الى هذه النافورة وتتمنى من جديد..
وستعــــــــــــــــــود دوماً..

نافورة تريفي..
كان الجميع متواجدين حواليها ويتاملوا المنحوتات المحايطة بالنافورة..
شوق ورشا رموا حصى وهم يتمنوا يحكموا العالم بشكل ساخر وغير مهتمين بالاسطورة..
غازي وراجح يضحكون عليهم ويقولوا لهم يتمنوا شيء ممكن يتحقق..
شوق\ياهياط الايطاليين يسرقون فلوسنا لما نرميها في بركتهم..
راجح\لاتفضحينا اسمها نافورة مو بركة..
شوق\اللي هي المهم يبون نقودنا الغالية..
رشا\شوق خلينا نطب بوسط النافورة ونجمع كل هذي العملات..
شوق تشمر عن يدينها\وخري وانتي قلتيها..
راجح يمسكها\هههههههههههه يالمجنونة ترى يحبسونك اذا تعديتي على حرمة النافورة..

تركهم غازي وراح باتجاه هديل اللي كانت بعيـــــــــــدة عنهم بالموقع وبالخيال..
غازي\حابة تتمني؟؟
هديل\لا..
غازي\تدرين وش اسم تريفي يشير له؟؟
يشير للعذرية..كانوا بنات روما بالعصور القديمة يجون عند هذا النبع...
ويتمنوا الزواج..والنساء المتزوجات يتمنوا الأمومة والأطفال..
طبعاً هذا كان قبل لاتبنى النافورة كان نبع فقط..
يمكن حابة تتمني الحين؟؟
هديل\ايــــــه..
مد لها بقطعة نقدية وانتظرها تأخذها..أخذتها بأصابع ترتجف..
وظلت تناظر فيها بعدم اهتمام..
رجعتها له وحطتها بجيب جاكيته الخارجي..
هديل بهدوء\أتمنى من ربي بس..وربي مايحتاج فلوسك..
غازي\الحمدلله كل اللي عندي من فضل ربي علي..
هديل\مهما طال الوقت ربي بيحقق امنيتي..
غازي\ممكن تمنحيني الشرف بمعرفة أمنيتك..
هديل\ايـــــــــه أني أختفي من حياتك..
غازي\لو تقلبي الامنية ممكن تتحقق..
لو تقولي أختفي انا من حياتك..لأني أضمن لك انتي مستحيل تختفي من حياتي..

سكتت لأنه شيء مستحيل يختفي من حياتها..وحتى لو دار الزمن وهربت منه..
راح يظل عايش بذاكرتها بأحلامها..وراح تصحى بسبب الكوابيس اللي سببها لها..

تركها ورجع عند راجح والبنات وعيونه تراقبها..

شوق\انتي وين ولدك؟؟
رشا\مع امي..ليش؟؟
شوق\جيبيه أرميه في البركة وأنط وراه يعنني ابي انقذه..واسرق كم درهم..
راجح\ليــــش عفت ولدي يوم اعطيك اياه يالمهبولة..؟؟
رشا انبسطت من كلام راجح\شوفوا المجرمة ماكانك شايفة خير تبي تغرق الولد..
شوق\شوفوا الامر من زاوية ثانية..بأسرق الطليان ..
غازي\فيك خير طبي على بنك ماهو نافورة..
شوق\تخصصي نافورات مو مثلك الله يعافينا ماخليت بنك الا وقاط فيه..
رشا\هههههههههههههه لاتنظلين اخوي..
راجح\شوق اتحداك تدخلي القصر هذا المبني على النافورة..
رشا\أساطير كثير تنقال عن هذي النافورة..بس ماني مصدقة اي وحدة منها..
شوق\ليــش ماندخل القصر..؟؟
غازي\ممنوع السياح يدخلوا القصر لأنه من أروع القصور من العصور الوسطى الى هذا الوقت..
بنوا القصر على نبع ماء وبكذا بنوا هذي النافورة لان النبع يصب فيها..

ام غازي\مامليتوا من مناظر ها الاصنام؟؟تعبت من الجلسة على الدرج لحالي..
رشا\يومه وين غازي؟؟
ام غازي\بسم الله وين راح كان معي الحين..
رشا بخوف\ويـــن راح يومه؟؟
راجح يتلفت\ماراح يبعد اذكري الله..
رشا\ويـــــــــــنه ما اشوفه وين راح؟؟

الكل يتلفتون حواليهم يدورون على غازي الصغير..
حتى ان غازي التهى عن هديل ولا ناظر باتجاها لما كان يدور على غازي..
رشا بدت تبكي وهي تصرخ تنادي على ولدها..
شوق ماخلت قريب او بعيد الا وفتشت بعرباتهم وأغراضهم..
من غير ماتهتم لصراخهم عليها وانتقادهم لتصرفاتها..
ام غازي ماسكة رشا وتدور على غازي الصغير بخوف ..
غازي وراجح طلبوا من السياح البحث معهم عن طفل مايتعدى عمره اربع سنوات..
علموهم بلبسه وشكله..
أنهارت رشا وصارت تسب نفسها لأنها لهت عنه..
راجح قرر يتصل بالشرطة يطوقوا المنطقة..


<<<<<<<<<<<<<<<<<<<<<<<<<<<<<<<<<<<<<

هديل\هههههههههههههه بياكلنا سمك القرش..
غازي\فيه سمكة؟؟
هديل\ايـــه فيها سمكة كبيــــــــــــــرة مثل خالك الدوب..
غازي\سوفي<<شوفي
دخل يده بجيب بنطلونه وطلع حلق صغير ورماه بالنافورة..
هديل\ههههههههههه ياورع لمين هذا الحلق؟؟
غازي\حق سوقة..
هديل\شوقة يعني شوق..
غازي\ايه سوقة..
هديل\قول شوكة..مو سوقة..
غازي\سوكة..
هديل\ههههههههه بالضبط سوكة..تبي ماء..
هز راسه بايه وهي شربته من علبة الماء تبعها..
هديل\تدري وش اللي اكرهه فيك؟؟اسمك..
أنت ملاك ماتستاهل تحمل اسم هذاك الجلمود..
غازي\ماما..
هديل\أمك مدري وينها نروح ندورها؟؟
غازي\نلوح..
...بحقد\ناوية تذبحينه مثل ماذبحتوا أبوه؟؟
هديل التفتت على اللي تكلمها بهذا الحقد..وتنطق مثل هالكلام..
هديل\أنتي وش تخرفي؟؟
رشا\ناوية تذبحي ولدي يامجرمة..هاتي ولدي..
سحبت غازي من يدين هديل بقوة وهي تصرخ فيها..
شوق بكره\لاتمدي يدك على ولد أخوي ولا تقربي منه..
والله اشرب من دمك..
رشا\اسمعي ياحقيرة آخر مرة تقربي من ولدي..
راجح بعصبية\سدي فمك أنتي وهي..البنت ماسوت شيء..
شوق\عمـــي ماتـــ.....
راجح بحدة\قلتلك اكتمي..طسي قدامي عند أمك..
مشوا البنات وتركوا هديل تناظر وراهم باستغراب..
راجح\وانتي تعالي قريب منا..
صدت عنه ونزلت الدرجات الكبيرة غير مهتمة لا فيه ولا في غازي..
وماكان في نيتها الهرب..لانها ماتدل شيء بها المكان..

وصلت لآخر الدرجات ولمحت الأسواق الفخمة والماركات العالمية على الواجهات..
دخلت محل ديور بالرغم من البذخ والرقي بالمحل الا انها كانت حابسة الدمعة وتداريها..
عطورات..حقائب ملابس من ارقى مايكون..
حتى الاكسسوارات الباهضة كانت معروضة بطريقة جداً رائعة..

انتبهت عليه لما دخل المحل ووقف قريب منها..
وهي كانت جالسة على كنبة راقية موضوعة لـ الزبائن..
وقفت وطلعت من المحل بسرعة..
ماتبي تتواجد معه باي مكان..
وماتبي تسمع منه كلمة أو حرف..


وصلوا الفندق دخلت الجناح فسخت جزمتها ونامت على الكنبة بالصالة.وتغطت بجاكيتها..
جلس على كرسي مقابل لها..
كان واضح عليها الضيق..طول اليوم صامتة ولا تتكلم..
وزاد الوضع بعد كلام رشا وشوق لها..
وقف دخل الغرفة ورجع لها..
رفع راسها وحط المخدة تحتها..
وغطاها بالمفرش تبع السرير..

..حط يده على راسها وهمس..

غازي\بكرة بنسافر أنا وأنتي..
تمسي على خير..
















عرض البوم صور MAY   رد مع اقتباس
رد

مواقع النشر (المفضلة)


الذين يشاهدون محتوى الموضوع الآن : 307 ( الأعضاء 0 والزوار 307)
 
أدوات الموضوع
طرق مشاهدة الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع إلى


الساعة الآن: 07:21 AM


Powered by vBulletin® Version 3.8.4, Copyright ©2000 - 2014,
المنتدى غير مسؤول عن المشاركات المطروحة فيه وهي تمثل وجهة نظر كاتبها